Read lulogooli 1 Vakorintho 16 Bible Online

1 Vakorintho 16 - lulogooli bible

1 Vakorintho 16

¹Rangwa avatakatifu; kuli nda laga mavugano gosi ge Galatia, mwinye kandi mu kole ndiyo.

²Ku lidiku lyokutanga lisidza mundu sa mulala ku mwinye yivikire akiba kuli vya a nyola, li ta va livungidza lwa inze mwene nzidza.

³Kandi lwa nduka ku mwinye, nda tuma yava netsibaruwa ava mu li tovola, kuhila ubuhaani bwenyu kuduka Yerusalemi:

⁴kandi ni ga va ni ga ndukira kutsia, ku la tsia kwosi.

⁵Navutswa ndadza ku mwinye lwa ndi vita Makedonia; kigira nda vita Makedonia;

⁶mbula nda menya hakekeke ku mwinye, kinga nda menya nemwinye kuduka inyinga yobukindu i vite, mwinye mu mbereke ha ndi tsia.

⁷Kigira si nyenyi kulolana nemwinye mu lugendo mweng'ine; kigira nyenya kumenya nemwinye inyinga inkekeke, Mwami na a yanza.

⁸Navulswa nda menya Efeso kuduka lilia lya Pentekote;

⁹kigira nziguleywi muliango munene kandi gwokukonya, kandi va veye avasigu vanyingi.

¹⁰Navutswa Timoteo ni yadza, mu henze a ve ne mwinye bugira ubutii; kigira a kolanga miyinzi gyo Mwami, kuli inze nkolanga:

¹¹kunangwa mundu kali mulala a ta mu lega. Navutswa mu mbereke nemirembe, yadze ku inze: kigira inze mu henzerera yadze halala navamitu.

¹²Navutswa ku makuva ga Apolo amitu wetu, nda mwenya ligali a tsie ku mwinye halala navamitu; navutswa si ya yanza ligali kuudza kalunu; navutswa a la kadze lwa a li va nobwiyangu.

¹³Mu linde, mu dinye mu lisuuvira mu ve avasatsa, mu ve avetsinguiu.

¹⁴Gosi ga mu kolanga ga kolwe nobuyanzi.

¹⁵Kalunu, avamitu, ngoonya mwinye (mu manye inyumba ya Stefano i veye ubuhya bwa Akaiya, kandi avene vivika kutumekira avatakatifu),

¹⁶mwinye kandi mwegehidze ku va veye ndi, kandi ku vosi avakonyanga mu miyinzi nokudidikana.

¹⁷Inze nyanza kigira liidza lya Stefano na Fortunato na Akayiko; kigira kya geha ku mwinye yava va dukidzi.

¹⁸Kigira va sosidza roho gwange negyenyu kandi: kunangwa mu bugirira ava veye ndi.

¹⁹Mavugano ga Asia va mu chelidza. Akula na Prisila va mu chelidza ligali mu Mwami, halala nelivugana li veye mu inyumba yavo.

²⁰Avamitu vosi va mu chelidza. Mu chelidzane avene navene nelibusa litakatifu.

²¹Lichelidza lya inze Paulo nomukono gwange mwene.

²²Ku vosi mundu na a ta yanza Mwami, a laamwe lwo Mwami a ladza.

²³Tsimbabasi tsyo Mwami Yesu Kristo tsi ve nemwinve.

²⁴Ubuyanzi bwange bu ve nemwinye vosi mu Kristo Yesu. Amini.