Read lulogooli 1 Vakorintho 3 Bible Online

1 Vakorintho 3 - lulogooli bible

1 Vakorintho 3

¹Na inze, avamitu, si nda nyala kuvolera mwinye kuli mu veye avaroho, navutswa nda mu volera kuli mu veye avomubiri, kuli avana vadoto mu Kristo.

²Nda mu nwehidza amaveere, si nda mu lagiridza ubukima mba; kigira mwa li ni mu ta nyala kulagira: y ee, kuduka kalunu si mu nyala;

³kigira mu kikiri avomubiri: kigira ndiyo mu veye nembodoka nelihing'ana mu mwinye, si mu veye avomubiri, kandi si mu genda kuli avandu?

⁴Kigira lwa mulala a vola, Inze mbeye wa Paulo, nowundi, Inze mbeye wa Apolo; si mu veye avandu?

⁵Kunangwa Apolo nibwaha? Na Paulo nibwaha? Va veye avatumwa ava mwa nyolira ku lisuuvira; sa mulala kuli Mwami ya mu ha.

⁶Inze nda simika, na Apolo ya sama amadzi; navutswa Nyasaye ya virukidza.

⁷Kunangwa uyu u simikanga si a li kindu, kandi uyu u samanga; navutswa Nyasaye u viru kidza a veye munene.

⁸Kalunu uyu u simikanga no uyu u samanga va veye mulala: navutswa sa mulala a la nyola madanyi gege mwene kuli miyinzi gyigye mwene.

⁹Kigira kwinye ku veye ava kolanga miyinzi halala na Nyasaye: mu veye mulimi gwa Nyasaye, lyombaka lya Nyasaye.

¹⁰Ku tsimbabasi tsya Nyasaye tsya nda hebwa, kuli munene wavombaki wobugeeri nda yava musenowundl a tsia kwombaka ku. Navutswa sa mulala yehenze kuli yombaka ku.

¹¹Kivune si ha veye nomundu u nyala kuyava muse gundi gu vita yigu gwa yavwa, nagwo ni Yesu Kristo.

¹²Navutswa ku vosi mundu mulala ni yombaka mmuse yigu ithahabu, kinga fetha, kinga magina malahi, kinga misala, kinga bunyasi, kinga uluvuva;

¹³miyinzi gya vosi sa mulala gyi la lang'aminywa: kigira lidiku yilyo li la gyi lang'aminya, kigira gyi la lang'aminywa mu muliru; kandi muliru gwene gu la geridza miyinzi gya vosi sa mulala kuli wa gyi veye.

¹⁴Ku vosi wombaka mmuse yigu, ni i va miyinzi gyigye gyi tigala, a la nyola madanyi.

¹⁵Ku vosi wemiyinzi gyigye gyi la hya, a la yinga, navutswa mwene a la honnywa; navutswa ga veye kuli a vita mu muliru.

¹⁶Si mu manya mu veye litempeli lya Nyasaye, kandi Roho wa Nyasaye a menya mu mwinye?

¹⁷Ku vosi mundu ni yononnya litempeli lya Nyasaye, Nyasaye a la mwononnya; kigira litempeli lya Nyasaye li veye litakatifu, nalyo ni mwinye.

¹⁸Ku vosi mundu kali mulala a tegada. Ku vosi mundu na a va na a ganagana a veye mugeeri ku mwinye mu tsinyinga yitsi, a gwe musiru, a duke kugwa mugeeri.

¹⁹Kigira ubugeeri bwelirova yili bu veye ubusiru ku Nyasaye. Kigira ga ng'odwa, Uyu a gimira avageeri mu bugeeri bwavo,

²⁰kandi, Mwami a manya tsiganagani tsyavageeri, tsi veye tsya vutswa.

²¹Kigira yaga ku vosi kali mulala a tiidzominya mu vandu. Kigira vyosi ni vyenyu;

²²na a va na a veye Paulo, kinga Apolo, kinga Kefa, kinga lirova kinga livamwoyo, kinga likudza kinga vi veye ho, kinga vi ta veye ho; vyosi ni vyenyu;

²³na mwinye mu veye ava Kristo; na Kristo a veye wa Nyasaye.