Read lulogooli 2 Vakorintho 1 Bible Online

2 Vakorintho 1 - lulogooli bible

2 Vakorintho 1

¹Paulo, mutumwa wa Kristo Yesu ku bulaliri bwa Nyasaye, na Timoteo, amitu wetu, ibaruua yetu yiyi i duke ku livugana lya Nyasaye li veye mu lidala lya Vakorintho, halala navatakatifu vosi ava veve mu kivala kya Akaiya kyosi:

²Tsimbabasi nemirembe gyi twulanga ku Nyasaye Dada wetu kandi ku M wami Yesu Kristo gyi ve ku mwinye.

³Yidzominywe Nyasaye Dada wo Mwami wetu Yesu Kristo, Dada wetsmbabasi kandi Nyasaye welileminya lyosi;

⁴u leminyanga myoyo gyetu mu busaliri bwetu bwosi, kwinye ku duke kuleminya myoyo gya yavo ava veye mu busaliri bwosi, ku lileminya lya Nyasaye a ku leminya.

⁵Kigira kuli ubusaliri bwa Kristo bwa kira ku kwinye, kandi ndiyo lileminywa lyetu li kiranga kigira Kristo.

⁶Navutswa kwinye ni ku va ni ku saliridzwa, ga veye ku lileminywa lyenyu noku buhonnyi hleenyu; kinga ni ku va ni ku leminywa mwoyo, ga veye ku lileminywa lyenyu, li kolanga mu lyekudzira ku busaliri zana bwa ku saliranga:

⁷kandi lisuuvira lyetu ku mwinye li dinyeridzwa, kigira ku manya, kuli mu veye ava sanga mu busaliri, kandi mu veye ava sanga mu lileminywa.

⁸Kigira si kwenyi mwinye, avamitu mu vule kumanya amakuva gobusaiiri bwa ku gwira rnu Asia, kuli kwa minika kuvita ligera, kuvita tsingulu tsyetu, kwa luha kwa twulidza mwoyo ku livamwoyo lyetu.

⁹Yee, kwinye avene kwa li nelikalagirwa lyelikudza mu myoyo gyetu, ku tesuuvira kwinye avene, navutswa ku suuvire Nyasaye u simugukidzanga avakudzu:

¹⁰wa ku honnya mu likudza linene kuli yili, kandi a la ku honnya: ku uyu ku suuviranga a la ku honnya lwenyima;

¹¹mwinye kandi mwa konyana halala mu lisaala lyenyu kigira kwinye; kigira vihaanwa vya kwa hebwa kigira vanyingi, avanyingi va ve nelisantidza kigira kwinye.

¹²Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

¹³Kigira si ku mu ng'odeye likuva ni ga ta li yaga ga mwa soma, nago ni yaga aga mu bugirira, kandi nsuuvira mu la bugirira kuduka ku kiheri:

¹⁴kuli mwa bugirira kwinye ha luvega lulala kuva lidzominya lyenyu, kuli kandi mwinye mu veye lyetu, ku lidiku lyo Mwami Yesu.

¹⁵Kandi mu ageligali yaga nda lalira kuudza ku mwinye lwembiri, mu duke kunyola kihaanwa kya kaviri;

¹⁶kandi kuvita ku mwinye kuduka Makedonia, kandi kutwula Makedonia kuduka ku mwinye, mwi nye mu mbereke ku inzira yange kutsia Ebuyuda.

¹⁷Kunangwa lwa mla lalira ndi, nda tumekira ligirunkana? Naho vindu vya nda lalira, nda lalira mu mubiri, ku inze ga ve yee yee kandi auwa auwa?

¹⁸Na vutswa kuli Nyasaye a veye musuuviriiu, amakuva getu ga ku mwilwadzira si ga veye yee na auwa.

¹⁹Kigira Mwana wa Nyasaye, Yesu Kristo, w a kwilwadza ku mwinye, inze na Silvano na Timoteo, si ya li yee na auwa, navutswa muye ga veye yee.

²⁰Kigira ligera lyelisuuviridza lya Nyasaye ni li veye linyingi mu uyu li veye yee: kigira yaga Amini li veye mu uyu kandi, ku ubukumi bwa Nyasaye bu twula ku kwinye.

²¹Kalunu uyu u ku singeridza halala na mwinye mu Kristo, nokukuvaka amaguta, a veye Nyasaye;

²²u ku viki muhuri, kandi u ku heye kihambiriru kya Roho mu myoyo gyetu.

²³Navutswa inze nzaniranga Nyasaye a ve muloli wange, ga veye kigira nda mu vererera si ntsitsa Korintho kuduka kalunu.

²⁴Si ga li kuli kwameha ku lisuuvira lyenyu, navutswa ku veye avakonyi vobuyanzi bwenyu: kigira mu singira budinyu.