Read lulogooli 2 Vakorintho 10 Bible Online

2 Vakorintho 10 - lulogooli bible

2 Vakorintho 10

¹Kalunu inze mwene Paulo, mmu goonya kigira ubuhokya nobuhooma bwa Kristo, inze lwa mbeye nemwinye halala mbeye mwegehidzu, navutswa lwa mbedzanga ihale nemwinye mbedzanga nobuluviriri ku mwinye:

²yee, mmu goonya lwa mbedza ho, mbule kuva nobuluviriri ku yavo bwa mbola nda va nobuluviriri ku yavo, ava vola ku kwinye ku genda ku lugano lwomubiri.

³Kigira kali ku genda mu mubiri, si ku lwana kuli lugano lwomubiri.

⁴(Kigira vyuma vyo bulwani bwetu si vi veye vyomubiri navutswa vi veye netsingulu kigira Nyasaye kuduka kutsoma hasi tsingaga);

⁵kutsoma hasi mahangali na vyosi vi veye igulu, vi hing'ananga nelimanya lya Nyasaye, nokulanya tsiganagani tsyosi nokutsivika mu lihulira Kristo;

⁶kandi ku veye mu lyetegeka lyokuha livula kuhulira lyosi amageri, lwelihulira lyenyu li la dukidzwa.

⁷Mwinye mu henza vindu vi veye imbiri wetsimoni tsyenru. Mundu kali mulala ni yesuuvira mwene kuva wa Kristo, a ganagane likuva yili mwene kandi, kuli mwene a veye wa Kristo, kandi kwinye ku veye ndiyo.

⁸Kigira ni nziidzominya ligali kigira tsingulu tsyetu (tsyo Mwami ya ku ha kwombakira mwinye, ni tsi ta li tsyokumutsoma hasi), si nda va isoni:

⁹nta lolwa kuli wenyanga kumutihidza netsibaruwa tsyange.

¹⁰Ki gira va vola, Tsibaruwa tsitsye, ni tsindiduhu kandi tsi veye netsingulu; navutswa mwene na a veye ho mubiri nu mudedekere, kandi livola lilye si li veye kindu.

¹¹U veye ndiyo a ganagane likuva yili, kuli ku veye nelivola ku tsibaruwa ni ku ta li ho, ku veye ndiyo mu likola lwa ku veye ho.

¹²Kigira si ku lema mwoyo kwivika mu livalidzwa lya yava aviidzominyanga avene, kinga si ku lema mwoyo kweleng'annya kuvo: navutswa yava avegerannyanga avene na avene, kandi veleng'anyanga avene na avene, si va veye nelimanya.

¹³Navutswa kwinye si ku liidzo minya kuvita kigero kyetu, navutswa kuli kigero kyolwako kya Nyasaye a ku gerera ki ve kigero kyetu, ki duke ku mwinye.

¹⁴Kigira si ku vitanga kigero kyetsingulu tsyetu, kuli tsya vula kuduka ku mwinye: kigira kwa tanga kuduka ku mwinye mwivangeli ya Kristo;

¹⁵kali si kwiidzominya kuvita kigero kyelu kuli kleiidzominya mu miyinzi gyavandu vandi; navutswa ku veye nelisuuvira, kuli lisuuvira lyenyu li nenehanga, ku la nenehidzwa ku mwinye ligali kuli lwako lwetu lu veye,

¹⁶ku duke kwilwadza ivangeli mu vivala vi veye inyima u enyu, ku tiidzominya ku lwako lwomundu wundi kigira amakuva ga mala kulombwa.

¹⁷Navutswa uyu wiidzominyanga, yiidzominye mu Mwami.

¹⁸Kigira si a li uyu wiidzominyanga mwene u bugirirwa, navutswa ni uyu wo Mwami yidzominyanga.