Read lulogooli 2 Vakorintho 4 Bible Online

2 Vakorintho 4 - lulogooli bible

2 Vakorintho 4

¹Kunangu a kigira ku veye nobutumwa yibu, kuli kwa verwa tsimbabasi, si ku kudza mwoyo:

²navutswa ku suye vindu vya viswa vyetsisoni, ku ta genda mu bugeeri budamano, kinga ku ta tumekira likuva lya Nyasaye nobu gadi; navutswa ku livika habulavu ageligali kwelang'aminya mu myoyo gyavandu vosi imbiri wa Nyasaye.

³Navutswa ivangeli yetu ni i va ni i kunikeywi nobwasasu, i kunikeywi ku yava ava divanga:

⁴avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

⁵Kigirasi kwelandidza kwinye avene, navutswa ku ilu adza Kristo Yesu niye u veye Mwami, na kwinye ku veye avatu mwa venyu kigira Yesu.

⁶Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

⁷Navutswa ku veye na akiba yiyi mu viju vyobudohi, tsingulu tsinene ligali tsi duke kutwula ku Nyasaye, si tsi twula ku kwinye avene;

⁸ku kupidzwa kivi tsimbega tsyosi, navutswa si ku kuminikeywi; ku genyerangwa, navutswa si ku twulidza ku mwoyo;

⁹ku dambidzangwa, navutswa si ku lekangwa; ku tsomangwa hasi, navutswa si ku dividzangwa;

¹⁰madiku gosi ku gendera liitwa lya Yesu, mu mubiri gu etu, livamwoyo lya Yesu kandi li lang'aminywe mu mubiri gwetu.

¹¹Kigira kwinye ava ku veye mwoyo ku haanangwa kuvikwa mu likudza kazozo kigira Yesu, livamwoyo lya Yesu li duke kulang'aminywa mu mubiri gwetu gwelikudza.

¹²Kunangwa likudza li yinzira mu kwinye, navutswa livamwoyo li yinzira mu mwinye.

¹³Navutswa ku veye nomwoyo zana gwelisuuvira, kuli aga ng'odwa, Nda suuvira, yiki ni kigira nda vola; kwinye kandi ku suuvira, yiki ni kigira ku vola;

¹⁴kigira ku manya uyu wa simugukidza Mwami Yesu a la simugukidza kwinye kandi halala na Yesu, a la ku singeridza halala nemwinye.

¹⁵Kigira vindu vyosi vi veye kigira mwinye, tsimbabasi inyinga tsi daswa kigira vanyingi, tsi duke kukola lisantidza li kire ligali kuduka ku bukumi bwa Nyasaye.

¹⁶Kigira yaga si ku twulidza ku mwoyo, navutswa kali mundu wetu wokwigodo ni yoneka, mundu wetu womugati a kolangwa muhya kazozo.

¹⁷Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga;

¹⁸inyinga kwinye ku vula kuhenza vindu vi lolekanga, navutswa ku henzanga vi ta lolekanga: kigira yivi vi lolekanga vi veye vyenyinga inkekeke; navutswa vindu vi ta lolekanga vi veye vyemihiga nemihiga.