Read lulogooli 2 Vakorintho 7 Bible Online

2 Vakorintho 7 - lulogooli bible

2 Vakorintho 7

¹Kunangwa kigira ku v eye nelisuuviridza yili, avayanze vange, kwelombe kutwula ku ubudamano bwosi bwomubiri nobwomwoyo, mudukidze ubutakatifu mu ubutii bwa Nyasaye.

²Mu ku lekere ubwiyangu mu myoyo gyenyu: si kwa kolera mundu kali mulala kindu kidamano si kwa gotidza mundu kali mulala, si kwa nuula mundu kali mulala.

³Si mboye yaga kumukalagira kuva avoni: kigira ntangi kuvola mwinye mu veye mu myoyo gyetu ku kudze halala nemwinye, kandi ku ve mwoyo halala nemwinye.

⁴Ubuluviriri bwelivola lyange ku mwinye nu bunene, kandi liidzominya lyange kigira mwinye ni linene: nzizuye ubusangali, mu busaliri bwetu bwosi nzizuye ubuyanzi.

⁵Kigira, lwa kwa duka Makedonia, mibiri gyetu si gya lola ubwiyangu kali hakuzu, navutswa kwa saliridzwa tsimbega tsyosi; ikyova lya li lihe, na mugati bwa li ubutii.

⁶Halala na yaga, Nyasaye u lemi nyanga avadedekere myoyo, ya ku leminya myoyo ku lileta Tito ku kwinye;

⁷navutswa si ga li ku liidza lilye lyeng'ine, navutswa kandi kigira lileminya lya ya leminywa mwoyo ku mwinye, lwa ya ku volera amaholu genyu manene, nelilira lyenyu, nobugulu bwenyu kigira inzekuduka inze nda luha nda yanza kuvita.

⁸Kali ni nda mu vereridza nebaruwa yange, si mberera, kali ni nda verera (kigira ndola ibaruwa yeyo ya mu vereridza, kali ni ya li inyinga inkekeke),

⁹kalunu nsangalanga, si ga li kigira mwinye mwa vereridzwa, navutswa kigira mwa vereridzwa kuduka ku lyeganira; kigira mwa vereridzwa kuyeka ku Nyasaye, mu ta nyola lyoneka kigira kwinye ku makuva kali lilala.

¹⁰Kigira liverera lyokuyeka ku Nyasaye li kola lyeganira kuduka ku lihonnywa, kigira li veye lyeganira li ta veye neliverera: navutswa liverera lyomukivala li leta likudza.

¹¹Kidra mu henze, likuva zana yili, liverera lyenyu lyokuyeka ku Nyasaye, lya kola ku mwinye lyedinyiridza ki, yee nelyekinga ki yee nelidunya ki, yee nelitia ki, yee nelyegomba ki, yee nobugulu ki, yee nelivanza kisalia ki Mu gosi mweIolekidza kuva avaseredze mu inkuva yeyo.

¹²Kali ni nda mu ng'odera, si nda mu ng'odera kigira uyu wono nnya wundi, kinga kigira uyu wononnywa, navutswa ubugulu bwenyu kigira kwinye bu duke kulang'ami nywa ku mwinye imbiri wa Nyasaye.

¹³Kigira yaga kwa leminywa myoyo; kandi mu lileminywa lyetu kwa yanza kuvita kigira ubuyanzi bwa Tito, kigira mwa sosidza mwoyo gwigwe mwosi.

¹⁴Kigira ni nziidzominya kuye mu makuva gosi kigira mwinye, si mba isoni; navutswa kuli kwa volera mwinye vindu vyosi mu ageligali, kunangwa liidzominya lyetu lya ndiidzominya imbiri wa Tito lya loleka kuva lyeligali.

¹⁵Kandi ubuyanzi bwibwe bwa kira ligali ku mwinye, lwa yidzulitsanga lihulira lyenyu mwosi, kuli mwa mu bugirira nobutii nelidegera.

¹⁶Nyanza mu makuva gosi kigira mbeye nekilema mwoyo kigira mwinye.