Read lulogooli 2 Vakorintho 9 Bible Online

2 Vakorintho 9 - lulogooli bible

2 Vakorintho 9

¹Kigira mu bwokutumekira avatakatifu, si mbeye nekya mmu ng'odera:

²kigira mmanya lyetegeka lyenyu lya nziidzominyira ku Vamakedonia kigira mwinye, mba Dolera avandu va Akaiya vetegeki kutanga muhiga mulala; kandi ubugulu bwenyu bwa tsuuva avanyingi ligali kuvo.

³Navutswa ntumi avamitu, liidzominya lyetu kigira mwinye li ta kolwa kuva lya vutswa ku makuva yaga: mu duke kwetegeka, kuli nda vola:

⁴ki ta vaho kindu kali kilala avandu va Makedonia ni vadza halala na inze va mu nyole ni mu tetegeki, kwinye (ku vule kuvola mwinye) ku la va isoni ku liidzominya yilyo.

⁵Kunangwa nda lola nobulahi ng'oonye avamitu, va tange kuudza ku mwinye, ya lombe imbiri kihaanwa kyenyu kya lagwa lwambiri, kihaanwa zana kyetegeke kuli ga vedzanga ku kihaanwa, ga ta va kuli kunigwa.

⁶Navutswa yaga mbola, Uyu u midzanga nobuimani a gesanga vyobwimani; kandi u midzanga nobuhaani agesanga vyobuhaani.

⁷Mundu sa mulala a kole kuli a yanza: si ga li ku buvereri, kinga ku linigwa: kigira Nyasaye a yanza u haananga nobusangali.

⁸Kandi Nyasaye a nyala kuleta ku mwinye tsimbabasi tsyosi kukira; mu dukire ligali vindu vyosi madiku gosi, mu duke kukira mu miyinzi milahi gyosi.

⁹Kuli ga ng'odwa U mali kusalidza, u mali kuha avadaka Ubulungi bwibwe bu singira mihiga nemihiga.

¹⁰Uyu u hedzanga mumidzi ubugutsa nobukima bwokulagira, a la ha mwinye bugutsa bwokumidza, kandi a la bu dasa, kandi a la kiridza makuyu gobulungi bwenyu:

¹¹mwinye mu koleywi avahinda ku vyosi kuduka ku buhaani bwosi, obu letanga ku kwinye lisantidza Nyasaye.

¹²Kigira likola ubutumiki yibu si li konya avatakatifu veng'ine, navutswa li kiranga ligali ku Nyasaye mu lisantidza linene.

¹³Kigira ku lige ridzwa lyenyu ku butumwa yibu vidzominya Nyasaye kigira lihulira lyenyu lyokweyama ivangeli ya Kristo, noku buhaani bwevihaanwa vya mwa va kolera halala na vosi.

¹⁴Yava avene halala nokusaalira mwinye va kayirwa ligali kigira tsimbabasi tsya Nyasaye tsya kira ku mwinye.

¹⁵Nyasaye a santidzwe kigira kihaanwa kikye ki vula kuvolwa kyosi.