Read lulogooli Vafeso 1 Bible Online

Vafeso 1 - lulogooli bible

Vafeso 1

¹Paulo, mutumwa wa Kristo Yesu ku bulaliri bwa Nyasaye, ibaruua yange yiyi i duke ku vatakatifu ava veye mu Efeso, kandi ku avasuuvirifu mu Kristo Yesu;

²Tsimbabasi tsi ve ku mwinye nemirembe gyi twulanga ku Nyasaye Dada wetu, noku Mwami Yesu Kristo.

³Nyasaye a gasidzwe, kandi niye Dada wo Mwami wetu Yesu Kristo, wa ku gasidza nobugasu bwosi bwa roho obwomigulu mu Kristo:

⁴kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

⁵Kigira ya tanga kukutovola ku bugirirwe kuva avana kuye kigira Yesu Kri sto, kuli liyanza lyobulaliri bwibwe,

⁶kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

⁷muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

⁸tsya ya kola tsinyingi kukira ku kwinye mu bugeeri bwosi nelimanya.

⁹Na a ku mannya agaviswa gobulaliri bwibwe, kuli liyanza lilye lilahi lya ya saavira muye,

¹⁰kuduka lilohidza lyetsinyinga tsyobudukiru, kuvungidza vindu vyosi mu Kristo, vindu vyomigulu, kandi vya hasi; ryosi muye, mbola.

¹¹Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

¹²ku duke kuva lidzominya lyobukumi bwibwe, kwinye ava kwa tanga kusuuvira Kristo.

¹³Muye mwinye kandi, lwa mu mali kuhulira likuva lyeligali, nalyo nevangeli yobuhonnyi bwenyu, lwa mwa mala kumusuuvira mwa vikwa muhuri gwa Roho Mutakatifu welisuuviridza,

¹⁴uyu niye hihambiriru kyemiyandu gyetu, kuduka ku litungira lyobwamehi bwibwe mwene, kuduka ku lidzominya lyobukumi bwibwe.

¹⁵Kigira yaga, inze kandi, lwa nda hulira lisuuvira lyenyu lya mu veye nalyo ku Mwami Yesu, kandi ubuyanzi bwa mu veye nabwo ku vatakatifu vosi,

¹⁶si ndeki kusantidza kigira mwinye, kandi nokumutala mu lisaala lyange.

¹⁷Nyasaye wo Mwami wetu Yesu Kristo u veye Dada wobukumi, a he mwinye roho gwobugeeri nogwelivuula lyokumumanya;

¹⁸tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu,

¹⁹kandi lugano lwobunene kuvita bwetsingulu tsitsye ku kwinye ava suuviri, kuli likola lyobunene bwetsingulu tsitsye,

²⁰lya ya kola ku Kristo, lwa ya mu simugukidza kutwula mu vakudzu, nokumwikalidza ku mukono mulungi gwigwe migulu,

²¹igulu wobunene bwosi, neminwa, netsingulu, nelyameha, kandi wameta gosi aga talangwa, si mu li mu tsinyinga yitsi tsyeng'ine navutswa mu tsinyinga tsidzanga kandi.

²²Kandi ya vika vindu vyosi isi wevirenge vivye, kandi ya mu haana kuva mutwe ku vindu vyosi ku livugana,

²³li veye mubiri gwigwe, nalyo ni lizula lilye wizulitsanga vindu vyosi mu vyosi.