Read lulogooli Vafeso 2 Bible Online

Vafeso 2 - lulogooli bible

Vafeso 2

¹Kandi mwinye, lwa mwa li avakudzu kigira lihyola lyenyu nobwoni bwenyu,

²bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

³Na kwinye kwosi kwa menya muvo ku matsyambiri, mu likayirwa lyemibiri gyetu, ni ku londa ubulaliri bwomubiri nobwetsi ganagani, kandi ku liva lyetu kwa li avana vobutima kuli avandi:

⁴navutswa Nyasaye, kigira ya li netsimbabasi tsinene, kigira ubuyanzi bunene bwibwe bwa ya yanza kwinye,

⁵kali inyinga kwa li avakudzu kigira mahyolo getu, ya ku ha livamwoyo halala na Kristo (mu honnyeywi netsimbabasi),

⁶kandi ya ku si mugukidza halala naye, nokukwikalidza halala naye mu vyomigulu mu Kristo Yesu:

⁷mu tsinyinga tsidzanga a duke kulang'aminya ubutugi ubunene bwetsimbabasi tsitsye mu bulahi ku kwinye mu Kristo Yesu.

⁸Kigira mu honnyeywi netsimbabasi kigira lisuuvira; nalyo si lya twula ku mwinye avene, li veye kihaanwa kya Nyasaye;

⁹si li veye lyemiyinzi, mundu ku vosi a vule kwiidzominya.

¹⁰Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

¹¹Kunangwa mwidzulitse ku matsyambiri, mwinye avandu ve Tsihiri ku lugano lwomubiri, ava yava va langwa Vakevwa nemikono ku mibiri, va mu langa Avavula; kukevwa;

¹²tsinyinga yitsyo mwavukanywa na Kristo, mwahulanywa nehiri ya Vaisraeli, kandi mwa li avageni ku malagano gelisuuviridzwa, ava mwa vula kuva nelisuuviridzwa, kandi ava mwa vula kuva na Nyasaye mu lirova

¹³Navutswa kalunu mu Kristo Yesu mwinye ava mwa li hale ku matsyambiri, mu koleywi kuva himbi mu masahi ga Kristo.

¹⁴Kigira a veye mirembe gyetu, wa kola kwinye kwosi kuva kindu kilala, kandi ya tigula lwevo lwolwako lwa Ii hagati hetu,

¹⁵na a twulidzira ubusigu mu mubiri gwigwe, nabuo bu veye lilaga lyamalago ya li mmi ima; a duke kulomba muye mwene mundu mulala muhya mu yava vaviri, na ndiyo a kole mirembe;

¹⁶kandi a duke kuvahambannya na Nyasaye yava vaviri mu mubiri mulala kigira musalaba, na a mali kwiita ubusigu zana nagwo.

¹⁷Kandi yadza ni yilwadza mirembe ku mwinye ava mwa li hale, kandi mirembe ku yava ava li himbi:

¹⁸kigira kuye kwinye kwosi ku veye nobwiyangu kuduka ku Dada mu Roho mulala.

¹⁹Kunangwa mwinye si mu veye avageni navavitanga kandi, navutswa mu veye avehiri indala navatakatifu, kandi avenyumba ya Nyasaye,

²⁰kigira mwombakeywi mmuse gwavatumwa nava profeti, Kristo Yesu mwene a veye ligina lyolwiga linene;

²¹muye lyombaka selilala li hambanywa bulahi, li nenehanga kuva litempeli litakatifu mu Mwami;

²²kandi muye mwinye mwombakeywi halala na avandi mu ve ubumenyi bwa Nyasaye mu Roho.