Read lulogooli Vafeso 5 Bible Online

Vafeso 5 - lulogooli bible

Vafeso 5

¹Kigira yaga mu ve avegi ku Nyasaye, kuli avana va yanzangwa;

²kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

³Navutswa kutsia mbakana, nobudamano bwosi, kinga likayirwa, vi ta talwa mu mwinye mba, kuli aga dukira avatakatifu;

⁴kandi kifwabwi, kinga kuvola vya vutswa, kinga kukupa tsimbaka tsindamano, vi ta li vilahi: navutswa nubulahi kusantidza.

⁵Kigira mu manya ligali yaga, muheyi, kinga mudamano, kinga mukayirwi, u veye wemisambwa, si a veye nemiyandu kali mulala mu bwami bwa Kristo na Nyasaye.

⁶Mu ta leka mundu kali mulala a mu gade namakuva ga vutswa: kigira kyamakuva yaga ubutima bwa Nyasaye bu dukanga ku vana vobutingu.

⁷Kunangwa mu ta va avasangi halala navo;

⁸kigira kale mwa li kisundi, navutswa kalunu mu veye ubulavu mu Mwami; mu gende kuli avana vobulavu

⁹(kigira likuyu lyobulavu li veye mu bulahi bwosi nomu bulungi nomu ageligali),

¹⁰mu lungikidza ndiyo ki yanzekanga ku Mwami.

¹¹Kandi mu ta va nelisanga nemiyinzi gyekisundi gyi tivanga, navutswa nubulahi mu gyi kyaye;

¹²kigira vindu vya va kola makiriri vi veye tsisoni kali kuvola.

¹³Navutswa vindu vyosi lwa vyambakanwa vi lang'aminyangwa nobulavu: kigira ku vyosi ki lang'aminyeywi ki veye ubulavu.

¹⁴Kigira yaga a vola, Vuka, ive u gonanga, simuguka u twule mu vakudzu, na Kristo a la ku letera ubulavu.

¹⁵Kigira yaga mu henze bulahi kuli mu genda, mu ta genda kuli ava ta li nobugeeri navutswa kuli avobugeeri;

¹⁶mwegulire ubwiyangu, kigira tsinyinga tsi veye tsindamano.

¹⁷Kigira yaga mu ta va avasiru, navutswa mu manye ubulaliri bwo Mwami.

¹⁸Kandi mu ta hambika iwaini i veye nekivihiri, navutswa mwizuye Roho.

¹⁹Mu volerane avene navene mu zaburi, nomu tsi nyimbu, nomu tsinyimbu tsyomu roho, mwimbe nornwoyo mulahi mu myoyo gyenyu ku Mwami;

²⁰madiku gosi mu santidze Nyasaye, naye ni Dada kigira vyosi mu lieta lyo Mwami wetu Yesu Kristo;

²¹mwegehidzirane avene navene mu butii bwa Kristo.

²²Mwinye avakali mwegehidze ku vasatsa venyu, kuli wa ga veye ku Mwami.

²³Kigira musatsa a veye mutwe gwomukali kuli Kristo a veye mutwe gwelivugana, kandi mwene a veye muhonnyi womubiri.

²⁴Navutswa kuli livugana lyegehidzira Kristo kandi ndiyo avakali vegehidze ku vasatsa vavo ku vyosi.

²⁵Mwinye avasatsa, mu yanze avakali venyu kuli Kristo ya yanza livugana, ni yehaana kigira livugana;

²⁶a duke kulitakasa lwa a mali kula vidza nelyogidza lyamadzi mu likuva,

²⁷a duke kwenyolira livugana lyobukumi, li ta li nembala kinga makunya, kinga kindi kindu kuli yivi; navutswa li ve litakatifu li ta li nekindu.

²⁸Na ndiyo kandi ga dukira avasatsa kuyanza avakali vavo kuli va yanzanga imibiri gyavo avene. U yanzanga mukali wewe mwene yeyanzanga:

²⁹kigira ku vosi si ha veye nomulala wa vihirirwa inyama yomubiri gwigwe; navutswa a gu lagiridza nokugudenda, kuli Kristo a lindanga livugana;

³⁰kigira kwinye ku veye vivero vyomubiri gwigwe.

³¹Kigira yaga mundu a la leka ise na nnya naye a la hambana nomukali wewe; yava navo vaviri va la gwa inyama indala.

³²Agaviswa yaga ga veye manene: navutswa inze mbola amakuva ga Kristo nelivugana.

³³Halala na yaga mwinye kandi sa mulala a yanze mukali wewe mwene kuli yeyanza; kandi mukali a henze a hulire musatsa wewe.