Read lulogooli Vafeso 6 Bible Online

Vafeso 6 - lulogooli bible

Vafeso 6

¹Avana mu hulire avivuli venyu mu Mwami: kigira yili ni lilungi.

²Widzominye dada wowo na mama wowo (lilaga yili li veye lilaga lyokutanga li veye nelisuuviridza),

³bu duke kuva bulahi ku ive, kandi u duke kuhindira mu lirova.

⁴Kandi mwinye avadada mu ta tindira avana venyu va ve nobutima: navutswa mu va linde bulahi mu lyegidza nomu ligerihidza lyo Mwami.

⁵Mwinye avatugwa mu hulire yava ava veye avami venyu ku lugano lwomubiri, nobutii nelidegera, nomwoyo gwenyu mulala kuli vi veye ku Kristo;

⁶bu ta va butumwa bwetsimoni, kuli ava yanzeka ku vandu; navutswa kuli avatugwa va Kristo, ava kola ubulaliri bwa Nyasaye nomwoyo;

⁷mu tumike nomwoyo gwobuyanzi, kuli bu veye ku Mwami, si bu li ku vandu:

⁸kigira mu manya, ku vyosi kindu kilahi kyomundu sa mulala a kola, a la ki nyola ku Mwami, na a veye mutugwa kinga muboholole.

⁹Kandi, mwinye avami, mu va kolere ku vindu zana yivi, mu leke kutihidza: limanya mu manyi Mwami wavo nowenyu a veye migulu, kandi si a li neliyanza ligondo lyomulala.

¹⁰Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

¹¹Mwevike vyuma vyosi vya Nya saye, mu nyale kusingira ku hugadi bwa Setani.

¹²Kigira ubulwani bwetu si bu li bwoku inyama namasahi, navutswa ku bwami, noku tsingulu, noku yava avamehanga mu kisundi yiki, noku mahe ga roho midamano mbwerefu.

¹³Kigira yaga mu vugule vyuma vyosi vya Nyasaye, mu duke kunyala kuhandalala mu lidiku lidamano, kandi mu mali kukola gosi, mu singire.

¹⁴Kunangwa singiri, mu mali kubofwa ulukova lweligali mu kikenge, kandi mu mali kwivika isalamba yomukiritu, nayo i veye ubulungi,

¹⁵kandi mu mali kubofwa ku virenge nelilombwa lyevangeli yemirembe;

¹⁶halala na yaga gosi mu ginge ingavo yelisuuvira, ya mu li nyala kusiminyira imibano gyosi gyomuliru gyomuda mano.

¹⁷Kandi mu vugule igudwa yobuhonnyi, kandi kivavi kya Roho, nakyo ki veye likuva lya Nyasaye:

¹⁸nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi,

¹⁹kandi inze, nduke kuhebwa livola mu likunula munwa gwange, kuvuula nobuluviriri agaviswa gevangeli,

²⁰ya mbeye mutumwa wayo mu libofwa neminyororo, nduke kuvola mu nobuluviriri kuli ga ndukira kuvola.

²¹Navutswa mwinye mu duke kumanya amakuva gange, mbeye ndi, Tukiko, u veye amitu wetu mu yanze, kandi a veye mutumwa u veye musuuvirifu mu Mwami, a la mu volera vindu vyosi:

²²wa ntumi kuduka ku mwinye kigira ga zana yaga, mu duke kumanya liva lyetu, kandi a leminye myoyo gyenyu.

²³Kandi mirembe gyi ve ku vamitu vetu, nobuyanzi nelisuuvira, vi twulanga ku Nyasaye Dada, noku Mwami Yesu Kristo.

²⁴Tsimba basi tsi ve navo vosi ava yanzanga Mwami wetu Yesu Kristo, neliyanza li ta li nobwoneku.