Read lulogooli Vafilipi 1 Bible Online

Vafilipi 1 - lulogooli bible

Vafilipi 1

¹Paulo na Timoteo avatugwa va Kristo Yesu, ibaruua yiyi i duke ku vatakatifu vosi mu Kristo Yesu ava veye ha Filipi, halala navahenzi navatumwa:

²Tsimbabasi nemirembe gyi twulanga ku Nyasaye Dada wetu noku Mwami Yesu Kristo, gyi ve ku mwinye.

³Nsantidza Nyasaye wange tsinyinga tsyosi lwa nzidzulitsa mwinye

⁴mu lisaala lyange kazozo kigira mwinye mwosi nsaalanga nobusa ngali,

⁵kigira lisanga lyenyu mu lilandidza ivangeli kutwula ku lidiku lyokutanga kuduka lero;

⁶nsuuvira kindu zana yiki, uyu wa tanga miyinzi milahi mu mwinye a la gyi dukidza kuduka ku lidiku lya Yesu Kristo:

⁷kuli bu beye bulungi ku inze kuganagana ndiyo ku mwinye mwosi, kigira mbeye nemwinye mu mwoyo gwange, kigira mwinye mwosi mu veye avasangi mu tsimbabasi halala na inze mu libofwa lyange nomu lisola kandi lidinyeridza ivangeli.

⁸Kigira Nyasaye a veye mulolekidzi wange, kuli wa nkayi rangwa mwinye mwosi mu tsimbabasi tsya Kristo Yesu.

⁹Kandi yaga nsaala, ubuyanzi bwenyu bu klre kukira mu limanya nomu bugeeri bwosi:

¹⁰mu duke kutovola vindu vi veye vilahi; mu ve aveligali kandi ava ta li nelikigitalidza kuduka ku lidiku lya Kristo;

¹¹mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.

¹²Kalunu nyenya rnwinye, avamitu, mu manye vindu vya ngwira vi duki kukiridza ligali lilanda lyevangeli;

¹³kuduka libofwa lyange li lang'ami mu Kristo ku vasikari vosi vomwami, noku vandi vosi;

¹⁴kandi avanyingi ku vamitu va veye mu Mwami va nyoye ubuluviriri ku libofwa lyange, va luviriye ligali kuvola likuva lya Nyasaye bugira ubutii.

¹⁵Avalala ligali vilwadza Kristo kigira imbodoka namahangali; navandi kandi kigira mwoyo mulahi:

¹⁶avalala vilwadza kigira ubuyanzi kigira va manya inze mbikeywi kusola ivangeli:

¹⁷navutswa avandi vilwadza Kristo mu lyavukana, si li veye mu bulahi bwomwoyo, kigira va ganagana kumeda kivi mu libofwa lyange.

¹⁸Ni kindu ki? Ga veye ndi vutswa, ku gosi ni bu veye ubugadi kinga ageligali, Kristo yilwadzangwa; na inze nsangala mu, yee kandi nda sangala.

¹⁹Kigira mmanya yaga ga la duka kugirunkana kuva lihonnya lyange, kigira lisaala lyenyu, kandi ubunyingi bwekihaanwa kya Roho wa Yesu Kristo

²⁰kuli lihenzerera lyange lyobugulu nelisuuvira lyange mu vyosi si nda legannywa, navutswa ku buluviriri bwosi, kuli madiku gosi kandi ndiyo kalunu, Kristo a la kuminywa mu mubiri gwange, ni ga va ku livamwoyo, kinga ku likudza.

²¹Kigira ku inze livamwoyo ni Kristo, nelikudza li veye kyambeti.

²²Navutswa ni mba ni mba mwoyo mu mubiri, yaga ni ga va ni ga leta amakuyu kigira miyinzi gyange, si mmanya kya ndi tovola.

²³Mbeye hagati ha gaviri, nkayirwa kutsia nduke kuva halala na Kristo; kigira yili ni lilahi kuvita:

²⁴navutswa limenya mu mubiri lyenvangwa ligali kigira mwinye.

²⁵Lwa mbeye ndi neli suuvira yili, mmanya nda menya, yee, kandi nda menya na mwinye mwosi kigira ku litsia imbiri lyenyu, nobu yanzi bwenyu mu lisuuvira;

²⁶liidzominya lyenyu li duke kukira mu Kristo Yesu ku inze kigira mbeye nemwinye kandi.

²⁷Geng'ine limenya lyenyu li ve kuli wa li dukiranga ivangeli ya Kristo: ni mba ni nzidza kumulola naho ni mba ni nta va ho, mbulire amakuva genyu, mu singiranga nobuluviriri mu roho mulala, nomwoyo mulala mu lwana kigira lisuuvira lyevangeli;

²⁸kandi bugira ubutii ku vyosi kigira avasigu: kuvo likuva yili li veye kiloleru kyeligali kyelidiva, navutswa ku mwinye kyelihonnywa, nalyo litwula ku Nyasaye.

²⁹Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

³⁰mu veye nelilwana zana lya mwa lola ku inze, kandi lya mu hulira kalunu kuva ku inze.