Read lulogooli Vafilipi 3 Bible Online

Vafilipi 3 - lulogooli bible

Vafilipi 3

¹Lwenyima, avamitu vange, mu sangale mu Mwami. Kumung'odera vindu zana, ku inze si ndola ubudinyu, navutswa ku mwinye nu bulahi.

²Mu gelihe ku tsimbwa, mu gelihe ku va kolanga tsimbi, mu gelihe ku lyekalaga:

³kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

⁴Ni ga ta li inze mwene, nyala kusuuvira kali mubiri: mundu ku vosi na a loleka kuva nelisuuvira mu mubiri inze mbiti.

⁵Nda kevwa ku lidiku lya katano na gavaka, nda twula ku kisukululwi kya Israeli, wehiri ya Benjamini, Muhebraina u twulanga ku Vahebraina; ku miima gyetorati nda li Mufarisayo;

⁶ku miima gyembodoka nda dambidza livugana; ku miima gyobulungi bwelilaga, si nda nyolwa nekindu.

⁷Navutswa vindu vyosi vya li vyambeti ku inze, navyo nda vi lola vya li ubugoti vutswa kigira Kristo.

⁸Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

⁹kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira:

¹⁰nduke kumanya uyu, netsingulu tsyelisimuguka lilye, nelisanga lyobusaliri bwibwe, nokufwananywa nelikudza lilye;

¹¹ku vyosi mbula nda duka ku lisimuguka kutwula mu vakudzu.

¹²Si ga li mmali kunyola kinga mmali kudukira: navutswa nzi dinyiridza kutsia imbiri, mbula nda duka kunyola yikyo kyagira Kristo Yesu ya ngumira.

¹³Avamitu, si nzevola inze mwene mmali kunyola: navutswa nkolanga kindu kilala, vindu vyenyima nziviriranga, kandi nzinyira nduke ku vindu vyembiri,

¹⁴nzidinyeridza kutsia kuduka ku lwako lwamadanyi geliiangwa lye igulu lya Nyasaye mu Kristo Yesu.

¹⁵Kunangwa kwinye kwosi ava ku veye avadukiru, ku ganagane ndi: kandi mwinye ni mu ganagana vindi vindu, ku vyosi Nyasaye a la mu vuulira kindu zana yiki kandi:

¹⁶navutswa ha ku mali kuduka, ku gendere mu kya zana yekyo.

¹⁷Avamitu, mu ve avegi ku inze halala, kandi mu henze ligali yava ava gendanga kuli ku lugano lwa mweganga ku kwinye.

¹⁸Kigira vanyingi va genda ava nda mu volera amakuva gavo hali kanyingi, kandi kalunu mmu volera nelilira, va veye avasigu vomusalaba gwa Kristo:

¹⁹avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova.

²⁰Kigira uluhya lwetu lu veye migulu: ha ku henzerera ho Muhonnyi, naye nu Mwami Yesu Kristo:

²¹u li girunkannya mubiri gwobudamano bwetu, gu fwanane nomubiri gwobukumi bwibwe, kuli ikola lilye lya a nyalanga kugehidza vindu vyosi vi ve vike kuye.