Read lulogooli Vakolosai 1 Bible Online

Vakolosai 1 - lulogooli bible

Vakolosai 1

¹Paulo, mutumwa wa Kristo Yesu kigira ubulaliri bwa Nyasaye, halala na Timoteo amitu wetu

²ibaruwa yetu yiyi i duke ku vatakatifu na avamitu avasuuvirifu mu Kristo ava veye Kolosai: Tsimbabasi tsi ve ku mwinye nemirembe gyi twula ku Nyasaye Dada wetu.

³Ku santidza Nyasaye, Dada wo Mwami wetu Yesu Kristo noku saalira mwinye kazozo,

⁴lwa kwa hulira lisuuvira lyenyu mu Kristo Yesu, nobuyanzi bwenyu bwa mu veye nabwo ku vatakatifu vosi

⁵kigira lisuuviridzwa lya mwa vikirwa migulu. Lya mu mali kuhulira mu likuva lyeligali lyevangeli,

⁶i veye halala nemwinye; kuli wa i veye mu lirova lyosi nokwama makuyu nokumedeka, kuli wa i veye mu mwinye kandi, kutwula lidiku lya mwa hulira nokumanya tsimbabasi tsya Nyasaye mu geligali,

⁷kuli wa mwega ku Epafara wakye wetu muyanze, u veye mutumwa wa Kristo musuuvirifu mu bugono bwetu,

⁸naye iye wa ku vuulira ubuyanzi bwenyu bwa mu veve nabwo mu Roho.

⁹Kigira yaga kwinye kandi, kutwula lidiku lya kwa hulira, si ku lekanga kusaala nokusaava kigira mwinye, mu duke kwizula limanya lyobulaliri bwibwe mu bugeeri bwosi nelimanya lya roho,

¹⁰nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

¹¹Mu dinyeridzwe netsingulu tsyosi, kuli ubunene bwobukumi bwibwe, kuduka ku buhokya bwosi nobwikudziri bwosi halala nobusangali;

¹²nokusantidza Dada, wa ku kola ava dukana kunyola kidieli kyemiyandu gyavatakatifu mu bu lavu.

¹³Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

¹⁴wa ku veye mu nobuhonnyi bwetu, nobusamehi bwobwoni bwetu.

¹⁵Naye a veye ligondo lya Nyasaye u ta lolekanga, watanga-kwivulwa ku vilombe vyosi;

¹⁶kigira vindu vyosi vya lombekera muye, vyomigulu nevya hasi, vi lolekanga ne vi ta lolekanga, ni vi veye ho visako vyobwami, kinga lyameha, kinga ubunene, kinga tsingulu; vindu vyosi vya lomberwa mu uyu, kandi kigira mwene uyu.

¹⁷Naye a veye imbiri wevindu vyosi, kandi vyosi vi hambana halala muye.

¹⁸Naye a veye mutwe gwomubiri, nomubiri zana ni livugana: u veye litanga kandi watangakwivulwa kutwula mu vakudzu; a duke kuva mwimiriri mu vindu vyosi.

¹⁹Kigira Dada ya yanza ubudukiru bwosi bu ve mu uyu;

²⁰nokuleta vindu vyosi kuhambana kuye mwene kigira uyu, lwa a mali kuletera mirenmbe ku masahi gege agomusalaba gwigwe; yee, kigira uyu, ni vi veye vindu vya hasi, kinga vyomigulu.

²¹Na mwi nye, ku matsyambiri mwa li avaluhya hlndi, kandi mwa ii avasigu ku myoyo gyenyu mu miyinzi gyenyu midamano,

²²navutswa kalunu u mu hambannyi mu mubiri gwenyama yeye kigira likudza, a duke kumuleta imbiri wewe avatakatifu nava ta li nelihyola nava ta li nekindu kuvo:

²³ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.

²⁴Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

²⁵lya nda kolwa mutumwa walyo, kuli ubulindi bwa Nyasaye bwa nda hebwa kigira mwinye, kudukidza likuva lya Nyasaye,

²⁶ubuvisi bwa viswa kutwula kale nokutwula ku makula namakula: navutswa kalunu bu vuuleywi ku vatakatifu veve.

²⁷Yavo ava Nyasaye ya li vanza kuvavuulira bwa li ubutugi bwobukumi bwobuvisi yibu mu Tsihiri, obu veye Kristo mu mwinye, a veye lisuuviridzwa lyobukumi.

²⁸Uyu wa kwilwadza, nokweganehidza avandu sa mulala, nokwegidza avandu sa mulala mu bugeeri bwosi, ku duke kusingeridza mundu sa malala a ve mudukiru mu Kristo.

²⁹Na inze nkola miyinzi kigira gene yaga, nokwidinyeridza kuli likola lilye, lya a kolanga netsingulu mu inze.