Read lulogooli Vakolosai 4 Bible Online

Vakolosai 4 - lulogooli bible

Vakolosai 4

¹Nnya Mwinye avami, mu he avatugwa venyu vyobulungi nevidukanu; kigira mu manya mwinye avene mu veye no Mwami migulu.

²Mu menye ligali mu lisaala mu hongere mulyo nomu lisantidza,

³kandi mu saalire kwinye, Nyasaye a kwigulire kiliango kyelikuva, kuvola agaviswa ga Kristo, aga mbeye muhambe kugo;

⁴nduke kugala ng'aminya kuli wa ga ndukiranga kuvola.

⁵Mu gende nobugeeri ku va veye kyova, mwegulire ubwiyangu.

⁶Livola lyenyu li ve netsimbabasi madiku gosi, li hambiridzwe nomunyu, mu duke kumanya kuli ga mu dukira kutivuiira mundu sa mulala.

⁷Tukiko a la mann y a mwinye vindu vyange vyosi, naye a veye amitu muyanze wange, mutumwa musuuvirifu, nomtugwa wakye wange mu Mwami:

⁸wa ntumi yadze ku mwinye kigira vya zana yivi, mu duke kumanya liva lyetu, kandi a mu leminye myoyo;

⁹halala na Onesimo, amitu wetu musuuvirifu nomuvanze, a veye mulala ku mwinve. Yavo va la volera mwinye vindu vyosi vya hano.

¹⁰Arisitarko muhambe wakye wange a mu chelidze, kandi Marko mwifwa wa Baranaba (wa mwa hulira malago ga lagwa kuye; na a va na a duka ku mwinye mu mubugirire),

¹¹na Yesu u langwa Yusito, ava veye ku va kevwa; yava veng'ine va veye ava kola miyinzi halala na inze kigira ubwami bwa Nyasave, avandu ava li avaleminyi vomwoyo gwange.

¹²Epafara, u veye mulala ku mwinye, mutugwa wa Kristo Yesu, a mu chelidza, weguluhidzanga mu lisaala madiku gosi kigira mwinye, mu duke kusingira avadukiru navekilema mwoyo ligali mu bulaliri bwosi bwa Nyasaye.

¹³Kigira mmu lolekidza a veye nemivinzi minyingi kigira mwinye, kandi kigira ave Laodikia, kandi kigi ra ave Hierapoli.

¹⁴Luka, mwahi wetsinyasi muyanze, na Dema kandi va mu chelidza.

¹⁵Mu nchelidzire avamitu ave Laodikia, na Numfa kandi livugana li veye mu inyumba yavo.

¹⁶Ibaruwa yiyi ni i mali kusomwa mu mwinye, mu kole i somwe mu livugana lya Valaodikia kandi: kandi mwinye mu some ibaruwa i twula Laodikia.

¹⁷Kandi mu volere Arikipo amakuva yaga, Linda bulahi ubutumwa bwa wa nyola ku Mwami u duke kubudukidza.

¹⁸Lichelidza lyange inze Paulo nomukono gwange mwene. Mwidzulitse libofwa lyange. Tsimbabasi tsi ve na mwinye.