Read lulogooli 1 Vatesalonike 3 Bible Online

1 Vatesalonike 3 - lulogooli bible

1 Vatesalonike 3

¹Kigira yaga lwa kwa vula kunyala kwikudzira, kwa lola bulahi kulekwa Athene kweng'ine;

²kandi kwa tuma Timoteo, amitu wetu, mutumwa wa Nyasaye mu ivangeli va Kristo, a duke kuha mwinye tsingulu, nokumuleminya myoyo mu lisuuvira lyenyu;

³ku vosi mundu kali mu lala, kivi yiki ki ta mu sunda; kigira mwinye avene mu manya kwa vikwa kigira yiki.

⁴Kigira ligali inyinga lwa kwa li nemwinye kwa tanga kumuvolera ku tsitsa nmu lidambidzwa; kuli lya ku gwira, mwinye mu manya.

⁵Kigira yaga inze lwa nda vula kunyala kwikudzira kandi, nda tuma mutumwa nduke kumanya lisuuvira lyenyu, namsya mugeridzi wa mu geridza ku makuva gosi, nemiyinzi gyetu gyi ve gya vutswa.

⁶Navutswa Timoteo lwa a duki kalunu ku kwinye kutwula ku mwinye, nokukuletera amakuva malahi gelisuuvira lyenyu nobuyanzi bwenyu, nokwidzulira kwinye bulahi kazozo, nokukayirwa kukulola, kuli kwinye kandi ku kayirangwa kumulola;

⁷kigira yaga, avamitu, kwa leminywa myoyo ku mwinye mu kivi kyetu kyosi, nomu lidambidzwa lyetu kigira lisuuvira lyenyu:

⁸kigira kwinye ku veye mwoyo, ni mu va ni mwidinyeridza mu Mwami.

⁹Kigira lisantidza ki lya ku nyala kandi kuha Nyasaye kigira mwinye, ku lisangala lyosi lya ku sangalira mwinye imbiri wa Nyasaye wetu;

¹⁰ubudiku nombasu ku saalanga ligali ku duke kulola mumoni mwenyu, kandi ku duke kudukidza kya geha ku lisuuvira lyenyu?

¹¹Kalunu Nyasaye wetu Dada mwene na Mwami wetu Yesu, a kwimirire ku duke ku mwinye:

¹²kandi Mwami a mu mede nokumukiridza mu buyanzi avene navene, noku vandu vosi, kuli wa kwinye ku veye ku mwinye;

¹³a duke kumuluviriridza mu myoyo gyenyu mu butakatifu bugira kuva nekindu mbiri wa Nyasaye wetu Dada mu inyinga yeliduka lyo Mwami wetu Yesu halala navatakatifu veve vosi.