Read lulogooli Joshua 12 Bible Online

Joshua 12 - lulogooli bible

Joshua 12

¹Kunangwa yava nivo avami vekivala, ava avana va Israeli va kuya, nokugumira kivala kyavo engereka wa Yordani, ku luvega lwobutwuliru bweliuva, kutwula mu livona lya Arnon kuduka ku kigulu kya Herimon, mu kivala kyosi kereremu ku luvega lwevugwi:

²Sihon mwami wa Vaamori, wa menya Heshibon, naye yameha kutwula Aroeri, li veye ku luginga lwelivona lya Arnon, kutwula hagati helivona, nokutwula inusu ya Gileadi, kuduka ku mugera gwa Jaboku, gu veye lwako lwavana va Amon;

³nekereremu kuduka ku inyanza ya Kinerothu, ku luvega lwevugwi, kandi kuduka ku inyanza yekereremu, kali kuduka ku Invanza ya Munyu, ku luvega lwevugwi, ku inzira i tsitsanga Bethjesimoth; kandi ku luvega lwekusini, isi wevisulungutu vya Pisiga:

⁴kandi ku lwako lwa Ogu mwami wa Bashan, wavatigaye ku emindu, wa menya Ashitarothu na Edrei,

⁵naye yameha mu kigulu kya Herimon, na mu Saleka, na mu Bashan kyosi kuduka ku lwako lwa Vageshuri na Vamaakathi nenusu ya Gileadi, lwako lwa Sihon mwami wa Heshibon.

⁶Musa mutumekiri wa Yahova na avana va Israeli va va kuya: na Musa mutumekiri wa Yahova ya ki haana ku Varubeni, na ku Vagadi, na ku inusu ya ihiri ya Manase, ki ve miyandu gyavo.

⁷Yava nivo avami vekivala ava Joshua na avana va Israeli va kuya engereka wa Yordani ku luvega lwemadioli, kutwula Baalgadi mwivona lya Lebanon, kuduka ku kigulu kya Halaku, ki henza Seiru (na Joshua ya haana ku tsihiri tsya Israeli ki ve miyandu gyavo kuli lyavukana lye tsihiri tsyavo:

⁸mu kivala kyevigulu, nomu kivala kyekivanda, nomu kivala kyekereremu, mu kivala kyekisulungutu, nomu kyangalangwi, na mu Kusini; Vahiti, na Vaamori, na Vakanani, na Vaperizi, na Vahivi, na Vajebusi):

⁹mwami wa Yeriko, mulala; mwami wa Ai, li veye himbi Betheli, mulala

¹⁰mwami wa Yerusalemi, muiala; mwami wa Hebiron, mulala:

¹¹mwami wa Jaramuthu mulala; mwami wa Lakishi, mulaia;

¹²mwami wa Egilon, mulala; mwami wa Gezeri, mulala;

¹³mwami wa Debiri, mulala; mwami wa Gederi, mulala;

¹⁴mwami wa Horma, mulala; mwami wa Aradi, mulala;

¹⁵mwami wa Libina, mulala; mwami wa Adulam, mulala;

¹⁶mwami wa Makeda, mulala; mwami wa Betheli, mulala;

¹⁷mwami wa Tapua, mulala; mwami wa Heferu mulala;

¹⁸mwami wa Afeku, mulala; mwami wa Lasharon, mulala;

¹⁹mwami wa Madon, mulala, mwami wa Hazoru, mulala;

²⁰mwami wa Shimironmeron, mulala; mwami wa Akishafu, mulala;

²¹mwami wa Taanaka, mulala; mwami wa Megido, mulala;

²²mwami wa Kedesh, mulala; mwami wa Jokineam, li veye mu Karimeli, mulala;

²³mwami wa Dori mu kivala kyadiguluka kya Dori, mulala; mwami wa Goiim mu Gilgali, mulala;

²⁴mwami wa Tiriza, mulala: avami yavo vosi va li makumi gavaka e na mulala.