Read lulogooli Joshua 15 Bible Online

Joshua 15 - lulogooli bible

Joshua 15

¹Na kidieli kyavana va Yuda kuli ubwiko bwavo kya duka ku lwako lwa Edom, kuduka ku kyangalangwi kya Zin ku luvega lwa kusini, ku kiheri kyakusini.

²Na lwako lwavo lwekusini lwa li kutwula ku kiheri kya Inyanza yo Munyu, ki henza kusini;

³lwa tsia ku luvega lwa kusini wokwanegira Akirabim, no kuvita Zin, no kuvita luvega lwa kusini wa Kadeshibarnea, nokuvita Heziron, nokuduka Adari, nokukumberidza Karika;

⁴nokuvita Azimon, nokutwula ku mugera gwa Egepeti; na kiheri kyolwako zana kwa li ku inyanza: yilu nilwo lwako lwenyu lwa kusini.

⁵No lwako lwoluvega lwevugwi lwa li Inyanza yo Munyu, kuduka ku kiheri kya mugera kwa Yordani. Na lwako lwoluvega lwa kasikasini lwa li kutwula ha kiheri kya inyanza, ki veye ku kiheri kyomugera gwa Yordani;

⁶nolwako lwa tsia kuduka Bethhogila, nokuvita ku luvega lwa kasikasini wa Betharaba; nolwako zana lwa vita kuduka ku ligina lya Bohan mwana wa Rubeni;

⁷na lwako zana lwa duka kuvita Debiri kutwula livona lya Akori, kuvita ku luvega lwa kasikasini, kuhenza Gilgali, ikagata ku kyanegiru hutsia Adumim, ki veye ku luvega lwokusini lwomugera; nolwako zana lwa vita kuduka ku madzi ga Enshemeshi, ne kiheri kyalwo ki veye ha Enrogeli;

⁸nolwako lwa vita mulivona lyomwana wa Hinom kuduka mbalu mwo Mujebusi ku luvega lwa kusini (nayo ni Yerusalemi); nolwako lwa vita ku isonga yekigulu kikagata ku livona lya Hinom ku luvega lwemadioli, li veye ha kiheri kvelivona lya emindu ku luvega lwa kasikasini;

⁹nolwako lwa gerwa kutwula ku isonga ye kigulu kuduka ku mugera gwa madzi ga Nefitoa na lwa tsia kuduka mmadala gekigulu kya Eironi; nolwako lwa gerwa kutwula Baala (li veye Kiriathu jearim);

¹⁰kandi lwako zana lwa vodonkana kutwula Baala kuvita ku luvega lwemadioli kuduka ku kigulu kya Seiru na lwa vita kuduka ku luvega lwa kigulu kya Jearim ku luvega lwa kasikasini (ki veye Kesalon), na lwasulunguta Bethshemeshi nokuvita himbi na Timina;

¹¹nolwako lwa twula kuduka ku luvega lwa Ekiron ku luvega lwa kasikasini; nolwako lwa gerwa kuduka Shikeron no kuvita ku kigulu kya Baala, na lwa twulira ha Jabineeli; nekiheri kyalwo ki veye ha inyanza.

¹²No lwako lwemadioli lu veye inyanza inene, noluginga lwayo. Yilu lu veye lwako lwa avava va Y uda ku livodonkana hosi kuli bwiko bwavo.

¹³Na ya haana ku Kalebu mwana wa Jeiune kidieli hagati ha vana va Yuda, kuli lilaga lya Yahova ya volera Joshua, kuli Kiriathuarba, uyu Arba ua li ise wa Anaki (yili li veye Hebironi).

¹⁴Kalebu ya kunga ha zana avana vavaka va Anaki: Sheshai, na Ahiman, na Talmai, avana va Anaki

¹⁵Ma yanegira kutwula ha zana kuduka ku avandu va Debiri: na lieta lya Debiri ku matsyambiri lya li Kiriathuseferi.

¹⁶Na Kalebu ya vola, Uyu u li kuya Kiriathuseferi, nokulivugula, nda mu ha Akisa mukana wange a ve mukali wewe.

¹⁷Na Othinieli mwana wa Kenazu, amwavo wa Kalebu, ya li vugula; naye ya mu ha Akisa mukana wewe a ve mukali vewe.

¹⁸Na ga duka, lwa mukali uyu ya tsia kuye, ya mu volera a saale umulimi ku dada wewe: na yika ku isukiri yeye; na Kalebu ya mu teva, Wenya ki?

¹⁹Naye ya vola, Mbe ubugasu; kigira u mbiki mu kivala kya Kusini, u mbe kandi visenukiru vyamadzi. Naye ya mu ha visemukiru vyamadzi vyolugulu nevyomusi.

²⁰Yigyi nigyo miyandu gyehiri ya avana na Yuda kuli ubwiko bwavo.

²¹Na amadala mahereridzi agehiri va avana va Yuda ku luvega luhenza ya avana va Yuda ku luvega luhenza ku lwako lwa Edom mu kivala kya Kusini ga veye Kabezeeli, na Ederi, na Jaguri,

²²na Kina, na Dimona, na Adada,

²³na Kedesh, na Hazoru, na Ithinan,

²⁴na Zifu, na Telem, na Bealothu,

²⁵na Hazoruhadata, na Keriothuheziron (li veye Hazoru),

²⁶Amam, na Shema, na Molada,

²⁷na Hazargada, na Heshimon, na Bethpeletu,

²⁸na Hazarshuali, na Beersheba, na Biziothia,

²⁹Baala, na Iyim, na Ezem,

³⁰na Elitoladi, na Kesili, na Horma,

³¹na Ziklagu, na Madimana, na Sanisana,

³²na Lebaothu, na Shilihim, na Ain, na Rimon: madala yaga gosi ga li mal umi gaviri na gatano na gane, halala notudala twago.

³³Na mu kivala kyekereremu Eshitaoli, na Zora, na Ashina,

³⁴na Zanoa, na Enganim, na Tapua, na Enam,

³⁵Jaramuthu, na Adulam, na Soko, na Azeka,

³⁶na Shaaraim, na Adithaim, na Gedera, na Gederothaim; amadala likumi na gane halala notudala twago.

³⁷Zenan, na Hadasha, na Migidalgadi,

³⁸Dilean, na Mizipe, na Jokitheeli,

³⁹Lakishi, na Bozikathu, na Egilon,

⁴⁰na Kabon, na Lahamam, na Kitilishi,

⁴¹na Gederothu, Bethdagon, na Naama, na Makeda; amadala likumi na gatano na lilala halala notudala twago.

⁴²Libina, na Etheri, na Ashan,

⁴³na Ifita, na Ashina, na Nezibu

⁴⁴na Keila, na Akizibu na Maresha amadala gatano na gane halala notudala twago.

⁴⁵Ekiron, halala na madala galyo notudalatwalyo;

⁴⁶kutwula Ekiron kuduka ku inyanza, gosi aga li ku luvega lwa Ashidodi, halala notudala twago.

⁴⁷Ashidodi, madala galyo notudala twalyo; Gaza, na madala galyo notudala twalyo; kuduka ku mugera gwa Egepeti, nenyanza inene, nolwako lwayo.

⁴⁸Mu kivala kyevigulu, Shamiru, na Jatiru, na Soko,

⁴⁹na Dana, na Kiriathusana (li veye Debiri),

⁵⁰na Anabu, na Eshitemo na Anim

⁵¹na Goshen, na Hoion, na Gilo, amadala likumi ne lilala halala notudala lwago.

⁵²Arabu, na Duma, na Eshean,

⁵³na Janim, na Bethtapua, na Afeka,

⁵⁴na Humita, na Kiriathuarba (li veye Hebironi), na Zioru; amadala gatano na gane halala notudala twago.

⁵⁵Maon, na Karimeli, na Zifu, na Juta,

⁵⁶na Jezireeli, na Jokideam na Zanoa,

⁵⁷Kaini, Gibea, na Timina; amadala likumi halala notudala twago.

⁵⁸Halihulu, na Beth-zuru, na Gedoru,

⁵⁹na Maarathu, na Bethanothu, Elitekon; amadala gatano na lilala halala notudala twago.

⁶⁰Kiriathu-baala (li veye Kiriathujearim), na Raba; amadala gaviri halala notudala t vago.

⁶¹Mu kyangalangwi, Beth-araba, na Midin, na Sekaka,

⁶²na Nibishan, na Lidala lyo Munyu, na Engedi; amadala gatano na lilala halala notudala twago.

⁶³Na ku makuva ga Vajebusi, avamenya Yerusalemi, avana va Yuda si va nyala kuvatwulidza: navutswa Vajebusi va menya halala na avana va Yuda ha Yerusalemi kuduka lero.