Read lulogooli Joshua 18 Bible Online

Joshua 18 - lulogooli bible

Joshua 18

¹Ni livugana lyosi lya avana va Israeli vevungidza halala ha Shilo, ni va singiridza lihema lyokuvugana mu ha zana: nekivala zana kya guutwa imbiri wavo.

²Na va tigala hagati ha avana va Israeli tsihiri tsitano na tsiviri, tsi kikiri ku gavulirwa miyandu gyavo.

³Na Joshua ya teva avana va Israeli, na a vola, Mu la duka inyinga ki mu veye avagata ku lingira lyenyu nokugumira kivala kya Yahova, Nyasaye wa vaguga venyu, ya mu ha?

⁴Mwevikiri mwinye avene avandu vavaka ku ihiri sa indala: na inze nda va tuma, navo va la vuka, va tsie hagati hekivala, nokuking oda kuli miyandu gyavo gyi veye; na va ladza ku inze.

⁵Avandu yavo va la gavula kivala ki ve vidieli vitano na viviri: Yuda a la menya mu lwako lwilwe ku luvega lwa kusini, na inyumba ya Yosefa i la menya mu lwako lwavo ku luvega lwa kasikasini.

⁶Na mu la ng oda kivala ki ve vidieli vitano na viviri, na mu la leta ku inze; na inze nda mu kolera ikura imbiri wa Yahova, Nyasaye wetu.

⁷Kigira ave ihiri ya Valevi si va veye nekidieli hagati henyu; kigira ubusalisi bwa Yahova bu veye miyandu gyavo: kandi Gadi na Rubeni na inusu yehiri ya Manase va mali ku nyolera miyandu gyavo engereka ya Yordani ku luvega lwevugwi, lwa Musa mutumekiri wa Yahova ya va ha.

⁸Na avandu yavo va vuka, ni va tsia: na Joshua ya laga yavo ava tsia kung oda kivala, na a vola, Mu tsie mu vite hagati hekivala yikyo, nokung oda makuva gakyo, ma mwirane ku inze; na nda mu kolera ikura imbiri wa Yahova mu Shilo.

⁹Na avandu yavo va tsia ni va vita hagati hekivala, na va ng oda makuva gakyo nokukigavula ku madala gakyo ni ki duka vidieli vitano na viviri mu kitabu; ni va galuka ku Joshua ha hokusosa ha Shilo.

¹⁰Na Joshua ya va kolera ikura imbiri wa Yahova mu Shilo: kunangwa Joshua ya gavulira avana va Israeli kivala kuli lyavukana lyavo.

¹¹Kandi kya loleka kidieli kya avana va Benjamini kuli ubwiko bwavo: na lwako lwekidieli kyavo lwa twulira hagati ha avana va Yuda na avana va Yosefa.

¹²Lwako lwavo ku luvega lwa kasikasini lwa twula ku mugera gwa Yordani; na lwako lwa vita kuduka mbalu mwelidala lya Yeriko ku luvega lwa kasikasini, na lwa vita hagati hekivala kyevigulu kuhenza ku luvega lwemadioli; ne kiheri kyalwo ki veye ha kyangalangwi kya Bethaven.

¹³Na lwako zana lwa vita kutwula ho nokuduka ku lidala lyo Luz, mbalu mwa Luz (lidala zana li veye Betheli), ku luvega lwa kusini; na lwako lwa sulunguta Atarothadari, himbi nekigulu ki veye ku luvega lwa kusini wa Bethhoron lyemunzi.

¹⁴Na lwako lwa medwa, nokuvodonkana ku luvega lwemadioli ihenza kusini, kutwula ku kigulu ki henza Bethhoron ku luvega lwa kusini; na kiheri kyalwo ki veye ha Kiriathubaal (lidala yili li veye Kiriathujearim), li veye lidala lyavana va Yuda: yilu no luvega lwemadioli.

¹⁵Na luvega lwa kusini lwa twula ku luvega lwekiheri kya Kiriathujearim; no lwako lwa twulira ku luvega lwemadioli, kutwula ha zana lwa vita kuduka ku mugera gwamadzi ga Nefitoa;

¹⁶na lwako lwa sulunguta kuduka ku kiheri kyekigulu ki veye ha zana ku henza ku livona lyomwana wa Hinom, li veyo ha zana mu livona lya emindu ku luvega lu henza kasikasini; na lwa sulunguta kuduka ku livona lya Hinom, kuduka mmbalu mwo Mujebusi ku luvega lwokuhenza kusini, na lwa sulunguta kuduka Enrogeli;

¹⁷na lwa ng odwa ku luvega lwa kasikasini, na lwa twulira ha Enshemeshi, nu lu vita kuduka Gelilothu, ki henza ku kyanegiru kya Adumim; na lwa sulunguta kuduka ku ligina lya Bohan, muyai wa Rubeni;

¹⁸lwa vita mmbalu gu henza mu Araba ku luvega lu henza kasikasini, na lwa sulunguta kuduka mu Araba;

¹⁹no lwako lwa vita kuduka mmbalu mwa Bethhogila ku luvega lu henza kasikasini; nobutwuliru bwolwako zana bu veye ha kiheri kye Inyanza yo Munyu, ki veye kiheri kya kusini womugera gwa Yordani: yilo nilwo lwako lweluvega lwa kusini.

²⁰Na mugera gwa Yordani gu veye lwako lwakyo ku luvega lwevugwi. Yigyi nigyo miyandu gyavana va Benjamini, kuli tsinzako tsitsye kuvodonkana hosi, kuli ubwiko bwavo.

²¹Na amadala gehiri yavana va Benjamini kuli ubwiko bwavo ni yaga, Yeriko, na Beth-hogila, na Emekikeziza,

²²na Betharaba, na Zemaraim, na Betheli,

²³na Avim, na Para, na Ofira,

²⁴na Kefariamon, na Ofini, na Geba; madala likumi na gaviri halala na tudala twago.

²⁵Gibeon, na Rama, na Beerothu.

²⁶Na Mizipe, na Kefira na Mozahu.

²⁷Na Rekem, na Iripeeli, na Tarala.

²⁸Na Zela, Elefu, na Mujebusi (li veye Yerusalemi), na Gibeathu, na Kiriathu; madala likumi na gane halala na tudala twago. Ga veye miyandu gyavana va Benjamini kuli ubwiko bwavo.