Read lulogooli Joshua 19 Bible Online

Joshua 19 - lulogooli bible

Joshua 19

¹Ne kidieli kya kaviri kya loleka kuva kya Simeoni, ki veye kigira ihiri yavana va Simeoni kuli ubwiko bwavo: nemiyandu gyavo gya li hagati hemiyandu gyavana va Yuda.

²Navo va li na madala yaga mu miyandu gyavo Beersheba kinga Sheba, na Molada,

³na Hazarushuali, na Baala, na Ezem,

⁴na Elitoladi, na Bethueli, na Horma,

⁵na Zikilagu, na Bethmarikabothu, na Hazarsusa,

⁶na Bethlebaothu, na Sharuhen; madala likumi na gavaka halala notudala twago:

⁷Ain, Rimon, na Etheri, na Ashan; madala gane halala notudala twago:

⁸na tudala twosi twa kumberidza madala yago hosi kuduka Baalathubeeri, Rama lya Kusini. Yigyi nigyo miyandu gyehiri yavana va Simeoni kuli ubwiko bwavo.

⁹Miyandu gyavana va Simeoni gya twula ku lwako lwavana va Yudakigira kidieli kyavana va Yuda kya li kinene kuvo: kigira yaga avana va Simeoni va veye nemiyandu hagati hemiyandu gyavo.

¹⁰Na kidieli kya kavaka kya loleka kuva kyavana va Zebuloni kuli ubwiko bwavo. Na lwako lwemiyandu gyavo lwa duka Saridi;

¹¹na lwako lwavo lwanegira kuvita ku luvega lwemadioli, kuduka Marala, na lwa tsia kuduka Dabeshethu; na lwa duka ku mugera gu henza ku Jokineam;

¹²na lwa vodonkana kutwula Saridi kuvita ku luvega lwevugwi kuhenza butwuliru bweliuva kuduka ku lwako lwa Kisilothu taboru; na lwa twula kuduka Dabera thu, na lwanegira kutsia Jafia;

¹³na kutwula yaho lwa tsia kuhenza ivugwi kuduka Gathheferi, kuduka Ethikazin; na lwa twulira ha Rimon kuduka ku Nea;

¹⁴na lwako lwa vodonkana kivala yikyo ku luvega lwa kasikasini kuduka Hanathon; ne kiheri kyalwo kya li mu livona lya I Ifitaheli;

¹⁵na Katathu, na Nahalali, na Shimiron, na Idala, na Bethlehemu: amadala likumi na gaviri halala notudala twago.

¹⁶Yigyi nigyo miyandu gyavandu va Zebuloni kuli ubwiko bwavo, na madala yaga notudala twago.

¹⁷Na kidieli kya kane kya loleka kuva kya Isakari, kali kuva kyavana va Isakari kuli ubwiko bwavo.

¹⁸Na lwako lwavo lwa duka Jezireeli, na Kesulothu, na Shunem,

¹⁹na Hafaraim, na Shion, na Anaharathu,

²⁰na Rabithu, na Kishion, na Ebezu,

²¹na Remethu, na Enganim, na Enhada, na Bethpazezu,

²²no lwako zana lwa duka Taboru, na Shahazuma, na Bethshemeshi; nekiheri kyolwako lwavo kya li mmugera gwa Yordani: madala likumi na gatano na lilala notudala twago.

²³Yigyi nigyo miyandu gyehiri yavana va Isakari kuli ubwiko bwavo, madala yaga halala notudala twago.

²⁴Ne kidieli kya katano kya loleka kuva kyehiri yavana va Asheri kuli ubwiko bwavo.

²⁵Lwako lwavo lwa li Helikathu, na Hali, na Beten, na Akishafu,

²⁶na Alameleki, na Amadi, na Mishali; na lwa duka Karimeli ku luvega lwemadioli, kandi lwa duka Shihorulibinathu;

²⁷lwa vodonkana kuhenza hobutwuliru bweliuva kuduka Bethdagon, na kuvita kuduka Zebuloni, noku livona lya Ifitaheli ku luvega lwa kasikasini kuduka Bethemeku na Neieli; na lwa vita kuduka Kabuli ku luvega lwomukono mmosi,

²⁸na Ebironi, na Rehobu, na Hamon, na Kana, kuduka Sidone linene;

²⁹nalwako lwa vodonkana kuhenza Rama, nelidala lya Turo li veye nolugaga; nolwako lwa vodonkana kuhenza Hosa; na kiheri kyalyo kya li ku i inyanza mu kivala kya Akiziba;

³⁰kandi Uma, na Afeku, na Rehobu: I amadala makumi gaviri na gaviri halala na tudala twago.

³¹Yigyi nigyo miyandu gyehiri yavana va Asheri kuli ubwiko bwavo, amadala yaga halala na tudala twago.

³²Ne kidieli kya katano na kilala kya loleka kuva kyavana va Nafitali, kali kuva kyavana va Nafitali kuli ubwiko bwavo.

³³Na lwako lwavo lwa twula Helefu, kutwula Alloni kuduka Zaananim, na Adaminekebu, na Jabineeli kuduka Lakum; ne kiheri kyaiwo kya li ku mugera gwa Yordani;

³⁴na lwako zana lwa vodonkana kuvita ku luvega lwemadioli kuduka Azinothutaboru, no kutwula yaho lwa vita kuduka Hukoku; lwa duka Zebuloni ku luvega lwa kusini, na lwa duka Asheri ku luvega lwemadioli, nokuduka Yuda ku mugera gwa Yordani ku luvega lu henza butwuliru bweliuva.

³⁵Na madala gakyo agetsingaga ni yaga, Zidim, na Zeri, na Hamathu, na Rakathu, ni Kinerethu,

³⁶na Adama, na Rama, na Hazoru,

³⁷na Kedesh, na Edrei, na Enhazoru,

³⁸na Iron, na Migidaleli, na Horem, na Bethanathu, na Bethshemeshi; madala likumi na gatano na gane halala notudala twago.

³⁹Yigyi nigyo miyandu gyehiri yavana va Nafitali kuli ubwiko bwavo, madala halala notudala twago.

⁴⁰Na kidieli kya gatano na gaviri kya loleka kuva kyehiri yavana va Dan kuli ubwiko bwavo.

⁴¹Na lwako lwemiyandu gyavo lwa li Zora, na Eshitaoli, na Irishemeshi,

⁴²na Shaalabin, na Aijalon, na Ithila,

⁴³na Elon, na Timina, na Ekiron,

⁴⁴na Eliteke, na Gibethon, na Baalathu,

⁴⁵na Jehudu, na Beneberaka, na Gathrimon,

⁴⁶na Mejarikon, na Rakon, halala na lwako lu henza Jopa.

⁴⁷Na lwako lwavana va Dan lwa twula kuvavita; kigira avana va Dan vanegira kulwana na Leshem, nokulivugula, nokulikuya nobwogi bwekivavi, nokuligumira, na va menya mu, na va gulika Leshem, Dan, kuli lieta lya Dan dada wavo.

⁴⁸Yigyi nigyo miyandu gyavana va Dan kuli ubwiko bwavo, amadala yaga halala notudala twago.

⁴⁹Ni ndiyo va mala miyinzi gyavo gyokugavula kivala ki ve miyandu kuli tsinzako tsyakyo; na avana va Israeli va ha Joshua mwana wa Nuni miyandu hagati havo:

⁵⁰kuli lilaga lya Yahova va mu ha lidala lya yenya, nalyo li veye Timinathusera mu kivala kyevigulu vya Efiraim; naye yombaka lidala na a menya mu.

⁵¹Yigyi gyi veye miyandu, gya Eleazaru musalisi, na Joshua mwana wa Nuni, halala nemitwe gyetsinyumba tsya vaguga vetsihiri tsyavana ve Israeli va gavula ku likola ikura gi ve miyandu mu Shilo imbiri wa Yahova, ha muliango gwelihema lyokuvugana mu. Na ndiyo va mala miyinzi gyokugavula kivala.