Read lulogooli Joshua 2 Bible Online

Joshua 2 - lulogooli bible

Joshua 2

¹Na Joshua mwana wa Nuni ya tuma avandu vaviri kutwula Shitim va tsia makiriri kuluta, na a vola, Mu tsie, kuliguulz kivala, na Yeriko. Navo va tsia, ni va duka ha inyumba yowamalaya wa langwa Rahabu, na va menya ho.

²Nomwami wa Yeriko y a volerwa, kuvola, Henza, avasatsa vavana va Israeli vingiye hano budiku bwa lero kuluta kivala.

³Nomwami w a Yeriko ya tuma avandu kutsia ku Rahabu, nokumbolera, U twulidze avandu yavo ava duki ku ive, avingiye mu inyumba yoyo; kigira va duki kuluta kivala kyosi.

⁴Ma mukali uyu ya vugula avandu yavo vombi, na a va visa; ma na a vola, Yee, avandu yavo va duki ku inze, navutswa si nda manya ha va twula:

⁵lwa i duki kuli inyinga yokuhana kiribwa kyelidala, inyinga yekisundi, avandu yavo va manyi ni va tsia kyova; na inze si manyi ha va tsiye mba: mu va londerere bwangu; mu la va nyola.

⁶Navutswa uyu ya li na a va vuguye na a tsiye navo ku inyumba igulu, na a va visi mu luvuva lwakatani, lwa ya li na a lohidza ku inyumba igulu.

⁷Na avandu yavo va va londerera ku inzira yokutsia ku mugera gwa Yordani kuduka ha nyambuku: na lwa ava londereri yava va twula, nonoho va hana kiribwa.

⁸Na lwa va kikiri kugona, va tsia kuvo ku inyumba igulu;

⁹na ya volera avasatsa yavo, Inze mmanya Yahova u mali kuha mwinye kivala yiki, kandi mmanya ubutii bwokutia mwinye bu gwiye ku kwinye, kandi vosi avamenyi mu kivala yiki va la yenguka imbiri wenyu.

¹⁰Kigira kwa hulira kuli Yahova yominya amadzi ge Inyanza Inzakanyu imbiri wenyu, lwa mwa twula mkivala kya Egepeti; kandi aga mwa kola ku avami vaviri ava Vaamori, ava li engereka ya Yordani, Sihon na Ogu, ava mwa dividza ligali.

¹¹Na lwa ikwa nyola amakuva yaga, nonoho rnyoyo gyetu gya yenguka, na roho kali mulala si gwa tigala mu mundu kali mulala, kigira mwinye: kigira Yahova Nyasaye wenyu, uyu niye Nyasaye mu ligulu igulu, nomu lirova hasi.

¹²Kunangwa kalunu, mwadza mmugoonya, mu nzisuhire hano imbiri wa Yahova, kigira inze mmali kukolera mwinye bulahi, na mwinve mu la kolera inyumba ya dada wange bulahi, nokumpa kimanyiru kyeligali;

¹³kandi mu la honnya dada wange a ve mwoyo, na mama wange, na vabotso vange, na vamwavo vange, na vosi ava va veye navo, na mu la honnya livamwoyo lyetu ku likudza.

¹⁴Na avandu yava va mu volera Livamwoyo lyetu mbogono bwelivamwoyo lyenyu, ni mu va ni mu vula kuvola miyinzi gyetu yigyi, ga la va lwa Yahova a ku ha kivala yiki, kwinye ku la ku kolera ubulahi nobusuvirifu.

¹⁵Kunangwa ya vikidzira nomugoye mwidirisha: kigira inyumba yeye ya li ku lugaga lwelidala, naye ya menya ku lugaga.

¹⁶Na ya va volera, Mu tsie mu kigulu, gase avalondereri va la mu nyola; mwivise yo madiku gavaka, kuduka virane yavo ava mu londerera: lwenyima mu la tsia.

¹⁷Na avandu yavo va mu volera, Kwinye ku la va bugira kindu kyokuvanzwa ku lyesuha lilyo lya ive u kwisuhidzi.

¹⁸Henza, lwa kwingira mu kivala yiki, ive u la boha mugoye mwakanyu mu lidirisha lya u kwikidziye mu: na u la vungidza ku ive mu inyumba, dada wowo, na mama wowo, na vamwavo vovo na avandu vosi avenyumba ya dada wowo.

¹⁹Ga la va, ku vosi u li twula mu muliango gwenyumba yoyo kutsia ku inzira, amasahi gege ga la va ku mutwe gwigwe mwene, na kwinye ku la va bugira livanzwa: na ku vosi u li va halala nive mu inyumba, amasahi gege ga la va ku mitwe gyetu, ni i va mukono gwomulala gu mu nyola.

²⁰Navutswa nu u vola miyinzi gyetu yigyi, hene yaho ku la twula ku lyesuha lilyo lya u kwisuhidzi.

²¹Nomukali zana ya vola, Ga veye ndiyo, kuli amakuva genyu, na ya va twulidza, ni va tsia: naye ya boha mugoye mwakanyu mu lidirisha.

²²Navo va twula, ni va duka ku kigulu, ni va menya yo madiku gavaka, kuduka lwa yavo ava va londerera virana: na yavo ava va londerera va venya ku inzira yosi, va vula ku va lola.

²³Kunangwa avandu yavo vombi virana, ni va sulunguta kutwula mu kigulu, vambuka, ni va tsia ku Joshua mwana wa Nuni; na va mu volera makuva gevindu vyosi vya va nyola.

²⁴Na va volera Joshua, Ligali Yahova u viki mmakono getu kivala yiki kyosi; kandi kuvita yaga avamenyi mu kivala yikyo vosi va yenguki kigira kwinye.