Read lulogooli Joshua 21 Bible Online

Joshua 21 - lulogooli bible

Joshua 21

¹Inyinga yeyo yavo mitwe gyetsiyumba tsyavaguga va Valevi va tsia ku Eleazaru musalisi, na ku Joshua mwana wa Nuni, noku yavo ava veye mitwe gyetsinyumba tsyavaguga vetsihiri tsyavana va Israeli;

²na va va volera ha Shilo mu kivala kya Kanani, ni va vola, Yahova ya laga nomukono gwa Musa, kwinye ku hebwe amadala ku duke kumenya mu, halala notudala twekyayiru kyemitugu gyetu.

³Na avana va Israeli va haana ku Valevi amadala yaga halala notudala twago twekyayiru kutwula ku miyandu gyavo, kuli lilaga lya Yahova.

⁴Na kidieli kya loleka kuva kyobwiko bwa Vakohathu: navana va Haruni musalisi, ava veye mu Valevi va nyola madala likumi na gavaka ku ikura mu ihiri ya Yuda, na mu ihiri ya Simeon, nomu ihiri ya Benjamini.

⁵Vakohathu vandi va tigala va nyola ku ikura mu bwiko bwehiri ya Efiraim, na mu ihiri ya Dan, na mu inusu yehiri ya Manase, amadala likumi.

⁶Navana va Gerishon va nyola ku ikura mu bwiko bwehiri ya Isakari, nomu ihiri ya Asheri, nomu ihiri ya Nafitali, nomu inusu yehiri ya Manase mu Bashan, amadala likumi na gavaka.

⁷Avana va Merari kuli ubwiko bwavo va nyola mu ihiri ya Rubeni, nomu ihiri ya Gadi, nomu ihiri ya Zebuloni, madala likumi na gaviri.

⁸Navana va Israeli va haana ku Valevi kuikura amadala yago halala notudala twago twekyayiru, kuli Yahova ya laga nomukono gwa Musa.

⁹Na va haana kuvo kutwula ku ihiri yavana va Yuda, nomu ihiri yavana va Simeoni, amadala yago aga talwa yaha na ameta gago:

¹⁰nago ga li gavana va Haruni ku ubwiko bwa Vakohathu, ava li avana va Levi; kigira kidieli kyokutanga kya li kyavo.

¹¹Navo va ha Kiriathuarba, Arba uyu u a li dada wa Anaki (li veye Hebironi), mu kivala kyevigulu vya Yuda, halala navyayiru vyalyo tsimbega tsyosi.

¹²Navutswa milimi gyelidala, notudala twalyo, va haana ku Kalebu mwana wa Jeiune kuva miyandu gyigye.

¹³Na va haana ku avana va Haruni musalisi Hebironi halala nobwayiru bwalyo, lidala lyomulumindi yirukira mu, na Libina halala nobwayiru bwalyo,

¹⁴na Jatiru halala nobwayiru bwalyo, na Eshitemo halala nobwayiru bwalyo,

¹⁵na Holon halala nobwayiru bwalyo, na Debiri halala nobwayiru bwalyo,

¹⁶na Ain halala na bwayiru bwalyo, na Juta halala nobwayiru bwalyo, na Bethshemeshi halala nobwayiru bwalyo; amadala gatano na gane mu tsihiri tsiviri yitsyo.

¹⁷Nomu ihiri ya Benjamini, Gibeon halala nobwayiru bwalyo, na Geba halala nobwayiru bwalyo,

¹⁸na Anathothu halala nobwayiru lwalyo, na Alimon halala nobwayiru bwalyo; madala gane.

¹⁹Madala gosi gavana va Haruni, vasalisi, ga li madala likumi na gavaka, halala nobwayiru bwago.

²⁰Nobwiko bwavana va Kohathu, Valevi, avana vandi va Kohathu va tigala, va li namadala gekidieli kyavo mu ihiri ya Efiraim.

²¹Navo va va ha Shekem halala nobwayiru bwalyo mkivala kyevigulu kya Efiraim, lidala lyomulumindi yirukira mu, na Gezeri halala nobwayiru bwalyo,

²²na Kibizaim halala nobwayiru bwalyo, na Bethhoron halala nobwayiru lwalyo madala gane.

²³Nokutwula ihiri ya Dan, Eliteke halala nobwayiru bwalyo, na Gibethon halala nobwayiru bwalyo,

²⁴na Aijalon halala nobwayiru bwalyo, na Gathrimon halala nobwayiru bwalyo; madala gane.

²⁵Nokutwula ku inusu yehiri ya Manase, Taanaka halala nobwayiru bwalyo, na Gathrimon halala nobwayiru bwalyo; madala gaviri.

²⁶Amadala gosi getsihiri tsyavana va Kohathu va tigala ga veve madala likumi halala nobwayiru bwago.

²⁷Na ku avana va Gerishon, mu bwiko bwa Valevi, kutwula ku inusu yehiri ya Manase va ha Golan mu Bashan halala nobwayiru bwalyo lidala lyomulumindi yirukira mu, na Beeshitera halala nobwayiru bwalyo; madala gaviri.

²⁸Nokutwula ku ihiri ya Isakari, Kishion halala nobwayiru bwalyo, Daberathu halala nobwayiru bwalyo,

²⁹Jaramuthu halala nobwayiru bwalyo, na Enganim halala nobwayiru bwalyo madala gane.

³⁰Nokutwula ku ihiri ya Asheri, Mishali halala nobwayiru bwalyo Abidon halala nobwayiru bwalyo

³¹Helikathu halala nobwayiru bwalyo, na Rehobu halala nobwayiru bwalyo; madala gane.

³²Nokutwula ku ihiri ya Nafitali, Kedesh mu Galilaya halala nobwayiru bwalyo, lidala lyomulumindi yirukira mu, na Hamothudori halala nobwayiru bwalyo, na Karitan halala nobwayiru bwalyo; madala gavaka.

³³Amadala gosi aga Vagerishon kuli bwiko bwavo ga li amadala likumi na gavaka halala nobwayiru bwago.

³⁴Naku bwiko bwavana va Merari, Yalevi ava tigala, mu ihiri ya Zebuloni, Jokineam halala nobwayiru bwalyo na Karita halala nobwayiru bwalyo

³⁵Dimina halala nobwayiru bwalyo, na Nahalali halala nobwayiru bwalyo; madala gane.

³⁶Nokutwula ku ihiri ya Rubeni, Bezeru halala nobwayiru bwalyo, na Jahazu halala nobwayiru bwalyo,

³⁷Kedemothu halala nobwayiru bwalyo, na Mefaathu halala nobwayiru bwalyo; madala gane.

³⁸Nokutwula ku ihiri ya Gadi Ramothu mu Gileadi halala nobwayiru bwalyo, lidala lyomulumindi yirukira mu, na Mahanaim halala nobwayiru bwalyo,

³⁹na Heshibon halala nobwayiru bwalyo, na Jazeri halala nobwayiru bwalyo; gosi ga veye madala gane.

⁴⁰Yaga gosi ga li madala gavana va Merari kuli ubwiko bwavo bu veye ubwiko bwa Valevi va tigaia nekidieli kyavo ki veye madala likumi na gaviri.

⁴¹Madala gosi ga Valevi hagati hemiyandu gyavana va Israeli ga li madala makumi gane na gatano na gavaka halala nobwayiru bwago.

⁴²Madala yaga gosi ga li halala, nobwayiru bwalyo bwa kumberidza tsimbega tsyosi: ga li ndiyo ku madala yaga gosi.

⁴³Kunangwa Yahova ya ha Israeli kivala kyosi kya yisuha a la ha avaguga vavo; navo va ki gumira, ni va menya mu.

⁴⁴Na Yahova ya va ha bwelemeridzi ku tsimbega tsyakyo tsyosi, kuli yaga gosi aga yesuhira avaguga vavo: na ku vasigu vavo vosi mundu kali mulala si ya singira imbiri wavo; Yahova ya vika vasigu vavo vosi mmakono gavo.

⁴⁵Ku makuva gosi malahi ga Yahova ya volera avenyumba ya Israeli, likuva kali lilala si lya vula kukolwa; gosi ga dukidzwa.