Read lulogooli 2 Vatesalonike 3 Bible Online

2 Vatesalonike 3 - lulogooli bible

2 Vatesalonike 3

¹Inyima, avamitu, mu ku saalire, likuva lyo Mwami li lande bwangu nokwidzominywa, kuli li veye mu mwinye,

²kandi ku honnywe ku vandu avobugoti navadamano; kigira si va li vosi ava veye nelisuuvira.

³Navutswa Mwami a veye musuuvirifu, u li luviridza mwinye, nokumulinda ku mudamano.

⁴Na kwinye ku veye nelisuuvira ku Mwami kigira mwinye, mu kolanga kandi mu la kola vindu vya ku laga.

⁵Mwami yimirira myoyo gyenyu gyingire mu buyanzi bwa Nyasaye, nomu bwikudziri bwa Kristo.

⁶Kandi ku laga mwinye, avamitu, ku lieta lyo Mwami wetu Yesu Kristo, mwinye mwiyahule ku vamitu vosi avekivihiri, ava vula kulonda amakuva ga va vugula ku kwinye.

⁷Kigira mwinye avene mu manya kuli ga mu dukira kwega ku kwinye: kigira si kwa kola kivihiri mu mwinye;

⁸kandi si kwa lagira vutswa ubukima bwomundu kali mulala, navutswa mu linyankana lyemiyinzi, nomu busaliri kwa kola miyinzi ubudiku nombasu ku vule kumina ku mwinye kali mulala.

⁹Si ga li kigira kwa daka tsingulu, navutswa kwinye kwekolanga ku ve kiloleru kyenyu, mu duke kukola kuli kwinye ku kola.

¹⁰Kigira lwa kwa li halala na mwinye, kwa mu laga, Niva mundu kali mulala ku vosi na a sula kukola miyinzi, kandi a ta lia.

¹¹Kigira ku hulira amakuva gavalala ku mwinye ava kola kivihiri, ava vula kuyinzira, navutswa va veye avahuudziridzi.

¹²Kalunu ku laga yavo ava veye ndivo nokuvatsuva mu Mwami Yesu Kristo, va kole miyinzi gyavo nobwehodzeridzi, va lie vyokulia vyavo avene.

¹³Navutswa mwinye avamitu, mu ta kudza myoyo mu likola bulahi.

¹⁴Niva mundu kali mulala na a sula kuhulira likuva lyetu mu ibaruwa yiyi, mu vike kuye kiloleru, mu ta va nelihambana naye, a duke kuva isoni.

¹⁵Navutswa mu ta mu kola musigu, navutswa mu mweganehidze kuli a ve amitu.

¹⁶Kalunu Mwami wemirembe a mu he mirembe kazozo ku vindu vyosi. Mwami a ve nemwinye vosi halala.

¹⁷Lichelidza lyange inze Paulo nomukono gwange inze mwene, li veye kiloleru mu tsibaruwa tsyosi: ni ndiyo ng'odanga.

¹⁸Tsimbabasi tsyo Mwami wetu Yesu Kristo tsi ve halala nemwinye mwosi.