Read lulogooli 1 Timoteo 2 Bible Online

1 Timoteo 2 - lulogooli bible

1 Timoteo 2

¹Kunangwa nzeganehidza imbiri wamakuva gosi, ga kolwe lisaala na lyegomba, nelisaavira, nelisantidza kigira avandu vosi;

²kandi kigira avami na vosi ava veye avanene, ku duke kumenya nobuhokya nobwele meridzi mu litia Nyasaye nobudu kanu.

³Yaga Ra veye malahi kandi agabugirirwa imbiri wa Nyasaye Muhonnyi wetu;

⁴wenyanga ava ndu vosi va hone nokuduka ku limanya ageligali.

⁵Kigira Nyasaye a veye mulala, nomuhambannyi wa Nyasaye navandu a veye mulala, mwene a veye mundu, Kristo Yesu,

⁶wehaana a ve mutungu gwa vosi; lilolekidza li letangwa mu tsinyinga tsyalyo;

⁷lya inze nda vikwa kuva mwilwadzi kandi kuva mutumwa walyo (mbola ageligali, si mbehanga) mwegidzi we Tsihiri mu lisuuvira nomu ageligali.

⁸Nyenya avandu vasatsa va saale Nyasaye hosi, va ginge mikono mitakatifu, bugira butima nobuhing'ani.

⁹Kandi ndiyo avakali visiahe tsingubo tsindukanu nobugoosi nokwilinda; va tisiaha kunava amasu nokwivika thahahu kinga tsilulu, kinga tsingubo tsyobuguli budinyu;

¹⁰navutswa visiahe miyinzi milahi (yivi nivyo vi dukiranga avakali avelolekidzanga kuva avandu va Nyasaye).

¹¹Mukali a huliridze nobwehodzeridzi halala no bwegehidzi bwosi.

¹²Si mbugirira mukali yegidze, kinga kuva netsi ngulu ku musatsa, navutswa a ve mu lyehodzeridza.

¹³Kigira Adamu ya tanga kulombwa, wenyima Hawa;

¹⁴kandi Adamu si ya gadwa, navutswa mukali kigira ya gadwa ya nyola lihyolo:

¹⁵navutswa a la honnyirwa ku livula avana, ni va va va menya mu lisuuvira nomu buyanzi nomu butakatifu nomu lyelinda.