Read lulogooli 2 Timoteo 1 Bible Online

2 Timoteo 1 - lulogooli bible

2 Timoteo 1

¹Paulo, mutumwa wa Kristo Yesu ku bulaliri bwa Nyasaye, kuli lisuuvira lyelivamwoyo li veye mu Kristo Yesu,

²ibaruwa yange yiyi i duke ku Timoteo mwana wange muyanze: U ve neliverererwa, netsimbabasi, nemirembe, gyi twulanga ku Nyasaye Dada noku Kristo Yesu Mwami wetu.

³Nsantidzanga Nyasaye, wa ntumekira nomwoyo mulahi, kutwula ku vaguga vange, kuli wa mbongeranga kwidzulira ive mu lisaala lyange ubudiku nombasu.

⁴Nkayirangwa ligali kulola ive nzidzuliranga amaliga gogo, nduke kwizula ubusangali;

⁵lwa nduka kwidzulidzwa lisuuvira lilyo lya u veye nalyo li ta li lyobugadi; lya li ho ku matsyambiri mu guuku wowo Lois nomu mama wowo Eunike; kandi nduki kulola ligali ive u veye nalyo.

⁶Yiki ni kigira nkwidzulidzanga u vukidze kihaanwa kya Nyasaye ki veye mu ive kya wa nyolera ku livikwa amakono gange.

⁷Kigira Nyasaye si ya ku ha mwoyo gwobutii, navutswa gwetsingulu, nogwobuyanzi, nokwilinda bulahi.

⁸U ta va netsisoni ku lilolekidza lyo Mwami wetu, kandi u ta va netsisoni ku inze muhambe wewe: navutswa wikudzire mu kivi halala nevangeli kuli tsingulu tsya Nyasaye,

⁹wa honnya kwinye na a ku langa nelilanga litakatifu, si ga li kuli miyinzi gyetu navutswa kuli ubulaliri bwibwe nelivererera lilye lya kwa hebwa mu Kristo Yesu imbiri wetsinyinga tsya kale,

¹⁰na vutswa kalunu li lang'aminyeywi ku liloleka lyo Muhonnyi wetu Kristo Yesu, wa goyanya likudza, na a leta livamwoyo nelivula kukudza li ve ha bulavu kigira ivangeli.

¹¹Ku yiyi nda vikwa kuva mwilwadzi nomu tumwa, nomwegidzi.

¹²Kigira yaga nyolanga vindu yivi: navutswa si mbeye isoni; kigira mmanya uyu wa nsuuviranga, kandi mmanya ligali a nyala kulinda kya nda vika kuye kuduka ku lidiku yilyo.

¹³U gumire ligali kyokuhenzera ku kyamakuva gokukonya ga wa hulira ku inze, mu lisuuvira nomu buyanzi bu veye mu Kristo Yesu.

¹⁴Kindu kilahi kya vikwa ku ive kulinda, u ki linde netsingulu tsya Roho Mutakatifu u menya mu kwinye.

¹⁵U manya yaga, vosi ava veye mu Asia va li nzesigana; avalala kuvo ni Fugelo na Herimogene.

¹⁶Mwami a vererere avenyumba ya Onesiforo; kigira ya nsosidza hali kanyingi, kandi si ya vera munyororo gwange tsisoni;

¹⁷navutswa lwa ya li mu Romi ya nyenya nobugulu ni ya nyola

¹⁸(Mwami a mu he kunyola liverererwa ku Mwami ku lidiku yilyo); kandi ive mwene u manyi bulahi vyosi vinyingi vya ya ntumekira mu Efeso.