Read lulogooli Tito 1 Bible Online

Tito 1 - lulogooli bible

Tito 1

¹Paulo, mutugwa wa Nyasaye, nomutumwa wa Yesu Kristo, kuli lisuuvira lya vatovole va Nyasaye, ka ndi kuli limanya lyageligali li veye kuli litibwa lya Nyasaye,

²mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

³navutswa mu tsi nyinga tsitsye mwene ya lang'aminya likuva lilye mu lilwadza, lya nda kolwa mulindi kuli lilaga lya Nyasaye Muhonnyi wetu;

⁴ibaruwa yange yiyi i duke ku Tito, mwana wange weligali ku lugano lwelisuuvira lya ku sanga: Tsiznbabasi nemirembe gyi twulanga ku Nyasaye Dada noku Kristo Yesu Muhonnyi wetu.

⁵Kigira yaga nda ku leka Kirete, u duke kudukidza vindu vyosi vya gehera, nokuvika avakulundu mu madala gosi kuli nda ku laga:

⁶ku vosi mundu u ta li nekindu kuye, musatsa womukali mulala, u veye navana va suuvira ava ta volwa kuva avekivihiri kinga ava ta hulira

⁷Kigira muhenzi ga mu dukiranga a ta va nekindu kuye, kuli mulindi wa Nyasaye; a ta va muhindagiridzi, a ta va u vihirirwa bwangu, a ta va muhambiki, a ta va mukuyi, a ta va mukayirwi wevyambeti vidamano;

⁸navutswa a ve mwingiridzi wavageni, u yanza ubulahi, wobugeeri bwere, wobulungi, mutakatifu, welinda mwene;

⁹u hambana ne likuva lyobusuuvirifu li veye kuli amegidzo, a duke kunyala kutsuva avandi mu megidzo ageligali, nokulungikidza avahing'ani.

¹⁰Kigira va veye ho avanyingi avebaali, navamakuva ga vutswa navagadi, ligali yava ava veye ku vakevwa,

¹¹ava ga dukiranga mi nwa gyavo gyi kunikwe; va veye ava i tung'aminyanga avetsinyumba vosi vegidzanga vindu vi ta dukana kigira vyambeti vidamano.

¹²Mulala kuvo, muprofeti wavo avene ya vola Avakirete, kazozo va veye avavehi, tsinyama tsyomulitu tsindamano, navahuvali, avagata ava vula kukola miyinzi.

¹³Lilolekidza yili ni lyeligali. Kigira yaga u va gondokere, va duke kuva avagyima mu lisuuvira,

¹⁴va ta hulira tsing'ano tsya Vayuda nama lago gavandu veleha kutwula ku ageligali.

¹⁵Ku avanifu vindu vyosi vi veye vinifu: navutswa ku avadamano nava vula kusuuvira si ha li nekindu kinifu kuvo; navutswa ubugeeri bwavo nomwoyo gwavo gu gwiye mudamano.

¹⁶Veyamanga va manya Nyasaye; navutswa ku miyinzi gyavo va mweyambakana, avokuvihiriridza, nava ta hulira kandi ava ta dukana ku miyinzi gyosi milahi.