Read lulogooli Filemona 1 Bible Online

Filemona 1 - lulogooli bible

Filemona 1

¹Paulo, muhambe wa Kristo Yesu, na Timoteo amitu wetu, ibaruu a yetu yiyi i duke ku muyanze wetu Filemona muyinziri halala nekwinye,

²noku Apufia, amitu wetu, noku Arikipo musikari wakye wetu, noku livugana li veye mu inyumba yoyo:

³Tsimbabasi tsi ve ku mwinye nemirembe gyi twulanga ku Nyasaye Dada wetu noku Mwami Yesu Kristo.

⁴Nsantidza Nyasaye wange kazozo, nku talanga mu lisaala lyange,

⁵mbuliranga gobuyanzi bubwo na gelisuuvira lya u veye nalyo ku Mwami Yesu, noku vatakatifu vosi;

⁶lisanga lyelisuuvira lilyo li duke kuyinzira mu limanya lyevindu vyosi vilahi vi veye mu mwinye, kuduka ku Kristo.

⁷Kigira nda li nobusangali nekilema mwoyo mu buyanzi bubwo, kigira myoyo gyavatakatifu gya lemeridzwa kigira ive, amitu.

⁸Kunangwa kali ni mbeye nobu luviriri bwosi mu Kristo kulaga ive kindu ki dukana nive,

⁹navutswa kigira ubuyanzi nku goonya, kigira liva lyange mbeye Paulo musakulu kandi kalunu mbeye muhambe wa Kristo Yesu:

¹⁰nku goonya kigira mwana wange, Onesimo, wa ndivulira mu buhambe bwange,

¹¹wa vula kuva u konya ive ku matsyambiri navutswa kalunu a veye u konya ive kandi inze:

¹²wa ntuma yirane mwene ku ive, ngugwo ni mwoyo gwange ligali:

¹³wa nda li nyanza a menye ninze, a duke kuntumekira mbugono bubwo, mu buhambe bwevangeli;

¹⁴navutswa bugira makuva gogo si nda li nyenya kukola kindu; ubulahi bubwo bu ta va obwelinigwa navutswa bu ve bwobuyanzi.

¹⁵Namusiya yiki ni kigira yahulwa ku ive inyinga i duki, ive u duke kuva naye mihiga nemihiga;

¹⁶inyinga ya kalunu si ya li mutugwa, navutswa u viti mutugwa, amitu muyanze, ligali ku inze kuvita, navutswa ku ive ga kiri ligali mu mubiri nomu Mwami.

¹⁷Kunangwa ive nu u bugirira inze kuva musangi nive u mbugule kuli a veye inze.

¹⁸Na vutswa ya va ni ya kwononnya, kinga na a veye neligovi, u vike ku inze kya zana;

¹⁹inze Paulo ng'oda nomu kono gwange mwene, nda tunga: mbuli kukuvolera kuli wa u veye neligovi lyange lyeliva lilyo mwene.

²⁰Yee, amitu, leka nyole ku ive ubuyanzi mu Mwami: u sosidze mwoyo gwange mu Kristo.

²¹Mu lisuuvira ive nku ng'odera yaga, mmanya u la kola aga mbola, kandi kuvita.

²²Navutswa halala na yaga u nombere ha mmenya: kigira nsuuviranga kigira lisaala lilyo mu la hebwa inze.

²³Epafara, muhambe wakye wange mu Kristo Yesu, a mu chelidza;

²⁴kandi Marko, na Aristarko, na Dema, na Luka, yava ava yinzira halala na inze.

²⁵Tsimbabasi tsyo Mwami Yesu Kristo tsi ve na roho gyenyu. Amini.