Read lulogooli Vahebraina 3 Bible Online

Vahebraina 3 - lulogooli bible

Vahebraina 3

¹Kunangwa, avamitu avatakatifu, avasangi mu lilangwa lyomigulu, mu ganagane uyu Mutumwa, Musalisi Munene welyeyama lyetu, naye ni Yesu;

²wa li musuuvirifu ku uvu w a mu tovola, kuli kandi wa Musa ya li mu inyumba yeye yosi.

³Kigira uyu ya volwa kuva u dukana nobukumi kuvita Musa, kuli wa lomba inyurnba a vedzanga nelidzominywa kuvita inyumba.

⁴Kigira tsinyumba tsyosi avandu vombaka; navutswa wombaka vindu vyosi ni Nyasaye.

⁵Kandi Musa ligali ya li musuuvirifu mu inyumba yeye yosi kuli mutumwa, a ve kilolekidzu kyevindu vi li volwa inyima;

⁶navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

⁷Kunangwa kuli Roho Mutakatifu a volanga, Lero ni mu va ni mu hulira mwoyo gwigwe,

⁸Mu ta dinnya myoyo gyenyu, kuli wa ga li mu lidiku lyelivihiridza, Kuli mu lidiku yilyo lyeligeridzwa mu kyangalangwi,

⁹Ha vadada venyu va ng'enda ni va ngeridza, Nokulola miyinzi gyange mihiga makumi gane.

¹⁰Kigira yaga nda vihirirwa likula yili, Kandi nda vola, Kazozo va kyama mu myoyo gyavo; Kigira yaga si va manya tsinzira tsyange;

¹¹Kuli wa ndisuha mu livihirirwa lyange Si va lingira mu bwelemeridzi bwange.

¹²Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

¹³Navutswa mu tsuvane avene navene kazozo, inyinga yelilangwa Lero; gase mulala ku mwinye a la kolwa mudinyu nobugadi bwobwo ni.

¹⁴Kigira ku gwiye avasangi ku Kristo, ni ku va ni ku gumira ligali li tanga lyobuluviriri bwetu kuduka ku kiheri.

¹⁵Inyinga ya ga volangwa Lero ni mu va ni mu hulira mwoyo gwigwe, Mu ta dinnya myoyo gyenyu kuli mu lidiku lyelivihiriridza.

¹⁶Kigira ni bwaha va vihiriridza lwa va hulira? Si va li yavo vosi ava Musa yimirira kutwula Egepeti

¹⁷Kandi ni bwaha ava ya vihirirwa mihiga makumi gane? Si va li yavo ava kola ubwoni, avemibiri gyavo gya gwa mu kyangalangwi?

¹⁸Ka ndi ni bwaha ava yisuhira, va tingira mu bwelemeridzi bwibwe, si va li yavo ava vula kuhulira?

¹⁹Kandi ku lola si va nyala kwingira kigira livula kusuuvira.