Read lulogooli 1 Yohana 1 Bible Online

1 Yohana 1 - lulogooli bible

1 Yohana 1

¹Yili lya li mu litanga, lya kwa hulira, ni ku lola netsimoni tsyetu, lya kwa henza, na makono getu ga hamba ku Inkuva yelivamwoyo

²(kandi livamwoyo lya lolekidzwa, na kwinye kwa lola, kandi kwa lolekidza, ni ku mwilwadzira livamwoyo, yili li ta hera mba, lya li na Dada, halala ni li lolekidzwa ku kwinye);

³lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

⁴Kandi ku ng'oda vindu yivi, ubuyanzi bwenyu bwizule.

⁵Yaga namakuva ga kwa hulira kuye, naga ku mwilwadzira, Nyasaye a veye bulavu, kandi si a veye nekisundi muye kali hakuzu.

⁶Ni ku va ku vola ku veye nelisanga naye na ku genda mu kisundi, ku veha kandi si ku kola ageligali mba:

⁷navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

⁸Ni ku vola si ku veye nobwoni, kwigadidza, nageligali si ga veye mu kwinye.

⁹Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.

¹⁰Ni ku vola si kwa kola ubwoni, ku mu kola a ve mubehi, kandi likuva lilye si li veye mu kwinye.