Read lulogooli Vakalagi 12 Bible Online

Vakalagi 12 - lulogooli bible

Vakalagi 12

¹Navasatsa va Efiraim va vugana halala, nokutsia ku luvega lwa kasikasini; na va volera Jefetha Kigira ki wambuka nokutsia kulwana navana va Amon, na wa vula kulanga kwinye kutsia halala nive? Ku la samba inyumba yoyo igulu wowo nomuliru.

²Na Jefetha ya va volera, Inze navandu vange kwa li nelihing'ana linene navana va Amonna lwa nda langa mwinye, mwa vula kumbonnya mmukono gwavo.

³Na lwa nda lola mwinye mu vuli kumbonnya, nda gumira livamwoyo lyange, na ndambuka nduke kulwana navana va Amon, na Yahova ya va vika mmukono gwange: kunangwa kigira ki mu duka ku inze lero kulwana ninze?

⁴Hene yaho Jefetha ya vungidza avasatsa vosi va Gileadi, nokulwana na Efiraim; navasatsa vosi va Gileadi va kuya Efiraim, kigira va vola, Mwinye Vagileadi mu veye aviruki va Efiraim hagati ha Efiraim, na hagati ha Manase.

⁵Na Vagileadi va vugula tsinyambuku tsya Yordani ku luvega lwa Vaefiraim. Na hene yaho, aviruki va Efiraim mulala kuvo ya vola, Ndeka nyambuke, avandu va Gileadi va mu volera, Ive u veye Muefiraim? Na a va na a vola, Auwa;

⁶va mu volera Kalunu vola Shibolethu; naye ya voia Sibolethu; kigira si a nyala kulomba munwa gwigwe kuvola likuva yili bulahi: hene yaho va mu gumira, nokumwiitira ha tsinyambuku tsya Yordani. Na va gwa inyinga yeyo avandu tsielfu makumi gane na tsiviri ava Efiraim.

⁷Na Jefetha ya kalaga mu Israeli mihiga gyitano na mulala. Na Jefetha Mugileadi ya kudza, na a tebwa mu lidala lilala lya Gileadi.

⁸Lwenyima kuye Ibizan wa Bethlehemu ya kalaga mu Israeli.

⁹Naye ya li navana vayai makumi gavaka; navakana makumi gavaka na ya va tuma kutsia ahandi, na a letera avana veve vayai avakali makumi gavaka kutwula ahandi. Na ya kalaga mu Israeli mihiga gyitano na gyiviri.

¹⁰Na Ibizan ya kudza na ya tebwa ha Beth-lehemu.

¹¹Inyima wa uyu, Elon Muzebuloni ya kalaga mu Israeli; na ya kalaga mu Israeli mihiga likumi.

¹²Na Elon Muzebuloni ya kudza, na ya tebwa mu Aijalon mu kivala kya Zebuloni.

¹³Inyima wa uyu, Abidon mwana wa Hileli Mupirathon ya kalaga mu Israeli.

¹⁴Na ya li navana avayai makumi gane, navisukuli veve avayai makumi gavaka, ava nina ku vimoli vyetsisukiri vya li makumi gatano na gaviri: naye ya kalaga mu Israeli mihiga gyitano na gyivaka.

¹⁵Na Abidon mwana wa Hileli Mupirathon ya kudza, na ya tebwa mu Pirathon mu kivala kya Efiraim, mu kivala kyevigulu kya Vaamaleki.