Read lulogooli Vakalagi 17 Bible Online

Vakalagi 17 - lulogooli bible

Vakalagi 17

¹Ya li ho mundu musatsa wekivala kyevigulu vya Efiraim, wa langwa Mika.

²Naye ya volera mama wewe, If etha elfu ne mia indala tsya wa nyagwa, tsya wa laamira, nokuvola mu matu gange, henza ifetha i veye ninze; nda tsi vugula. Na mama wewe ya vola, Yahova a ku gasidze mwana wange.

³Naye yiranyira mama wewe ifetha elfu ne mia indala; namama wewe ya vola, Ligali nda vika ifetha i ve yokugima Yahova i twuli mmukono gwange i ve yomwana wange, kulomba kifwananyi kyokuvadzwa, nekifwananyi kyoku tulwa: kalunu kigira yaga nda yiranyira ive.

⁴Na lwa yiranya ifetha ku mama wewe, mama wewe ya l vugula tsifetha tsimia tsiviri, na a ha umusidza wokutula ifetha, naye ya tanga kulomba kifwananyi kyokuvadzwa nekifwananyi kyokutula: ne kifwananyi zana kya li mu inyumba ya Mika.

⁵Nomundu uyu Mika ya li nenyumba ya vanyasaye, na ya lomba kisibao kilala, nevifwananyi, na ya vika mulala ku avana veve, a ve musalisi wewe.

⁶Mmadiku yago si ha li nomwami mu Israeli: na va kola sa mulala aga ya lola kuva bulahi imbiri wetsimoni tsitsye.

⁷Na ya li ho musoleli mulala wa twula Beth-lehemu-yuda, ku viko va Yuda, na a veye Mulevi; na ya menya ho mugeni.

⁸Na mundu uyu ya twula mu lidala lya Beth-lehemu-yuda, a duke kumenya mumenya ha a lola ubugono; naye ya duka mu kivala kyevigulu kya Efiraim ku inyumba ya Mika, mu lugendo lwilwe.

⁹Na Mika ya mu teva, U twula haliha? Naye ya mbolera, Inze no Mulevi wa Bethlehemu-yuda, na ntsitsanga kumenya mumenya ha nnyola ubugono.

¹⁰Na Mika ya mbolera, Menya halala ninze, na u ve ku inze dada nomusalisi, na nda ku ha if etha likumi muhiga nomuhiga, nengubo yo kwivika, novyokulia. Kunangwa Mulevi yingira.

¹¹Na Mulevi ya bugirira kumenya nomundu uyu: nomusoleli uyu ya li kuye kuli mulala ku avana veve.

¹²Na Mika ya vika Mulevi, nomusoleli uyu ya duka kuva musalisi wewe, na ya li mu inyumba ya Mika.

¹³Na Mika ya vola, Kalunu mmanya Yahova a la nkolera bulahi, kigira mbeye no Mulevi kuva musalisi wange.