Read lulogooli Yudasi 1 Bible Online

Yudasi 1 - lulogooli bible

Yudasi 1

¹Yudasi, mutugwa wa Yesu Kristo, amwavo wa Yakobo, ibaruula yange yiyi i duke ku va langwa ava yanzangwa mu Nyasaye Dada, ava lindirangwa Yesu Kristo:

²Tsimbabasi tsi ve ku mwinye kandi mirembe nobuyanzi bu medeke.

³Avayanze, lwa nda kola ubugulu bwosi kumung'odera amakuva gobuhonnyi bwa ku sangi, nda nigwa kumung'odera kumutsuva mu lwanire budinyu lisuuvira lya vatakatifu va hebwa lulala.

⁴Kigira ha veye navandu valala ava seta kwingira galaha, ava tanga kung'oderwa likalagirwa yili, ava vula kutia Nyasaye, ava girunkannya tsimbabasi tsya Nyasaye wetu tsi duke kuva kifwabwi, avambakana nga Munene wetu muderwa naye no Mwami wetu Yesu Kristo.

⁵Kalunu nyenya kwidzulitsa mwinye kali mu manya vindu vyosi lulaia vutswa, kuli Mwami inyinga ya mala kuhonnya avandu va twula mu kivala kya Egepeti, inyima ya dividza ava vula kusuuvira.

⁶Kandi tsingelosi ava vula kulinda liva lyavo lyokutanga, navutswa va leka ubumenyo bwavo avene, a va lindanga mu libofwa lyamadiku gosi, mu kisundi kuduka mu likalagirwa lyelidiku linene yilyo.

⁷Kuli Sodoma na Gomora, namadala yago ga li ahimbi nago, lwa va mali kwivika mu litsia mbakana, nokulonda mibiri gyindi, kufwana yago, aga vikeywi habulavu ga ve kyokuhenzera ku mu busaliri bwomuliru bwemihiga nemihiga.

⁸Navutswa yava, ku lugano lulala mu maloto gavo, vono nyanga mubiri, nokulega ubwami nokunyega agobukumi.

⁹Navu tswa Mikaeli ingelosi munene, lwa ya hing'ana na Setani nokuhangali dzana naye ku mubiri gwa Musa, si ya luvirira kuleta kuye likalagirwa lyamanyego, navutswa ya vola, Mwami a ku gaye.

¹⁰Navutswa yava va nyeganga vindu ku vyosi vya va ta manya: kandi yivyo vya va manyanga mu liva lyavo, kuli tsinyama tsi ta li nobugeeri, mu vindu yivi vononnyirangwa mu.

¹¹O bayaye bu ve kuvo kigira va londa inzira ya Kaini, nokunyagulira ligali lihyolo lya Balaam kigira madanyi, nokudiva mu bwebaali bwa Kora.

¹²Yava va veye amagina gobuhimwa mu lilia lyenyu lyobuyanzi, inyinga va litsanga halala nemwinye, avayi aviyayanga avene bugira ubutii: kandi va veye amalesi ga ta veye namadzi, agembuudza i hilanga; kandi va veye misala gyenyinga amatu ga halulukanga, gyi ta veye namakuyu, misala gya kudza hali kaviri, nokwifwa ligali;

¹³kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.

¹⁴Kandi uyu Enoka, u kola katano na kaviri inyima wa Adamu, ya profeta kuvo, na a vola, Henza, Mwami yadza nelihe lilye lye tsielfu likumi litaka tifu,

¹⁵a kole likalaga ku vosi nokulang'aminya vosi ava vula kutia Nyasaye kigira miyinzi gyavo gyosi midamano gya va kola, ku livula kutia Nyasaye, kandi kigira vindu vyosi vidinyu vya voni va vula kutia Nyasaye va volanga kuye.

¹⁶Yava nivo avamonyi naviliriri, ava gendanga kuli likayirwa lyavo avene (minwa gyavo gyi volanga amakuva manene naga vimbanga), velidzanga avandu kigira linyola kindu.

¹⁷Navutswa mwinye, avayanze, mwidzulitse amakuva ga vatumwa vo Mwami wetu Yesu Kristo, va tanga kuvola;

¹⁸va volera mwinye amakuva yaga, mu tsinyinga tsyekiheri va la va ho avekihenyahenye ava gendanga kuli likayirwa lyobwebaali bwavo avene.

¹⁹Yava nivo ava letanga lyavul ana, avomubiri, ava ta li na Roho.

²⁰Navutswa mwinye, avayanze, mu lyeyombaka mu lisuuvira lyenyu litakatifu nomu lisaala mu Roho Mutakatifu

²¹mwelinde mu buyanzi bwa Nyasaye, nokuhenzerera tsimbabasi tsyo Mwami Yesu Kristo kuduka ku livamwoyolyemihiganemihiga.

²²Navutswa ku valala avahayahayidzanga mu va vere tsimbabasi;

²³navandi mu va honnye nokuvatwulidza mu muliru; navandi mu va vere tsimbabasi nobutii; mu dunyire kali tsingubo tsi veye netsimbala tsvomubiri.

²⁴Kalunu ku uyu u nyala kulinda mwinye mu vule kwikigitala, nokumusingeridza imbiri wobukumi bwibwe bugira imbala mu buyanzi ubunene,

²⁵ku uyu a veye Nyasaye yeng'ine Muhonnyi wetu, kigira Yesu Kristo Mwami wetu, vi ve kuye ubukumi nobunyali netsingulu nelinyala imbiri wetsinyinga tsyosi, kandi kalunu, kandi kuduka imihiga nemihiga. Amini.