Read lulogooli Likunula 17 Bible Online

Likunula 17 - lulogooli bible

Likunula 17

¹Mulala ku tsingelosi vatano na vaviri ava li nevituva vitano na viviri, yadza na a volerana na inze, na a vola, Hamba yinu, nda ku mannya likalagirwa lyowamalaya manene wikaye ku madzi manyingi;

²wavami velirova va heya naye, nava menya mu lirova va hambikidzwa newaini yobuheyi bwibwe.

³Ya mbilira mu Roho kuduka mu kyangalangwi: kandi nda lola mukali ni yikaye ku inyama inzakanyu, yizula ameta gamanyego, yemitwe gyitano na gyiviri netsinziga likumi.

⁴Kandi mukali ya vikwa ingubo yeligondo lyekiforosadi nenzakanyu, hokulombwa nethahabu namagina malahi nelulu, kandi ya li nekikombe kyethahabu mu mukono gwigwe, kizula vivihiriridzi, yivi vi veye vindu vyekifwabwi kyobuheyi bwi bwe,

⁵kandi mu bweni bwibwe ya li nelieta li ng'odeywi ndi, KIVl SEYWI, BABULONI MUNENE, NNYA WAVAHE YI KANDI WEVIVIHIRIRIDZI VYELIROVA.

⁶Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.

⁷Kandi inge losi ya mbolera, Kigira ki wa genya? Nda ku volera kiviseywi kyomukali uyu, nekyenyama ya mu ginga, i veye nemitwe gyitano na gyiviri, netsinziga likumi.

⁸Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.

⁹Hano ha veye nomwoyo gu veye nobugeeri. Mitwe gyitano na gyiviri gyi veye vigulu vitano na viviri vyomukali yikala ku:

¹⁰kandi va veye avami vatano na vaviri; vatano va mali kugwa, mulala a veye ho, nowundi a kikiri kuduka; lwa a li duka ga mu dukira a menye inyinga inkekeke.

¹¹Kandi inyama ya li ho, kandi si a veye ho, uyu niye wa vatano na vavaka, kandi a veye ku yava vatano na vaviri; kandi a tsitsanga mu lidiva.

¹²Kandi tsinziga likumi tsya wa lola tsi veye avami likumi, ava kikiri kunyola ubwami, navutswa va hebwangwa tsingulu kuli avami halala noyu inyama, inyinga yesaa indala.

¹³Yava va veye nomwoyo mulala, kandi va ha inyama linyala lyavo netsingulu tsyavo.

¹⁴Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

¹⁵Kandi ya mbolera, Amadzi aga wa lola, howamalaya yikala, ga veye avandu, neviduma, netsihiri, netsinimi.

¹⁶Kandi tsinziga likumi tsya wa lola, kandi uyu inyama, yava va la dunyira wamalaya, kandi va la mu dalidza, nokumukola mwere, kandi va la lia inyama yomubiri gwigwe, kandi va la mu samba ligali nomuliru.

¹⁷Kigira Nyasaye ya vika mu myoyo gyavo kukola ubu laliri bwibwe, nokukola imbulirani avene navene nokuha uyu inyama ubwami bwavo, kuduka amakuva ga Nyasaye ga dukidzwe.

¹⁸Kandi mukali wa wa lola a veye lidala linene zana, li veye nobwami ku vami velirova.