Read lulogooli Likunula 18 Bible Online

Likunula 18 - lulogooli bible

Likunula 18

¹Inyima wevindu yivi nda lola ingelosi wundi yika kutwula migulu, wetsingulu tsinene; kandi lirova lyosi lya lavidzwa nobukumi bwibwe.

²Kandi ya hanzuka no mwoyo gwetsingulu, na a vola, Babuloni linene, li gwiye, li gwiye, nokugwa kivuganiru kyamademone, habuhambe bwa roho gyosi mudamano, nobuhambe bwamanyonyi madamano na gokuvihiririhidza.

³Kigira tsihiri tsyosi tsi gwiye kigira iwaini yobuheyi bwalyo; kandi avami velirova va heye nalyo, kandi avelirova ava kolanga likirannya va kolwa avatugi ku tsingulu tsyelivula kwiigalira lyalyo.

⁴Kandi nda hulira mwoyo gundi gu twula migulu, gu vola, Avandu vange mu twule mulyo, mu vule kuva nelisanga nalyo mu bwoni bwalyo, kandi mu vule kuvugula ku liduywa lyalyo:

⁵kigira ubwoni bwalyo bu vungi kuduka migulu, kandi Nyasaye yidzuliye ubudamano bwalyo.

⁶Li hebwe kuli lya haana, kandi mu li he hali kaviri kuvita miyinzi gyalyo: mu kikombe kya lya tsukannya mu li tsukannyire mu hali kaviri.

⁷Ku liidzominya lyalyo, noku limenya lyalyo bugira kwilinda, mu li he ubusaliri neliverera kule ng'ana na yaga: kigira livola mu mwoyo gwalyo, Inze mmenya mu bwami, kandi si mbeye mukunzakali, kandi si nda va neliverera kali hakuzu.

⁸Kigira yaga liduywa lyalyo li la duka ku lidiku lilala, nalyo li veye likudza, neliverera nenzala; kandi li la sambwa nomuiiru ligali; kigira Mwami Nyasaye wa li kalagira a veye netsingulu.

⁹Kandi avami velirova, ava heya naye nava menya naye bugira kwiigalira, va la lira nokusyoma inyinga va lola mwoki gwelisambwa lyalyo,

¹⁰va singiye ihale kigira ubutii bwobu saliri bwalyo, ni va vola, O bayaye bayaye, lidahl linene, Babuloni, lidala lyetsingulu kigira ku isaa indala likalagirwa lilyo li duki.

¹¹Kandi avakirannyi velirova va liranga nokulisyomera, kigira si ha veye nomundu kandi u gula vindu vyavo;

¹²vindu vyethahabu, nevyefetha, nevyamagina malahi, nevyalulu, nevyetsingubo tsyekatani inda hi, nevyekiforosadi, nevyetsingubo tsinzesereru, nevyetsinzakanyu; nevyemisala gyosi gyi funya mwayu, kandi viju vyosi vya lombwa amino genzogu, kandi viju vyosi vya lombwa nomusala mulahi ligali, nevyomugasa, nevyekivya, nevya marimari;

¹³nevyomudalasini, nevyaliki, nevyekimuli, nevyamaguta, nevya ubani, nevyaiwaini, nevyamaguta, nevyobusie bunyuki, nevyengano, nevyetsing'ombe, nevyamagondi, nevyetsiparasi, nevyamagari gobulwani, nevyavatugwa, nevyemyoyo gyavandu.

¹⁴Kandi makuyu gomwoyo gugwo gwa kayirangwa ga twuli ku ive, kandi vindu vyosi vyobunolu nevyobulahi vi divi kutwula ku ive, kandi avandu si va li vi nyola kandi mba.

¹⁵Avakirannyi vevindu yivi ava lya kola avatugi, va la singira ihale kigira ubutii bwobusaliri bwa lyo nokulira nokusyoma;

¹⁶ni va vola, O bayaye, bayaye, lidala linene yilyo, lya vikwa tsingubo tsyekatani indahi, netsyekiforosadi, netsinzaka nyu, nokulombwa nethahabu, na magina malahi, na lulu

¹⁷kigira ku isaa indala ubutugi ubunene ndi bu koleywi hatswa. Kandi avanene vosi vobwato kandi vosi avelemanga nobwato hosi, navamadzi, navosi ava nyola vindu vyavo ku inyanza va singira ihale,

¹⁸kandi va hanzuka lwa va lola mwoki gwelisa mbwa lyalyo, ni va vola, Lidala ki li veye kuli lidala linene yili?

¹⁹Kandi va vika uluguki ku mitwe gyavo, ni va hanzuka ni va lira nokusyoma, ni va vola, O bayaye, bayaye, lidala linene, mulyo vosi ava li nobwato bwavo ku inyanza, va kolwa avatugi kigira ubulahi bwalyo kigira ku isaa indala li koleywi hatswa.

²⁰Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

²¹Kandi ingelosi wetsingulu ya ginga ligina kuli lugina lunene, na a li ta mu inyanza, na a vola, Ndi neligwa linene Babuloni lidala linene li la tebwa hasi, kandi li la vula kuloleka ligali kandi.

²²Kandi myoyo gya va kupanga ubukana, navi mbanga tsinyimbu, na va kupanga malere, na va kupanga kisiliva, si gyi li hulirwa mu ive kandi mba; kandi avasidza vosi, ku busidza bwosi, si va li loleka mu ive kandi mba; kandi mwoyo gwolugina si gu li hulirwa mu ive kandi mba;

²³kandi ubulavu bwetaya si bu lyaaka mu ive kandi mba; nomwoyo gwosereye nogwomwiha si gu li hulirwa mu ive kandi mba; kigira ava kirannyanga mu ive va li avanene velirova; kigira tsihiri tsyosi tsya gadwa nobukumu bubwo.

²⁴Kandi amasahi gavaprofeti nagavatakatifu naga vosi aviitangwa ku lirova, ga loleka mulyo.