Read lulogooli 1 Samweli 17 Bible Online

1 Samweli 17 - lulogooli bible

1 Samweli 17

¹Ma Vafilisiti va vungidza amahe gavo va duke kulwana; na va vunga halala ha Soko, ha veye lidala lya Yuda, na va singeridza mahema gavo hagati ha Soko na Azeka, mu Efesi-damim.

²Na Saulo navandu vosi va Israeli va vugana halala, na va singeridza mahema gavo mwivona lya Ela, na va lomba amahe kulwan a na Vafilisiti.

³Na Vafilisiti va singira mu kigulu ku luvega yilu, na Israeli va singira mu kigulu ku luvega yilu: na ha zana ha li ne livona hagati.

⁴Nomundu mulala muluviriri ya twula mu mahema ga Vafilisiti, wa langwa Goliati, wa Gathu, nobutambi bwibwe bwa li ligera lya makono gatano nomulala nalyekigalo kilala.

⁵Naye ya li negudwa yo mugasa ku mutwe gwigwe, naye ya vika likoti lyomugasa; buliduhu bwalyo bwa duka tsishekeli tsielfu tsitano tsyomugasa.

⁶Naye yivika umugasa ku virenge vivye, nelitimu lyomugasa hagati ha mavega gege.

⁷Noluvango lwelitumu lilye lwa li kuli musala gwo muluguyu nobuliduhu bwekivya kyelitimu lilye bwa duka tsishekeli tsimia tsitano na indala tsyekivya: na wa ginga ingavo yeye yimira imbiri wewe.

⁸Naye ya singira ni yanira amahe ga Israeli, na a va volera, Kigira ki mwinye mu twulanga nokulomba ubulwani bwenyu? Inze si mbeye Mufilisiti, na mwinye avatugwa va Saulo? Mwetovolere mundu, naye yike ku inze.

⁹Na a va na a nyala kulwana ninze, nokunziita, hene yaho ku la va vatugwa venyu; navutswa inze ni mba ni nguuta uyu, nokumwiita, hene yaho mu la va vatugwa vetu, nokukutumekira.

¹⁰Na Mufilisiti uyu ya vola kandi, Henza, ndegi amahe ga Israeli lero; mu mbe mundu, ku duke kulwana halala.

¹¹Na lwa Saulo na Israeli vosi va hulira makuva yaga ago Mufilisiti, va timuka enkolo, ni va tia ligali.

¹²Kunangwa Daudi ya li mwana wa Muefarathi wa Beth-lehemuyuda, lieta lilye lya li Jesse; naye ya li navana vatano na vavaka avayai: na uyu ya li musakulu mu madiku ga Saulo, u emihiga minyingi mu avandu.

¹³Avana vanene avavaka ava Jesse va li ni va londi Saulo mbulwani: nameta gavana veve vavaka ava tsia mbulwani ni yaga: Eliabu wokutanga, wa kaviri Abinadabu, na wa kavaka Shama.

¹⁴Na Daudi a veye muke ku vosi; navanene vavalia yava va londa Saulo.

¹⁵Na Daudi ya li ni ya tsia no kwirana kutvvula ku Saulo, a duke kwaya magondi ga dada v ewe ha Beth-lehemu.

¹⁶Na Mufilisiti uyu yisunda himbi mugamba nomugolova, nokwelolekidza madiku makumi gane.

¹⁷Na Jesse ya volera Daudi mwana wewe, Kalunu u vugulire avamwavo vovo kihinda kyamaduma masambe, netsimango likumi, u tsie navyo bwangu ku mahema ku vamwavo vovo;

¹⁸kandi u vugule tsimango likumi tsyetsinkonye tsyominywa u hile ku munyampara wa elfu yavo, u lole avamwavo vovo va veye ndi, na va ku he litivula.

¹⁹Ma Saulo na yavo, navasatsa vosi va Israeli, va li mu livona lya Ela, na va lwananga na Vafilisiti.

²⁰Na Daudi ya vuka mabwebwe, na a leka magondi mmukono gwomulindi wago, na ya vugula vindu yivyo, na a tsia kuli Jesse ya mu laga; na ya duka ha magari, na inyinga yelihe lya li ne li veye ku bulwani lya kupa uluku lwobulwani.

²¹Na Israeli na Vafilisiti va tanga kulwani, lihe yili kuhenzana nelihe yili.

²²Na Daudi ya leka viju vivye mmukono gwomulindi weviju, na ya nyagula kutsia ha lihe lyavasikari, na ya tsia na a chelidza avamwavo veve.

²³Na lwa ya volerana navo, henza, ya twulira muluviriri, Mufilisiti wa Gathu, wa langwa Goliati, ya twula mu tsimbaso tsya Vafilisiti, na ya vola makuva kuli yaga: na Daudi ya ga hulira.

²⁴Avasatsa vosi va Israeli, lwa va lola mundu uyu, va mwiruka, ni va tia ligali.

²⁵Na vasatsa va Israeli va vola, Mu loli mundu u twuliye uyu? Iigali u twuliye a duke kulega Israeli: na ga la va, omundu na a va na a mwiita, mwami a la mu tugidza nobutugi ubunene, na a la mu ha mukana wewe, na a la kola inyumba ya dada wewe i ve imboholole mu Israeli.

²⁶Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

²⁷Navandu va tivula kuli miima yigyi, ni va vola, Ni ndiyo a la kolerwa mundu uyu u nyala kumwiita.

²⁸Na Eliabu amwavo wewe munene ya hulira lwa ya volerana navandu; nobutima bwa Eliabu bwaaka ku Daudi, na ya vola, Kigira ki ive u sulunguta? Namagondi makekeke u ga leki mmukono gwa bwaha mu kyangalangwi? Mmanya luyai lulwo, nobudamano bwomwoyo gugwo; kigira u sulunguti, u duke kulola ubulwani.

²⁹Na Daudi ya vola, Nkoli ki kalunu? Si ha veye nekivune?

³⁰Na ya girunkana na a mu leka na a henza ku mundu wundi naye ya vola ku lugano zana: navandu yavo va mu tivulira kandi kuli miima gyokutanga.

³¹Namakuva ga Daudi ya vola, lwa ga hulirwa, avandu va ga vola kandi imbiri wa Saulo: naye ya tuma mundu kumulanga.

³²Na Daudi ya volera Saulo, Ku vosi mundu a ta kudza mwoyo mba kigira uyu; inze mutumekiri wowo nda tsia kulwana no Mufilisiti uyu.

³³Na Saulo ya volera Daudi, Ive si u nyala kutsia ku Mufilisiti uyu, u lwane naye; kigira ive u veye mwana vutswa, naye a veye umundu wobulwane kutwula bwana bwibwe.

³⁴Na Daudi ya volera Saulo, Inze mutumekiri wowo nda li nindanga magondi gadada wange; na lwa king'ang'a kya duka, kinga iduba, nokugumira kimeme kyeligondi mu kyayo,

³⁵inze nda ki londa, nokukikuya, nokuhonnya kimeme kyeligondi mmunwa li gwakyo, na lya kya ntuumira, nda ki gumira kisuli, nokukikuya, nokukiita.

³⁶Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.

³⁷Na Daudi ya vola, Yahova uyu wa mbonnya ku mukono gweking'ang'a, na gwa iduba a la mbonnya ku mukono gwo Mufilisiti uyu. Kunangwa Saulo ya volera Daudi, Ka tsie, na Yahova a la va halala nive.

³⁸Na Saulo ya vika Daudi vyuma vivye, na a mu vika igudwa yomugasa ku mutwe gwigwe, nelikoti lyomugasa.

³⁹Na Daudi yeboha kivavi ku vyuma igulu, na ya geridza kutsia; kigira ya li na a kikiri ku vi geridza. Na Daudi ya volera Saulo, Inze si nyala kutsia nevindu yivi, kigira nkikiri kuvigeridza. Ma Daudi ya vi navula.

⁴⁰Na ya vugula impimbo yeye mmukono gwigwe, na ya tovola magina gatano amaterere mu mugera, na a ga vika mu kiju kikye kyokwaya kya ya li nakyo, kali imuya yeye; nolukova lwilwe lwokulasa lwa li mmukono gwigwe: na yisunda himbi ku Mufilisiti.

⁴¹Na Mufilisiti yisunda himbi ku Daudi; nomundu wa mu gingira ingavo yimira imbiri wewe.

⁴²Na lwa Mufilisiti ya henza yiyi na yiyi ya lola Daudi, na a mu lega; kigira ya li musoleli vutswa, mwakanyu, noweligondo lilahi.

⁴³Na Mufilisiti ya volera Daudi, Inze mbeye imbwa, ive udzanga ku inze nempimbo? Mufilisiti ya nyega Daudi ku vanyasaye veve.

⁴⁴Mufilisiti ya volera Daudi, Hamba ku inze, na nda ha amanyonyi gombwerefu inyama yomubiri gugwo, noku tsinyama tsyo mwigendanyama.

⁴⁵Hene yaho Daudi ya volera Mufilisiti, Ive udzanga ku inze nekivavi, nelitimu, nengavo: navutswa inze ntsitsanga ku ive mu lieta lya Yahova wa mahe, Nyasaye uyu wa mahe ga Israeli, wa u legi.

⁴⁶Ku lidiku lya lero yili Yahova uyu a la ku vika mmukono gwange; na nda ku duya, nokutwulidza ku ive mutwe gugwo; na inze lero nda ha manyonyi gombwerefu na tsinyama tsindulu tsyekivala mibiri gyelihe gya Vafilisiti; lirova lyosi li duke kumanya Nyasaye a veye mu Israeli,

⁴⁷neviduma yivi vyosi vi duke kumanya Yahova si a honnyanga nekivavi nelitimu: kigira bulwani nobwa Yahova, naye a la mu vika mu makono getu.

⁴⁸Na ga duka, lwa Mufilisiti ya singira, na a tsia, nokwisunda ahimbi kwagana na Daudi, na Daudi ya kola bwangu, na a nyagula kuhenza ku lihe a duke kwagana no Mufilisiti.

⁴⁹Na Daudi ya vika mukono gwigwe mmuya, na a twulidza ligina, na a li lasa, na lya duya Mufilisiti mmbweni; na ligina zana lingira mmbweni, naye ya gwa mammama.

⁵⁰Na ndiyo Daudi ya guuta Mufilisiti nolukova neligina na ya duya Mufilisiti na a mwiita; navutswa Daudi si ya li nekivavi mmukono gwigwe.

⁵¹Ma Daudi ya nyagula, na a singira ku Mufilisiti, na a vugula kivavi kikye, na a ki somola mu Iwula, na a mwiita, na a mu kalaga mutwe nekivavi zana. Na lwa Vafilisiti va lola muluviriri wavo u mali kukudza, viruka.

⁵²Na vasatsa va Israeli na va Yuda va singira, ni va kupa luku, ni va londa Vafilisiti, kuduka Gai, nokuduka viribwa vya Ekiron. Na Vafilisiti ava kuywa tsing'oma va gwa kutondekana ku inzira, kuduka Shaaraim, nokuduka Gathu, na Ekiron.

⁵³Navana va Israeli virana kutwula ku lilonda Vafilisiti, na va lanya vilanye mu hokusosa havo.

⁵⁴Na Daudi ya vugula mutwe gwo Mufilisiti, na a gu leta Yerusalemi; navutswa vyuma vivye ya vi vika mu lihema lilye.

⁵⁵Ma Saulo lwa ya lola Daudi na a twula kutsia ku Mufilisiti, ya teva Abineri, wa li munene welihe, Abineri, uyu nomwana wa bwaha? Abineri ya vola, Kuli roho gugwo gu veye mwoyo, O mwami, si nyala kukuvolera.

⁵⁶Nomwami ya vola, U teve ni mwana wa bwaha musoleli uyu.

⁵⁷Na Daudi yirana kutwula kwiita Mufilisiti, na Abineri ya mu vugula, na a mu leta ku Saulo naye ya li nomutwe gwo Mufilisiti mmukono gwigwe.

⁵⁸Na Saulo ya mu teva, Ive u veye mwana wa bwaha, musoleli ive? Na Daudi ya tivula, Mbeye mwana womutumekiri wowo Jesse wa Beth-lehemu.