Read lulogooli 1 Samweli 21 Bible Online

1 Samweli 21 - lulogooli bible

1 Samweli 21

¹Kunangwa Daudi ya duka Nobu ku Ahimeleku musalisi: na Ahimeleku ya tsia kwaganira Daudi na a degera, na a mu teva, Kigira ki ive u veye weng'ine, na si u veye nomundu halala nive?

²Na Daudi ya volera Ahimeleku musalisi, Mwami u ndagi kyokukola, na u mboleye, Mundu kali mulala a vule kumanya kindu kilala kukyo kya nku tumi, na kya nda ku laga: na inze mmali kulaga avasoleli va tsie ha zana.

³Kunangwa kalunu u veye nekindu ki isi womukono gugwo? U mbe tsimango tsitano mmukono gwange, kinga ku vyosi kyo u veye nakyo hano.

⁴Nomusalisi uyu ya tivulira Daudi, na a mu volera, Si ha veye nobukima bwa kazozo isi womukono gwange, navutswa bu veye ho ubukima butakatifu; na vasoleli yava ni va ni vegaya ku vakali yaga geng'ine.

⁵Na Daudi ya tivulira musalisi, na a mu volera, Ligali kwa gaywa avakali kuli amadiku gavaka yaga; lwa nda tsia kyova, viju vya vasoleli yava vya li vitakatifu, kali ni lwa li lugendo lwa madiku gosi; nasindi lero viju vyavo vi la va vitakatifu?

⁶Ma umusalisi ya mu ha ubukima butakatifu; kigira ubuhima bwundi bwa vula kuva ho, ni bu ta li ubukima bwokumanyira, bwa twulidzwa imbiri wa Yahova, kuduka kuvika ubukima bwomuliru ku lidiku lya bwa twulidzwa.

⁷Ma mundu mulala ku vatumwa va Saulo ya li ho lidiku yili, ya lindidzwa yo imbiri wa Yahova; nelieta lilye lya langwa Doegu Muedom, ya li munene wavayi va Saulo.

⁸Na Daudi ya teva Ahimeleku, Si ha veye hano isi womukono gugwo litimu kinga kivavi? Kigira inze si ndeti kivavi kyange kinga vyuma vyange halala na inze, kigira inkuva yomwami yenyanga bwangu.

⁹Nomusalisi ya mu volera, Kivavi kya Goliati Mufilisiti, wa wiitira mwivona lya Ela, henza ki veye hano ki boheywi mu ingubo inyima wekisibao: nu u va nu u yanza kukivugula, u ki vugule; kigira si ha veye nekindi ni ki ta li yiki kyeng'ine. Na Daudi ya vola, Si a veye nekindi kuli yiki, u mbe.

¹⁰Ma Daudi ya singira, na yiruka lidiku yili kigira ya tia Saulo, na ya tsia ku Akishi mwami wa Gathu.

¹¹Navatumekiri va Akishi va mu volera, Uyu si a li Daudi, mwami wekivala? Si vimbirana mu bukinu bwavo, ni va vola Saulo yiita tsielfu tsitsye, Na Daudi tsielfu tsitsye makumi?

¹²Na Daudi ya vika makuva yaga mu mwoyo gwigwe, na ya tia ligali Akishi mwami wa Gathu.

¹³Ma ya girunkanya lugendo lwilwe imbiri wavo, na yekola kuva kuli wobulalu mmakono gavo, na a ng'oda ku miliangu gyekiribwa, namate gege ya ga leka ni ga tonya ku tsinderu tsitsye.

¹⁴Hene yaho Akishi ya volera avatumekiri veve, Henzi, mu lolanga umundu uyu a veye nobulalu: kigiraki mu mu leti ku inze?

¹⁵Va gehi ku inze avobulalu, kuduka mu leti kilombe yiki a lolekidze ubulalu bwibwe imbiri wange? Kilombe yiki ki lingira mu inyumba yange?