Read lulogooli 1 Samweli 30 Bible Online

1 Samweli 30 - lulogooli bible

1 Samweli 30

¹Na ga duka, lwa Daudi navandu veve va duka ha Ziklagu lidiku lya kavaka, Vaamaleki va li ni va yaki kivala kya luvega lwa Kusini, na ku lidala lya Ziklagu, navo va kuya Ziklagu, nokulisamba nomuliru,

²va li ni va vuguye vilanye avakali na vosi ava li mulyo, avakekeke na vanene: na si viita mundu kali mulala, navutswa va va lanya, ni va tsia.

³Na Daudi navandu veve lwa va duka ha lidala, henza, li sambeywi nomuliru; na vakali vavo, na avana vavo, avayai na vakana, va lanywa.

⁴Kunangwa Daudi navandu va li halala naye va ginga myoyo gyavo ni va lira, ni va luha, ni va vula kuva netsingulu kulira kandi.

⁵Navakali vaviri va Daudi va lanywa, Ahinoam Mujezireeli, na Abigaili mukali wa Nabali mu Karimeli.

⁶Na Daudi ya dambidzwa ligali; kigira avandu va vola, A laswe magina, kigira myoyo gyavandu vosi gya vereridzwa, sa mulala kigira avana vayai na vakana vavo: navutswa Daudi yeluviridza mwene mu Yahova Nyasaye wewe.

⁷Na Daudi ya volera Abiatharu musalisi, mwana wa Ahimeleku, Mwadza, u ndetere hano kisibao. Na Abiatharu ya letera Daudi kisibao.

⁸Na Daudi ya teva Yahova, na a vola, Ni mba ni nonda lihe yilyo, nda duka kuvagumira, naho? Naye ya mu tivulira, U li londe; kigira ligali u la va nyola, na u lirannya vyosi.

⁹Ma Daudi ya tsia, uyu navandu tsimia tsitano na indala ava li halala naye, na va duka ku mugera gwa Besori, ha yavo va lekwa inyima va menya.

¹⁰Navutswa Daudi ya dinya kutsia, uyu navandu tsimia tsine; kigira avandu tsimia tsiviri va tigala inyima, ava vula kuva netsingulu kwambuka mugera gwa Besori.

¹¹Ni va nyola Muegepeti mu kiguti, na va mu leta ku Daudi, na va mu ha ubukima, na a lagira, na va mu ha madzi na a nwa;

¹²na va mu ha kidonyi kvemango kyamakuyu, nevisakanyi viviri vyamazabibu: na lwa ya lia, mwoyo gwigwe gwa vuka muye kandi; kigira ya li na a ta litsanga vyokulia, kinga kunwa madzi, mbasu gyivaka nobudiku buvaka.

¹³Na Daudi ya mu teva, U veye mundu wa bwaha? Na u twula haliha? Naye a vola, Inze mbeye musoleli wa Egepeti, mutumekiri wa Muamaleki; na munene wange ya ndeka, kigira madikuu gavaka yaga nda lwala.

¹⁴Kwinye kwa yaka ku luvega lwa Kusini wa Vakerethi noku luvega lu veye miyandu gya Yuda, noku luvega lwa Kusini kva Kalebu; na kwa samba Ziklagu nomuliru.

¹⁵Na Daudi ya mu teva, U la nsulungutidza kuduka ku lihe yilyo? Naye ya vola, Nzisuhire ku Nyasaye, u la vula kunziita, kandi u la vula kumbika mmukono gwomunene wange, na nda ku sulungutidza kuduka ku lihe yili.

¹⁶Na lwa ya mu sulugutidza henza, va salanywa ku kivala kyosi, ni va lia ni va nwa, nokukina, kigira vilanye vyosi vinene vya va vugula kutwula mu kivala kya Vafilisiti, nokutwula mu kivala kya Yuda.

¹⁷Na Daudi ya va kuya kutwula isi ni mwama kali kuduka lidiku lindi mgolova: na si ha li nomulala kuvo wa hona, ni va ta li avasoleli tsimia tsine ava nina tsing'amia ni viruka.

¹⁸Na Daudi yirannya vyosi vya Vaamaleki va lanya; na Daudi ya honnya avakali veve vombi.

¹⁹Navo si va gehera kindu kali kilala, kikekeke kinga kinene, avana vayai kinga avana vakana, kinga kilanye, kinga ku vyosi vya va vugula kutsia navyo: Daudi ya vi leta vyosi.

²⁰Na Daudi ya vugula vyayo vyosi, na tsing'ombi tsya vimeridza ku tai ndi, na a vola, Yivi vilanye vya Daudi.

²¹Na Daudi ya duka kuvo ava li tsimia tsiviri, ava vula kuva netsingulu kulonda Daudi, ava ya leka va menye ha mugera gwa Besori; navo va twula kuvugana na Daudi, nokuvugana navandu ava li halala naye: na Daudi lwa ya duka himbi kuvo ya va chelidza.

²²Hene yaho avadamano vosi navayingwa vosi, mu yavo ava tsia halala na Daudi, va vola, Kigira avandu yava va vula kutsia halala nekwinye, si ku la va ha kindu kali kilala ku vilanye vya kwa nyola, ni ga ta li sa mulala a la hebwa mukali wewe na avana veve, va duke kuvavugula va tsie.

²³Hene yaho Daudi ya vola, Auwa, si mu la kola ndiyo, avamitu, ku yivyo vya Yahova a ku heye, u veye mkonyi wetu, wa ku vikira mmakono getu lihe lyavo ava ku yaka.

²⁴Ni bwaha a la hulira mwinye ku inkuva yiyi? Kigira kuli kidieli kya uyu wa sulunguta mu bulwani ki veye, na ndiyo ki la va kandi kidieli kya uvu u linda vindu: va la gavulirwa ku leng'ana.

²⁵Kunangn-a ga li ndivo kutwula lidiku yilyo nokutsia imbiri, ya li singeridza kuva lilaga na miirna mu Israeli kuduka lero.

²⁶Na lwa Daudi ya duka Ziklagu, ya hilira avakulundu va Yuda vindu vilala ku vilanye, ku valina veve, na a vola, Henzi, ndeta ku mwinye kihaanwa ku vilanye vya avasigu va Yahova:

²⁷ya hila ku yavo ava li mu Betheli, noku va li mu Ramothu wa Kusini, noku va li mu Jatiru,

²⁸noku yavo ava li mu Aroeri, na va li mu Sifimothu, noku yavo va li mu Eshitemoa,

²⁹noku yavo va li mu Rakali, noku yavo ava li mu madala ga Vajerahameeli, noku yavo ava li mu madala ga Vakeni,

³⁰noku yavo ava li mu Horma, noku yavo ava li mu Korashan, noku yavo ava li mu Athaki

³¹noku yavo ava li mu Hebironi nomu hosi ha Daudi mwene navandu veve va vodonkananga.