Read lumasaaba 1 Bye Kimiboolo 25 Bible Online

1 Bye Kimiboolo 25 - lumasaaba bible

1 Bye Kimiboolo 25

¹Dawudi atweela ni babaraangilila bye khukhwisaaya mu Lisaayilo, baaroborayo basoleeli ba Asafu, ba Hemani, ni ba Yedusuni, nga bano bali ni khuukhola buŋoosi nga baraambisa kamatuungu, biyilili, ni bye khuusakayisa. Luruungo lwabo babaaroborebwa khuukhola buraambi buno nibo bano:

²khu basoleeli ba Asafu baaba: Zakuri, Yusufu, Netaniya, ni Asarela. Asafu niye umweene abe uraangilila basoleeli beewe bano, nga bakhola kwe buŋoosi nga umuyiinga walakiile.

³Basoleeli ba Yedusuni baaba basesaba: Gedaliya, Zeri, Yeshaya, Shimeyi, Hashabiya, ni Matitiya. Yedusuni niye umweene abe uraangirira basoleeli beewe mu khukuukuula buurume bwa Wele nga baraambisa kamatuungu, nga basiima, naluundi nga baruuya Umukasya.

⁴Basoleeli ba Hemani baaba: Bukiya, Mataniya, Uzeli, Shebuweli, Yerimosi, Hananiya, Hanani, Eliyasa, Gidaliti, Romamitiyezeri, Yoshibekasha, Malosi, Hosiri, ni Mahaziyosi.

⁵Abano boosi baaba basoleeli ba Hemani, nga nibo babaakila niye wafuna shiriifwa. Hemani yuno abe ali umuŋoosi uw'omuyiinga. Wele awa Hemani yuno basoleeli likhumi na bane ni bakhaana bataru.

⁶Hemani paapa waabwe, niye umweene uwabaraangililatsaka mu bye kimyeenya mu Lisaayilo ly'Omukasya. Mu buraambi bwaabwe bwe mu Lisaayilo lya Wele abe baraambisa kamatuungu, biyilili ni bye khusakayisa. Abe bakhola shino ng'omuyiinga walakiile Asafu, Yedusuni, ni Hemani.

⁷Bukali bwaabwe atweela ni baalebe baabwe abe babaamala khaale khukhwiyika khukhweembela Umukasya buulayi bubweene, abe boola bitoondo bibili ni kamakhumi shinaane (280).

⁸Kila boosi bakhupa bukokha khu buraambi bwaabwe, nga mulimo baakhulu ni bafwiiti, be shiriifwa ni ba busheele, baleekeli ni n'abo beesi baleekela beene.

⁹Khaakokha khakhaanyoowa mu b'enda iya Asafu, khaarobora Yusufu. Khakhaakhola khabili khaarobora Gedaliya. Niye ni babandaaye ni babaana beewe abe bali likhumi na babili.

¹⁰Khe khaataru khaarobora Zakuri ni babaana beewe ni baalebe beewe, nga atweela bali likhumi babili;

¹¹khe khaane khu Iziri, ni babaana beewe ni baalebe beewe, nga atweela bali likhumi na babili;

¹²khe khaaraano khu Nesaniya ni babaana beewe ni baalebe beewe, nga atweela bali likhumi na babili;

¹³khe khaasesaba khu Bukiya, ni babaana beewe ni baalebe beewe, nga atweela bali likhumi na babili.

¹⁴Khe kumusaafu khu Yesharela, ni babaana beewe ni baalebe beewe, nga atweela bali likhumi na babili.

¹⁵Khe shinaane khu Yeshayiya, ni babaana beewe ni baalebe beewe, nga atweela bali likhumi na babili.

¹⁶Khe shisyeenda khu Mataniya, ni babaana beewe ni baalebe beewe, nga atweela bali likhumi na babili.

¹⁷Khe likhumi khu Shimeyi, ni babaana beewe ni baalebe beewe, nga atweela bali likhumi na babili.

¹⁸Khe likhumi na khatweela khu Azareli, ni babaana beewe ni baalebe beewe, nga atweela bali likhumi na babili.

¹⁹Khe likhumi na bubili khu Hashabiya, ni babaana beewe ni baalebe beewe, nga atweela bali likhumi na babili.

²⁰Khe likhumi na butaru khu Shubayeli, ni babaana beewe ni baalebe beewe, nga atweela bali likhumi na babili.

²¹Khe likhumi na bune khu Matisiya, ni babaana beewe ni baalebe beewe, atweela nga bali likhumi na babili.

²²Khe likhumi na buraano khu Yeremosi, ni babaana beewe ni baalebe beewe, nga atweela bali likhumi na babili.

²³Khe likhumi na busesaba khu Hananiya, ni babaana beewe ni baalebe beewe, nga atweela bali likhumi na babili.

²⁴Khe likhumi na musaafu khu Yoshibekasha, ni babaana beewe ni baalebe beewe, atweela nga bali likhumi na babili.

²⁵Khe likhumi na shinaane khu Hanani, ni babaana beewe ni baalebe beewe, nga atweela bali likhumi na babili.

²⁶Khe likhumi na syeenda khu Malosi, ni babaana beewe ni baalebe beewe, nga atweela bali likhumi na babili.

²⁷Khe kamakhumi kabili khu Eliyasa, ni babaana beewe ni baalebe beewe, nga atweela bali likhumi na babili.

²⁸Khe kamakhumi kabili na khatweela khu Hosiri, ni babaana beewe ni baalebe beewe, nga atweela bali likhumi na babili.

²⁹Khe kamakhumi kabili na bubili khu Gidaliti, ni babaana beewe ni baalebe beewe, nga atweela bali likhumi na babili.

³⁰Khe kamakhumi kabili na butaru khu Mahaziyosi, ni babaana beewe ni baalebe beewe, nga atweela bali likhumi na babili.

³¹Khe kamakhumi kabili na bune khu Romamitiyezeri, ni babaana beewe ni baalebe beewe, nga atweela bali likhumi na babili.