Read lumasaaba 1 Bye Kimiboolo 28 Bible Online

1 Bye Kimiboolo 28 - lumasaaba bible

1 Bye Kimiboolo 28

¹Umuyiinga Dawudi walaanga babaandu khuubuusana mu Yerusalemu, nga nibo bano: baaraangilisi boosi mu Isiraeli, baaraangilisi be bikuuka byoosi, baaraangilisi be bibuli bibyakabananisibwamo mu buwuli, baaraangilisi mu maye babaraangilila bitoondo ni kimyeeka kye basilikhale, abo boosi abe babaloleelela bye buyiindifu bw'omuyiinga ni bibyaayo byeewe, basoleeli b'omuyiinga, baaraangilisi be mu lubili, basilikhale be kamaani, ni basaani baanyindaalifu boosi.

²Kila umuyiinga Dawudi enyukha emikha khu ngaaki, abalomela ari: “Balebe baase ni babaandu baase, ni murekeerese. Ise mu mwoyo kwase abe nakana naabi khukhwoombakhila Isaanduuku iye Indakaano y'Omukasya intsu, shibe nga shiifwo mweesi Umukasya amenya. Naamala ni khuukhola tsinengekharengekha tsye khuukyoombakha.

³Ne Wele waanomela ise ari, ‘Ukhantsombakhila ise Lisaayilo ta, khulwekhuuba iwe uli umusaani umunyindaalifu utsukhile shifuki shikali naabi.’

⁴Ne ate Umukasya Wele wa Isiraeli aandobora ise khukhwaama mu be muuntsu iya paapa wase, khuuba umuyiinga wa Isiraeli, khuumala biilo ni biilo. Khulwekhuuba niye aarobora Yuda khuuba umuraangilisi. Ni muuntsu tsye lisaaye lya Yuda, Wele waarobora intsu ya paapa wase. Mu baana ba paapa wase, shamusangaasa khukhuuntsikesa ise umuyiinga wa Isiraeli yoosi.

⁵Ni khukhwaama mu basoleeli baakali beesi Umukasya aamba ise, waarobooremo Solomoni khukhwiila mu bikyele byase abe umuyiinga wa Isiraeli, buyiinga bw'Omukasya umweene.

⁶Umukasya waamala khaale khukhuunomela ise ari, ‘Solomoni umwaana woowo niye ulintsombakhila ise Lisaayilo, ni lulwaanyi lwakhwo. Khulwekhuuba ise naamuroboore niye khuuba umwaana uwase, ni nase kane imbe paapawe.

⁷Ise ikheemisewo buyiinga bweewe biilo ni biilo, n'aba bari waakumisile khuuloondelela kamakaambila ni biilakilo byase, nga n'aakhola aluna ari.’

⁸Ni nashiryo ari baandu baase, mu moni tsye ba Isiraeli boosi beesi Umukasya abusaasile, naluundi nga Wele awulila, imbakhupilisa ndi busheele ni muloondelele naluundi muwuliilise kamakaambila k'Omukasya, Wele weenywe. Nio murame nga muli babeene be shibala shilayi shino, mushilekhele ni babaana beenywe ni babetsukhulu beenywe, biilo ni biilo.

⁹“Ne ari iwe mwaana wase Solomoni, manya Wele wa paapa woowo, umwisaayatsake ni kumwoyo mutweela ni khuukana. Khulwekhuuba Umukasya waamanya bibyambaaso bye mu myoyo kye babaandu, naluundi waamanya byeesi bambaasa ni byeesi bewuuma. Nga waamuweentsile, kane eyokesanise is'uli. Ne nga waamwantsukhile, naye kane akhwaantsukhe biilo ni biilo.

¹⁰Ari shimanye uri Umukasya waakhuroboore iwe khukhwombakha Lisaayilo Likhosefu. Khalilawo ilala, naluundi ushikhole.”

¹¹Lwanyuma Dawudi waaboolela umwaana weewe Solomoni shifwaani she lisaayilo nga ni lyaakhiile khuuba, nga lilikho she khukwaariramo bikwaaro, tsintsu tsyakhwo, kamabiikhilo kaakhwo, biseenge bye khu ngaaki, biseenge bye mukari, ni shiseenge she shitsoloŋo she khukhwiyakhila bibyoonako.

¹²Waamuboolela shifwaani isho sheesi aaba ni nasho mu byambaaso byeewe shishiwaamba khu Lisaayilo, na buli lulwaanyi lululibotokheleele, biseenge bibiilibotookheleele, kamabiikhilo ke Lisaayilo lya Wele, ni kamabiikhilo ke bibiindu bibiwaanibwileyo isi Wele.

¹³Waamuwa ni inengekharengekha iye khuukabananisamo basaayi ni ba Levi nga ni balekhuulanila buraambi, ni bye buraambi bwoosi mu Lisaayilo, ni bibiwaamba khu biindu byoosi bibiraambisibwa mu Lisaayilo.

¹⁴Waamuboolela bukali bw'ezaabu, n'ifeetsa bubuuli ni khuuraambisibwa mu khukhola bibiraambisibwa mu Liisaayilo Liikhulu,

¹⁵ni busiro bwe kumukhoondi kwe taala ni tsitaala tsyakhwo, ni busiro bwa zaabu iya buli kumukhoondi kwa buli itaala, ni busiro bw'efeetsa iya buli kumukhoondi kwa buli itaala, khuuloondekhana ni kumulimo kwa buli itaala mu khwisaaya,

¹⁶busiro bw'ezaabu iye khuukholamo buli imeetsa iye khuurakho kimikaati kikiwaanibwileyo, n'ifeetsa iye khuukholamo tsimeetsa tsy'efeetsa,

¹⁷n'izaabu inyene busa iye khuukholamo bye khuusuungakho tsinyama, tsingalaya, ni bikopo; ni busiro bw'ezaabu iye khuukholamo bipwakhuli ni busiro bwa buli shipwakhuli; ni busiro bw'efeetsa iye khuukholamo bipwakhuli, ni busiro bwa buli shipwakhuli;

¹⁸ni busiro bw'ezaabu inyene busa iye khuukholamo shisheeso she khukhwookhelakho bubaani, ni busiro bwayo; ni busiro bwe zaabu iye khuukholamo shikaali she bakerubi, babaabalaayisa tsindaha tsaabwe khuubiimba isaanduuku iye Indakaano y'Omukasya.

¹⁹Umuyiinga Dawudi waashisontsoola buulayi ari, bino byoosi bili mu nengekharengekha isi Umukasya umweene aarawo, waalomela Dawudi khuubikhola.

²⁰Lwanyuma Dawudi waalomela umusoleeli weewe Solomoni ari, “Ba umukumu, ukhalilewo ilala, ukhole kumulimo ukwo. Ukharya ta, namwe ukheyembelela ta, khulwekhuuba Umukasya Wele, ikhaba Wele wase isi nisaaya, ali ni nawe. Singane akhwaantsukhe namwe akhukhaasise ta, ne kane akhuyeete khukhwoolisa kumulimo kwe khukhwombakha Lisaayilo ly'Omukasya ni kane kuwe.

²¹Bona basaayi boosi ni ba Levi boosi baamalile khuuweebwa buuraambi bwaabwe muuntsu iya Wele, baraamba nga bayusaŋana. Baraambi bamanyilifu mu buli buraambi bwoosi baliwo naluundi banakholakana ni nawe mu buli shiindu. Ikhaba baaraangilisi ni babaandu boosi banaloondelelatsaka byeesi iwe kane ubalakile khukhola.”