Read lumasaaba 1 Bye Kimiboolo 3 Bible Online

1 Bye Kimiboolo 3 - lumasaaba bible

1 Bye Kimiboolo 3

¹Babaana ba Dawudi beesi aasaala nga ali i Heburoni bali basesaba. Umukiboole, bari Amunoni, nga maayi weewe aba Ahimoyamu khukhwaama i Yezureeli. Ukhola khabili bari Danieli, nga maayi weewe bari Abigayili khukhwaama i Karumeli.

²Weelakho Abisalomu, nga maayi weewe bari Maka, umukhaana uwa Talumayi, umuyiinga we i Geshuri. Adoniya weelakho, nga maayi weewe bari Hagisi.

³Khweelakho Shefatiya, nga maayi weewe bari Abitali. Uwaakamayo waaba Isireyamu, nga maayi weewe bari Egula.

⁴Basesaba bano abasaala nga ali i Heburoni, isi aamenya nga ali umuwuli khuumala kimiiko musaafu ni kimyeesi kisesaba. Lwanyuma waamenya i Yerusalemu nga ali umuwuli khuumala kimiiko kamakhumi kataru na kitaru.

⁵Babaana beesi aasaala nga ali i Yerusalemu nibo bano: Shimeya, Shobabu, Nasani ni Solomoni. Maayi waabwe abe bari Basishuwa, umukhaana uwa Amiyeli.

⁶Lwanyuma wasaala babaandi syeenda nga nibo: Ibari, Elishama, Elifeleti,

⁷Noga, Nefegi, Yafiya,

⁸Elishama, Eliyada ni Elifeleti.

⁹Abo nibo babaaba babaana ba Dawudi, nga waarusilekho babaana beesi aasaala mu bakhasi be bulafu. Umukooko waabwe aaba niye Tamari.

¹⁰Lisaaye lya Solomoni lyabamo: Rehobowamu, uwasaala Abiya; Abiya wasaala Asa; Asa wasaala Yehoshafati;

¹¹Yehoshafati wasaala Yolamu; Yolamu wasaala Ahaziya; Ahaziya wasaala Yowasi;

¹²Yowasi wasaala Azariya; Azariya wasaala Yosamu;

¹³Yosamu wasaala Ahazi; Ahazi wasaala Hezekiya; Hezekiya wasaala Manase; Manase wasaala Amoni;

¹⁴Amoni wasaala Yosiya.

¹⁵Babaana ba Yosiya baaba nibo: Yohanani nga niye umukiboole, weesakho Yehoyakimu, weesakho Zedekiya, ukhola khane waba Shalumu.

¹⁶Lisaaye lya Yehoyakimu lyabamo babaana babili, nga nibo: Yehoniya ni Zedekiya.

¹⁷Yehoniya isi bawaamba, aaba ni babaana bano: Sheyalityeli,

¹⁸Malakiramu, Pedaya, Shenaza, Yekamiya, Hoshama, ni Nedabiya.

¹⁹Pedaya wasaala Zerubabeli ni Shimeyi. Zerubabeli wasaala Mesulamu ni Hananiya. Shelomisi aba umukooko waabwe.

²⁰Babaana ba Zerubabeli babaandi nibo: Hashuba, Oheli, Berekiya, Hasadiya ni Yushabesedi.

²¹Hananiya wasaala Pelatiya ni Yeshaya. Yesaaya wasaala Refaya; Refaya wasaala Aranani; Aranani wasaala Obadiya; Obadiya wasaala Shekaniya.

²²Shekaniya wasaala Shemaya; Shemaya wasaala Hatusi, Igali, Bariya, Neriya ni Shafati. Atweela waaba ni lisaaye lye babaandu baasesaba.

²³Neriya wasaala bataru, nga nibo: Eliwonayi, Hizikiya ni Asirikamu.

²⁴Babaana ba Elowonayi baaba musaafu, nga nibo: Hodafiya, Eliyashibu, Pelaya, Akubu, Yohanani, Delaya ni Anani.