Read lumasaaba 1 Bye Kimiboolo 4 Bible Online

1 Bye Kimiboolo 4 - lumasaaba bible

1 Bye Kimiboolo 4

¹Yuda aasaala basoleeli baraano, nga nibo: Perezi, Hezironi, Karimi, Huru, ni Shobali.

²Shobali wasaala Reyayiha; Reyayiha wasaala Yahasi; Yahasi wasaala Ahumayi ni Lahadi. Bano nibo bakuuka be lisaaye lilyamenya mu Zora.

³Huru aaba umwaana umukiboole uwa Kalebu ni Efurasi. Batweela khu lisaaye lya Huru baatsya baamenya mu shiriimba she Beselehemu. Lisaaye lya Huru lyabamo bano: Etamu, Penueli, ni Ezeri. Lisaaye lya Esamu lyabamo bano: Yezureeli, Ishima, Idibashi, n'umukhaana bari Hazeleponi. Penueli amenya mu shiriimba she Gedori, ne Ezeri wamenya mu shiriimba she Husha.

⁵Ashuru uwatsya waamenya mu shiriimba she Tekowa, aaba ni bakhasi babili, nga nibo Hela ni Naara.

⁶Ashuru wasaala mu Naara babaana bano: Ahuzamu, Heferi, Temeni, ni Hahashitari.

⁷Ashuru wasaala mu Hela babaana bano: Zeresi, Izara, ni Esinani.

⁸Kozi, uwasaala Anubu ni Zobeba, niye mutweela uwaba umukuuka uwe bikuuka bya Ahariheli, nga mulimo babaana ba Harumu.

⁹Yabezi waaba uwe lukoosi naabi khuuminyisakho babandaaye boosi, ni maayi weewe aamutwiikha lisiina ari Yabezi, lilimanyisa liri, “Khulwekhuuba ise namusaalila mu butsiina.”

¹⁰Yabezi waaloomba isi Wele wa Isiraeli nga aloma ari, “Ikhuloomba ndi khali iwe umbeele ise tsikhabi, naluundi ubalaayisa tsintsakha tse liiswa lyase. Naluundi khali kamaani koowo kabeele ni nase, uniinde ise khukhwaama isi bukosi bwoosi!” Wele waamuwa byeesi aaloomba.

¹¹Kelubu, wandaaye uwa Shuha, niye uwasaala Mehiri; Mehiri wasaala Eshitoni.

¹²Eshitoni wasaala Beserafa, Paseya, ni Tehina; Tehina wasaala Irinahasi. Babaandu bano ni be muungo mwaabwe bamenyatsaka mu shiriimba shishilaangibwa shiri Reka.

¹³Babaana ba Kenazi baaba nibo: Osinelo ni Seraya. Osinelo wasaala Hasasi.

¹⁴Mewonosayi wasaala Opura. Seraya wasaala Yowabu; Yowabu wasaala Geharasimu.[2] Balilaanga baryo khulwekhuuba abe babaandu bayo bali baabasi.

¹⁵Kalebu umwaana uwa Yefune wasaala bano: Iru, Ela ni Naamu. Ela wasaala Kenazi.

¹⁶Yehaleli wasaala Zifu, Zifa, Tiriya ni Asareli.

¹⁷Ezira wasaala bano: Yeseri, Meredi, Eferi ni Yaloni. Mutweela khu bakhasi beewe bari Bisiya, uwaba umukhaana uwa Faraawo, isi Meredi aayila wasaala Miryamu, Shamayi ni Ishiba. Ishiba wasaala Eshitemowa.

¹⁸Umukhasi weewe Umuyudaaya waamusaalila Yeredi. Yeredi wasaala Gedori, Heberi ni Yekuseli. Heberi wasaala Soko; Yekuseli wasaala Zanowa.

¹⁹Hodaya wasaala babaana babasaala Keyila uwaama i Garamite; ni Esitemo, uwaama i Makasite. Maayi uwe basoleeli ba Hodaya aba ni yaaya weewe umukhaana bari Nahamu.

²⁰Shimoni aasaala bano: Amunoni, Rina, Benihanani ni Tiloni. Ishi wasaala Zohesi ni Benizohesi.

²¹Shela umwaana uwa Yuda wasaala Eri, Lada ni be nda iye babaakhola tsingubo i Besibeya. Eri wasaala Leka. Lada wasaala Maresha.

²²Yuda weloosela wasaala Yowakimu, ni basaani babaamenya i Kozeba, wasaala ni Yowasi, ni Sarafu, uwaba umuwuli i Mowabu, ne waakelasawo waakobola i Beselehemu.

²³Abano baaba baabuumbi be tsinyuungu nga bamenya i Netayimu ni Gedera. Baamenya ibweene iyo nga baraambira umuyiinga.

²⁴Lisaaye lya Simeoni nilyo lino: Nemweli, Yamini, Yaribu, Zera ni Shawulo.

²⁵Shawulo wasaala Shalumu; Shalumu wasaala Mibusamu; Mibusamu wasaala Mishima.

²⁶Mishima wasaala Hamweli; Hamweli wasaala Zakuri; Zakuri wasaala Shimeyi.

²⁷Shimeyi aaba ni basooleli likhumi na basesaba, ni bakhaana basesaba. Ne babandaaye baalekha khuuba ni babaana baakali nga niye ta; ikhaba namwe lisaaye lyaabwe lyaalekha khuubalaaha nga be nda iya Yuda ta.

²⁸Bano baamenya mu Berisheba, Molada, Hazara Shula,

²⁹Biliha, Ezemu, Toladi,

³⁰Besweli, Homa, Zikulaga,

³¹Besimakabosi, Hazasusimu,, Besibiri, ni Sharayimu. Bino nibyo bibyabaatsaka biriimba byaabwe khukhwoolisa nga Dawudi n'ekela umuyiinga.

³²Bibyaalo ni biriimba abe bibibebotookheleele byaba nibyo: Etamu, Ayini, Rimoni, Tokeni ni Ashani.

³³Khuutubakho ni bibyaalo abe bibibebotookheleleele khuutsya khukhwoola i Bali. Buno nibwo bubwaba buumenyo bwaabwe, naluundi baaronatsaka luruungo lwe khuusaalikha khwaabwe.

³⁴Mwabamo bano: Meshobabu, Yamuleki, Yosha umwaana uwa Amaziya,

³⁵Yoweli, Yehu umwaana uwa Yoshibiya, naluundi umwitsukhulu uwa Seraya nga ali shisoni sha Asiyeli,

³⁶atweela ni Eliyenayi, Yakobo, Yeshohaya, Asaya, Adiyeli, Yesimiyeli, Benaaya,

³⁷ni Ziza umwaana uwa Shifi. Shifi usaala Alooni, Alooni usaala Yedaya, Yedaya usaala Shimuri, ni Shimuri niye usaala Shemaya.

³⁸Abo beesi babuulile kamasina, baaba baawuli mu bikuuka byaabwe. Kamasaaye kaabwe kaabalaaha naabi.

³⁹Baabalaaha boola ni khuutsya khuumenya aambi ni Gedori, ibwaamanyaanga we litila, nga baweentsa kamaayilo ke bibyaayo byaabwe.

⁴⁰Baanyoola kamaayilo kamalayi naabi, nga liiloba lili libalaayi naluundi nga asila busa, nga mbaawo shishibataambisa ta. Be inda ya Hamu nibo abe babaamenyatsaka mu liloba ilyo.

⁴¹Basaani bano, beesi kamasina kaabwe karonibwile, baatsya mu liloba lino mu biseela byeesi Hezekiya aaba nga ali umuyiinga wa Yuda. Bebwaakala be inda ya Hamu abe isi bamenya, atweela ni ba Menute, atweela baabamalilawo ilala boosi. Bano beela mu bifwo byaabwe, khulwekhuuba abe iliwo kamaayilo kamalayi ke bibyaayo byaabwe.

⁴²Batweela khu nibo, nga boola basaani bitoondo biraano (500), nga be nda iya Simeoni, baatsya bebwaakala babaamenya mu Lukiingi Seyiri. Baaraangilisi baabwe baaba nibo Pelatiya, Neyariya, Refaya ni Uziyeli. Nga bano boosi bali babaana ba Ishi.

⁴³Baakhoonya abe ba Ameleki babaaramayo nga batitukha khukhwaama mu bisiintsa bibiindi. Bano baamenya mu liloba ilyo khukhwoolisa ni shaleelo.