Read lumasaaba 1 Bye Kimiboolo 7 Bible Online

1 Bye Kimiboolo 7 - lumasaaba bible

1 Bye Kimiboolo 7

¹Isakaari aaba ni babaana bane, nga nibo: Tola, Puwa, Yashubu, ni Shimuroni.

²Tola wasaala bano: Uzi, Refaya, Yeriyeli, Yahamayi, Ibusamu, ni Shemweli. Bano, buli mutweela aaba umuraangilisi uwe muungo mumweewe, nga bali be nda ya Tola. Naluundi baaba abe basoolani be kamaani naabi. Mu mbuka isi Dawudi aabeela umuyiinga, abe bukali bwaabwe bwoola kimikaanda kibili, bikana bibili ni bitoondo bisesaba (22,600).

³Uzi aaba n'umwaana mutweela, bari Izarahiya. Izarahiya yuno wasaala bano: Mikayili, Obadiya, Yoweli, ni Ishayiya. Bano buli mutweela aaba umuraangilisi uwe muungo mumweewe.

⁴Babeene bano, khulwekhuuba baaba ni bakhasi baakali ni babaana baakali, yaba boolisa liiye lye kamaani, nga bali baasoolani kimikaanda kitaru ni bikana bisesaba (36,000).

⁵Khuuloondekhana ni luruungo lwe lisaaye lya Isakaari, abe basoolani boolamo kimikaanda shinaane ni bikana musaafu (87,000).

⁶Benyamini aaba ni babaana bataru, nga nibo: Bela, Bekeri, ni Yediyayeli.

⁷Bela aaba ni babaana baraano, nga nibo bano: Esiboni, Uzi, Uziyeli, Yerimosi, ni Iri. Abano, abe buli mutweela ali umuraangilisi uwe muungo mumweewe. Khuuloondekhana ni bibyaronebwa bye luruungo, abe boolisa basoolani kimikaanda kibili, bikana bibili ni kamakhumi kataru na bane (22,034).

⁸Bekeri aaba ni babaana syeenda, nga nibo bano: Zemira, Yowasi, Eliyezeri, Elewonayi, Omuri, Yeremosi, Abiya, Anasosi, ni Alemesi.

⁹Abano buli mutweela abe ali umuraangilisi muuntsu mumweewe. Khuuloondekhana ni bibyaronebwa bye luruungo, abe boolisa basoolani be kamaani kimikaanda kibili, ni bitoondo bibili (20,200).

¹⁰Yediyayeli asaala umwaana mutweela, bari Bilihani. Bilihani wasaala: Yewushi, Benyamini, Ehudi, Kenaana, Zesani, Taluso, ni Ahishahari.

¹¹Bano abe buli mutweela ali umuraangilisi uwe muuntsu mumweewe. Khuuloondekhana ni bibyaronebwa bye luruungo, abe boolisa basoolani be kamaani kumukaanda mutweela, bikana musaafu ni bitoondo bibili (17,200).

¹²Iri wasaala Shupimu ni Hupimu. Aheri wasaala Hushimu. Bano boosi baaba be shikuuka sha Dani.

¹³Nafutali aasaala babaana bane, nga nibo: Yahaziyeli, Guni, Yezeri, ni Shalumu. Maayi uwa Nafutali ni Dani abe bari Biliha, nga yuno abe mutweela khu bakhasi be bulafu ba Yakobo.

¹⁴Manase wasaala babaana babili mu mukhasi weewe uw'ebulafu, uwaba umu Aramu. Babaana bano baaba nibo: Asiriyeli ni Makiri. Makiri wasaala Gileyadi.

¹⁵Makiri waakhweela Hupini ni Shupini bakhasi. Makiri aaba n'umukooko weewe nga bamulaanga bari Maka. Lisina ly'omusooleli ukhola khabili bari Zelofehadi; nga ali ni babaana bakhaana.

¹⁶Makiri n'umukhasi weewe Maka basaala umusoleeli, kila maawe amutwiikha lisiina ari Pereshi. Umuloonda bari Shereshi. Pereshi wasaala babaana babili nga nibo: Ulamu ni Rakemu.

¹⁷Ulamu wasaala Bedani. Abo nibo babaaba be lisaaye lya Gileyadi, umwaana uwa Makiri naluundi umwitsukhulu uwa Manase.

¹⁸Hamolekesi umukooko uwa Gileyadi, wasaala babaana bataru, nga nibo: Ishodi, Abiyezeri, ni Mahala.

¹⁹Basooleli ba Shemida baaba nibo: Ahiyani, Shekemu, Likhi, ni Aniyamu.

²⁰Efurayimu aasaala Shusela, Shusela wasaala Beredi, Beredi wasaala Tahasi, Tahasi wasaala Elaada, Elada wasaala Tahasi,

²¹Tahasi wasaala Zabadi, Zabadi wasaala Shusela. Efurayimu aasaalayo babaana babaandi babili, nga nibo: Ezeri ni Eleyadi. Babili bano beeribwa ni babaandu be Gaasi, abe babaatsya mu shibala isho khuukhola butsoonwaaki.

²²Shino shaakila paapa waabwe Efurayimu waalilila biifukhu biikali, ni baalebe beewe baatsya khumwoolakho khulwe kimitaambo.

²³Lwanyumakho, umukhasi uwa Efurayimu waafuna shisoombo, wasaala umwaana umusiinde, ne khulwe kumutaambo kukwakwa muuntsu yeewe, kila amutwiikha lisiina ari Beriya[3].

²⁴Efurayimu abe ali n'umwaana umukhaana nga bamulaanga bari Uzeni-Sheera, nga yuno niye uwombakha biriimba bibiili bye Besi Horoni, ni she Useni Sheera.

²⁵Efurayimu abe ali n'umwaana ukuundi umusoleeli, bari Refa. Refa wasaala Resefu, Resefu wasaala Tela, Tela wasaala Tahani,

²⁶Tahani wasaala Ladani, Ladani wasaala Amihudi, Amihudi wasaala Elishama,

²⁷Elishama wasaala Nuni, Nuni wasaala Yoswa.

²⁸Abo abe bamenya naluundi abe bali baawuli be mu Beseli, ni biriimba byasho, ni Narani khuulola ibwaamanyaanga, ni Gezeri khuulola ibukwanyaanga, ni biriimba bibishibotookheleele, ni Shekemu ni Aya, khuutubaasakho ni biriimba bibibotookheleelewo.

²⁹Lisaaye lya Manase abe limenya mu bisiintsa bino: Besi Shani, Tanaki, Megido, Doro, ni bibyaalo bibibotookheleelewo. Bisiintsa ibyo nibyo mweesi lisaaye lya Yusufu, umwaana uwa Isiraeli lyamenya.

³⁰Asheri abe ali ni basoleeli bane, nga nibo: Imuna, Isifa, Isifi ni Beraya. Umukooko waabwe abe bari Sera.

³¹Beraya wasaala basooleli: Heberi ni Malikyeli. Malikyeli niye uwasaala Birizayiti.

³²Heberi wasaala Yafuleti, Shomeri, Hosamu, n'umukooko waabwe Shuwa.

³³Yafuleti wasaala Pasaka, Bimuhali, ni Ashivasi.

³⁴Shomeri wasaala Roga, Yehuba, ni Aramu.

³⁵Helemu wasaala Zofa, Imina, Shalesi, ni Amalo.

³⁶Zofa wasaala Suwa, Haneferi, Shuwali, Beri, Imura,

³⁷Bezeri, Hodi, Shama, Shilusa, Isirani, ni Bera.

³⁸Yeseri wasaala Yefune, Pisipa, ni Ara.

³⁹Ula wasaala Ara, Hanieli, ni Riziya.

⁴⁰Bano boosi baaba be lisaaye lya Asheri, nga buli mutweela ali umuraangilisi uwe muuntsu mumweewe. Baaba nga bali basoolani be kamaani naluundi nga babeyikina. Khuuloondekhana ni luruungo lulwaronebwa, abe boolisa basoolani kimikaanda kibili ni bikana bisesaba (26,000).