Read lumasaaba Ezira 2 Bible Online

Ezira 2 - lumasaaba bible

Ezira 2

¹Umuyiinga Nebukaduneeza uwa Babulooni aaba waayila babaandu be mu Yuda baakali khuuba baabowe mu Babulooni. Khu mbuka yino baakali khu nibo baakobolaka mu Yerusalemu ni mu Yuda, nga buli mutweela atsya khuumenya mu shiriimba sheewe shisheene.

²Baakobolaka nga baraangililwa ni Zerubabeli, Yeshuwa, Nehemiya, Serayiya, Reeluyiya, Modekaayi, Bilushani, Misiparu, Rehumu, ni Baana. Luno nilwo luruungo lwe babaandu ba Isiraeli babaakobola:

³Babetsukhulu ba Paroshi baaba boola shikana shitweela, shitoondo shitweela ni kamakhumi musaafu na babili (1,172).

⁴Babetsukhulu ba Shefatiya baaba boola bitoondo bitaru ni kamakhumi musaafu na babili (372).

⁵Babetsukhulu ba Ara baaba boola bitoondo musaafu ni kamakhumi musaafu na baraano (775).

⁶Babetsukhulu ba Pahasi-Mowabu, nga nibo baaba basooleli ba Yeshuwa ni Yowabu, baaba boola bikana bibili, bitoondo shinaane ni likhumi na babili (2,812).

⁷Babetsukhulu ba Elamu baaba boola shikana shitweela, bitoondo bibili ni kamakhumi karaano na bane (1,254).

⁸Ba Zatu boola bitoondo syeenda ni kamakhumi kane na baraano (945).

⁹Ba Zakayi boola bitoondo musaafu ni kamakhumi kasesaba (760).

¹⁰Ba Bani boola bitoondo bisesaba ni kamakhumi kane na babili (642).

¹¹Ba Bebayi boola bitoondo bisesaba ni kamakhumi kabili na bataru (623).

¹²Ba Azigadi boola shikana shitweela, bitoondo bibili, ni kamakhumi kabili na babili (1,222)

¹³Ba Adonikamu boola bitoondo bisesaba ni kamakhumi kasesaba na basesaba (666).

¹⁴Ba Bigivayi boola bikana bibili, ni kamakhumi karaano na basesaba (2,056)

¹⁵Ba Adini boola bitoondo bine ni kamakhumi karaano na bane (454).

¹⁶Ba Ateri, khukhwaama mu Hezekiya, baaba boola kamakhumi syeenda na shinaane (98).

¹⁷Ba Bezayi boola bitoondo bitaru ni kamakhumi kabili na bataru (323)

¹⁸Ba Jora boola shitoondo shitweela ni likhumi na babili (112).

¹⁹Ba Hashumu boola bitoondo bibili ni kamakhumi kabili na bataru (223).

²⁰Ba Gibari boola kamakhumi syeenda na baraano (95).

²¹Ba Beselehemu boola shitoondo shitweela ni kamakhumi kabili na bataru (123).

²²Ba Netofa boola kamakhumi karaano na basesaba (56).

²³Ba Anasosi boola shitoondo shitweela ni kamakhumi kabili na shinaane (128).

²⁴Ba Azimavesi boola kamakhumi kane na babili (42).

²⁵Babetsukhulu ba Kiriyasarimu, Kyefira, ni Beerosi boola bitoondo musaafu ni kamakhumi kane na bataru (743).

²⁶Ba Rama ni Geba boola bitoondo bisesaba ni kamakhumi kabili na mutweela (621).

²⁷Ba Mikimashi boola shitoondo shitweela ni kamakhumi kabili na babili (122).

²⁸Ba Beseli ni Ayi boola bitoondo bibili ni kamakhumi kabili na bataru (223).

²⁹Ba Nebo boola kamakhumi karaano na babili (52).

³⁰Ba Magibishi boola shitoondo shitweela ni kamakhumi karaano na basesaba (156).

³¹Babetsukhulu ba Elamu ukuundi boola shikana shitweela, bitoondo bibili, ni kamakhumi karaano na bane (1,254).

³²Ba Harimu boola bitoondo bitaru ni kamakhumi kabili (320).

³³Babetsukhulu ba Lodu, Hadidi ni Ono baaba boola bitoondo musaafu ni kamakhumi kabili na baraano (725).

³⁴Ba Yeriko boola bitoondo bitaru ni kamakhumi kane na baraano (345).

³⁵Ba Sena boola bikana bitaru, bitoondo bisesaba ni kamakhumi kataru (3,630).

³⁶Luruungo lwe basaayi nabo babaakobola lwaba luri: Babetsukhulu ba Yedaya, khuubirira mu Yeshuwa baaba boola bitoondo syeenda ni kamakhumi musaafu na bataru (973).

³⁷Ba Imeru baaba boola shikana shitweela ni kamakhumi karaano na babili (1,052).

³⁸Ba Pashuru boola shikana shitweela, bitoondo bibili ni kamakhumi kane musaafu (1,247).

³⁹Ba Harimu boola shikana shitweela ni likhumi na musaafu (1,017).

⁴⁰Luruungo lwe bukuuka bukyeekhe bwe ba Levi babaakobola lwaba luri: babetsukhulu ba Yeshuwa ni Kadimiyeli khuubirira mu Hodaviya baaba boola kamakhumi musaafu na bane (74).

⁴¹Luruungo lwe babeembi be kimyeenya lwaba luri: babetsukhulu ba Asafu baaba boola shitoondo shitweela ni kamakhumi kabili na shinaane (128).

⁴²Luruungo lwe babaandu babebuula khu shilibwa she Liisaayilo Liikhulu lwaba luri: babetsukhulu ba Shalumu, ba Ateri, ba Talumoni, ba Akubu, ba Hatita, atweela ni babetsukhulu ba Shobayi, nga boosi khuuyilila atweela boola shitoondo shitweela ni kamakhumi kataru na syeenda (139).

⁴³Luruungo lwaabo abe babaakaanisa mu Liisaayilo Liikhulu babaakobola khukhwaama mu bubowe nilwo luno: babetsukhulu ba Ziha, ba Hasufa, ba Tabawosi,

⁴⁴ba Kerosi, ba Siyaha, ba Padoni,

⁴⁵ba Lebana, ba Hagaba, ba Akubu,

⁴⁶ba Hagabu, ba Shamulayi, ba Hanani,

⁴⁷ba Gideli, ba Gahari, ba Reyayiya,

⁴⁸ba Rezini, ba Nekoda, ba Gazamu,

⁴⁹ba Uza, ba Paseya, ba Besayi,

⁵⁰ba Asuna, ba Mewunimu, ba Nefisimu,

⁵¹ba Bakubuku, ba Hakufa, ba Haruhuri,

⁵²Bazilusi, ba Mehida, ba Harusha,

⁵³ba Barukosi, ba Sisera, ba Tema,

⁵⁴ba Neziya, atweela ni babetsukhulu ba Hatifa.

⁵⁵Luruungo lwe babaakaanisi ba Solomoni babaakobola khukhwaama mu bubowe: babetsukhulu ba Sotayi, ba Hasoferesi, ba Peruda,

⁵⁶ba Yaala, ba Darukoni, ba Gidelu,

⁵⁷Shefatiya, ba Hatilu, ba Pokyeresi-Hazebayimu, ni ba Ami.

⁵⁸Khuutubaasa atweela luruungo lwe babaakaanisi be mu Liisaayilo Liikhulu, ni babaakaanisi ba Solomoni boola bitoondo bitaru, ni kamakhumi syeenda na babili (392), babaakobola khukhwaama mu bubowe.

⁵⁹Yabawo nabo babaakobola khukhwaama mu biriimba bye mu Babulooni nga nibyo Telu Mela, Telu Harusha, Kyerubu, Adani, ni Imeru. Ne shonyene ndi baakhasikha khukhwookesanisa bukuuka bwaabwe bukyeekhe mweesi baarubukhamwo mu Isiraeli.

⁶⁰Bano baaba nibo babetsukhulu ba Delaya, ba Tobiya, ni ba Nekoda boola bitoondo bisesaba, ni kamakhumi karaano na babili (652).

⁶¹Luruungo lwaabo babaaba batweela khu basaayi nilwo: babetsukhulu ba Habaya, ba Hakozi, ni babetsukhulu ba Barizilayi. Barizilayi yuno aayila umukhasi khukhwaama mu khakuuka khakyeekhe kha Barizilayi, uwe mu shikuuka sha Gileyadi, naye waatwiikhibwa lisiina lyeene ilyo.

⁶²Babaandu beene bano baaweentselesa burone bububawaambakho nga be muungo, ne baalekha khuubunyoola ta, isho shaakila baabenyusa khu luruungo lwe basaayi lwekhuuba baayilibwa nga baanyaalu.

⁶³Aryo kila gafana waabwe alakila ari balekhe khulyakho biilyo biikhosefu byoosi ta, khukhwoolesa nga umusaayi waanyoowele khukhwiireebakho khu Urimu ni Tumimu[1].

⁶⁴Buukali bwe babaandu boosi babaakobola khukhwaama mu bubowe bwaba kimikaanda kine, bikana bibili, bitoondo bitaru ni kamakhumi kasesaba (42,360),

⁶⁵nga waareere atweela babaakaanisi baabwe besaani bekhasi boola bikana musaafu, bitoondo bitaru ni kamakhumi kataru na musaafu (7,337); naluundi baaba ni babeembi be kimyeenya besaani ni bekhasi nga boola bitoondo bibili (200).

⁶⁶Beetsa ni tsiŋwaaŋwa tsitsoola bitoondo musaafu ni kamakhumi kataru na tsisesaba (736), ni tsinyuumbu natso tsitsoola bitoondo bibili ni kamakhumi kane na tsiraano (245),

⁶⁷ni tsiŋamila natso tsoola bitoondo bine, ni kamakhumi kataru na tsiraano (435), ni tsisikilya tsoola bikana bisesaba, bitoondo musaafu, ni kamakhumi kabili (6,720).

⁶⁸Nga babaandu bano ni boola mu Yerusalemu isi Liisaayilo Liikhulu ly'Omukasya lyaaba, batweela khu baaraangilisi be tsiingo baawaanayo biwaanwa bye khuyeeta mu khwoombekha bushaakha Lisaayilo lya Wele Likhulu, mu shifwo shalyo shisheene.

⁶⁹Nga ni baanyalisa khuuwaana, baawaanayo i zaabu iyoolesa busiro tsikilo bitoondo biraano (500), ni feetsa iyoolesa busiro tsikilo bikana bibili, ni bitoondo shinaane (2,800), ni bikwaaro bye basaayi shitoondo shitweela (100).

⁷⁰Baryo basaayi, ba Levi, babeembi be kimyeenya, babeebuula khu Liisaayilo Liikhulu, atweela ni babaakaanisi baamwo, baakobolaka bamenyatsaka mu biriimba byaabwe, atweela ni babaandu babaandi. Baryo ba Isiraeli boosi baamenya mu biriimba byaabwe.