Read lumasaaba Nehemiya 10 Bible Online

Nehemiya 10 - lumasaaba bible

Nehemiya 10

¹Indakaano iyo, babaakiisakho kimikhono kyaabwe, baaba nibo: Nehemiya, nga niye Gafana, atweela ni Zedekiya, umwaana uwa Hakaliya.

²Basaayi baaba: Serayiya, Azariya, Yeremiya,

³Pashuri, Amariya, Malikiya,

⁴Hatushi, Shebaniya, Maluku,

⁵Harimu, Meremosi, Obadiya,

⁶Danieli, Ginesoni, Baruku,

⁷Meshulamu, Abiya, Miyamini,

⁸Mayaziya, Biligayi, ni Shemayiya.

⁹Ba Levi babeesakho kimikhono baaba nibo: Yeshuwa, umwaana uwa Azaniya, Binuyi uwe lisaaye lya Henadadi, ni Kadimiyeli;

¹⁰baalebe baabwe baaba nibo: Shebaniya, Hodiya, Kelita, Pelayiya, Hanani,

¹¹Mika, Rehobu, Hashabiya,

¹²Zakuri, Sherebiya, Shebaniya,

¹³Hodiya, Bani, ni Benui.

¹⁴Baraangirisi babeesakho kimikhono baaba nibo: Parosi, Pahasi, Mowabu, Elamu, Zatu, Bani,

¹⁵Buni, Azigadi, Bebayi,

¹⁶Adoniya, Bigifayi, Adini,

¹⁷Ateri, Hezekiya, Azuri,

¹⁸Hodiya, Hashumu, Bezayi,

¹⁹Harifu, Anasosi, Nebayi,

²⁰Magipiyasi, Meshulamu, Heziri,

²¹Meshazabeli, Zadoki, Yaduwa,

²²Pelatiya, Hanani, Ananiya,

²³Hosheya, Hananiya, Hashubu,

²⁴Halohesi, Piliha, Shobeki,

²⁵Rehumu, Hashabana, Mayaseyiya,

²⁶Ahiya, Hanani, Anani,

²⁷Maluku, Harimu, ni Bayana. Indakaano yaloma iri,

²⁸Ifwe babaandu fweesi, atweela ni basaayi, ni ba Levi, ni babaaliinda khu bilibwa, ni babeembi be kimyeenya, ni baraambi be mu Lisaayilo Likhulu, atweela ni bakhasi beefwe ni babaana beefwe, khwekhalile khu baandu be kamanaambo kakaandi babaamenya ni nafwe. Ari khwakholile indakaano nga khukifukiilisa, naluundi khwaamanyile buulayi sheesi khulikho.

²⁹Nashiryo, ari ifwe khwitubaasa khu basheefwe, ni baraangirisi beefwe, nga khwitsubila Wele khuri kane khuloondelele kamakaambila keewe, keesi akhuwa ifwe nga abirira mu mwakaanisi weewe Musa. Kane khuloondelele kamakaambila k'Omukasya koosi, ni biilakilo byeewe, ni indeekela yeewe. Noola sikhwaakholile isho ta, kane khufune shitsubo.

³⁰Khwitsuba khuri singane khufukiilile babaana beefwe bakhaana bakhwaalikhe khu baandu be kamanaambo kakaandi ta, namwe nafwe khuyile bakhaana baabwe ta.

³¹Babaandu be kamanaambo kakaandi ni bareera bibiindu byaabwe, namwe bye khuulya khukulisa khu shifukhu sha Sabato, namwe shifukhu shishiindi shikhulu, singane khukule ta. Lwanyuma lwa buli kimiiko musaafu, singane khulime mu mikuunda kyeefwe ta, naluundi kane khwiyakhile abo boosi beesi khwekopisa bibiindu.

³² Buli kumwiiko, kane buli mutweela awaaneyo ifeetsa ingeekhe iri, khuraambisibwa mu Lisaayilo Likhulu, lya Wele.

³³Iyo kane iraambisibwe mu khukula kimikaati kye khuuraambisa, ni biwaanwa bye biilimwa, ni biwaanwa bibyooshe, ni biwaanwa bye khu Sabato, bye kamayiiya ke kumweesi kumushaakha, bye biifukhu bibiindi biikhulu, bibiindu bikhosefu bibikanibwa, bye bibiwaanibwayo khulwe bibyoonako bye ba Isiraeli, ni bye buraambi bwoosi bubukanibwa mu ntsu iya Wele.

³⁴Naluundi, ifwe khwaakhalilewo khuri tsiingo tsye basaayi, ba Levi, ni tsye babaandu ba busheele, kane tsiwaaneyo tsiikhu tsye khuraambisa mu Lisaayilo Likhulu buli mwiiko. Tsino tsikanibwa, nio akile tsisaayilo tsiwaanibweyo khu sheeso, musaambo isi Umukasya Wele weefwe amala khaale khuulakila.

³⁵Ifwe fwabeene khweeweele likatala lye khuureeratsaka mu Lisaayilo Likhulu, shisiintsa shishinyoowa she likesa lyeefwe, buli kumwiiko.

³⁶Nga ni sharonebwa mu makaambila, kane ifwe khuyilatsake babaana beefwe besiinde bakiboole, ni bibyaayo bikiboole khukhwaama mu khaafu ni mu masheese keefwe, mu Lisaayilo lya Wele weefwe, khubiwe basaayi babaakhola kumulimo kwe bubwakaanisi.

³⁷Ifwe khukhaayilatsake mu libiikhilo lye Lisaayilo lya Wele weefwe, buufu bweesi khunyoowa khuusya khukhwaama mu bilimwa byeefwe, khubuwe basaayi, atweela ni biwaanwa bye iviini imbya, kamafura khukhwaama mu misaala kimi olivu. Kane khuwaaneyo shisiintsa shitweela khu she likhumi, khukhwaama mu likesa lyeefwe, isi ba Levi, khulwekhuuba nibo babaabibusaasa mu biriimba byeefwe.

³⁸Umusaayi khukhwaama mu lisaaye lya Aroni, ali ni khuubawo nga ifwe khuwa ba Levi bibiindu bino. Lwanyuma kane umu Levi abiikhe shisiintsa shitweela she likhumi khu biindu bino mu libiikhilo lye Lisaayilo Likhulu.

³⁹Khulwekhuuba ba Isiraeli boosi, atweela ni ba Levi, bali ni khuyila biwaanwa byaabwe bye biilimwa, iviini imbya, ni bye kamafura, mu libiikhilo mweesi babiikha bibiindu bibiraambisibwa mu shifwo shikhosefu, naluundi nga niyo isi basaayi babaakaanisa, ni babaaliinda khu bilibwa, ni babeembi be kimyeenya, isi bamenya. Kane khubone khuri, Lisaayilo lya Wele weefwe khulinaanakho.