Read lumasaaba Nehemiya 12 Bible Online

Nehemiya 12 - lumasaaba bible

Nehemiya 12

¹Aabawo basaayi baakali ni ba Levi babaakobola khukhwaama mu bubowe mu Babulooni, ni Zerubabeli umusooleli wa Sheyatiyeli, nga Yesuwa niye uwaba umuraangirisi waabwe. Basaayi abo baaba nibo bano: Serayiya, Yeremiya, Ezira,

²Amariya, Maluku, Hatushi,

³Shekaniya, Rehumu, Meremosi,

⁴Ido, Ginesoyi, Abiya,

⁵Miyamini, Mayadiya, Biliga,

⁶Shamayiya, Yoyaribu, Yedayiya,

⁷Salu, Amoki, Hilikiya, ni Yedayiya. Bano baaba abe nibo baraangirisi mu basaayi, atweela ni bayeeti baabwe, mu biseela bya Yesuwa.

⁸Ba Levi babaakobola baaba nibo: Yesuwa, Binuyi, Kadimiyeli, Sherebiya, Yuda, ni Mataniya. Abe bano atweela ni bayeeti baabwe, nibo babaakhola khu bye kimyeenya kye khuruuya, mu Lisaayilo.

⁹Ne Bakibukiya ni Uni, ni bayeeti baabwe abe nibo babaakaanila kimyeenya ni khukhwiilamo kamakono.

¹⁰Yesuwa niye uwasaala Yoyakimu, Yoyakimu wasaala Eliyashibu, Eliyashibu wasaala Yoyada.

¹¹Yoyada wasaala Yonasani, Yonasani wasaala Yaduwa.

¹²Mu mbuka isi Yoyakimu aba nga ali umusaayi umukhulu, abo babaaba baraangirisi be tsiingo tsye basaayi nibo bano: muungo mwa Serayiya, abe Merayiya; muungo mwa Yeremiya, mwabamo Hananiya;

¹³muungo mwa Ezira, mwabamo Meshulamu; muungo mwa Amariya, mwabamo Yehohanani;

¹⁴muungo mwa Maluki, mwabamo Yonasani; muungo mwa Shebaniya, mwabamo Yusufu;

¹⁵muungo mwa Harimu, mwabamo Adina; muungo mwa Merayiyosi, mwabamo Helikayi;

¹⁶muungo mwa Ido, mwabamo Zekariya; muungo mwa Ginesoni, mwabamo Mesulamu;

¹⁷muungo mwa Abiya, mwabamo Zikiri; muungo mwa Miniyamini ni mwa Mowadiya, mwabamo Pilitayi;

¹⁸muungo mwa Biliga, mwabamo Shamuwa; muungo mwa Shemayiya, mwabamo Yehonasani;

¹⁹muungo mwa Yoyaribu, mwabamo Matenayi; muungo mwa Yedayiya, mwabamo Uzi;

²⁰muungo mwa Salayi, mwabamo Kalayi; muungo mwa Amoki, mwabamo Eberi,

²¹muungo mwa Hilikiya, mwabamo Hashabiya; muungo mwa Yedaya, mwabamo Nesaneli.

²²Mu mbuka isi basaayi baakhulu baaba nga nibo: Eliyasashibu, Yoyada, Yohanani, ni Yaduwa, yabawo luruungo lwe baraangirisi be ba Levi ni be tsiingo tsyaabwe, lulwakholebwa. Ni khukhwoolisila ilala imbuka isi Dariusi, aabeela nga ali umuyiinga wa Pasiya.

²³Kamasina ke baraangirisi be tsiingo tsye ba Levi, kaaronebwa mu Shiitabo she Bibyakholikha khaale bya Isiraeli, khukhwakama nga Yohanani, umwaana uwa Eliyashibu abe ashiili umulamu. Lwanyuma lwayo, sikaaronebwa ta.

²⁴Hashabiya, Sherebiya, ni Yeshuwa umwaana uwa Kadimiyeli, atweela ni bayeeti baabwe, baakholawo kamatuuli kabili ke ba Levi babeembi be kimyeenya, nga baruuya Wele. Shino shaba nga umuyiinga Dawudi, umwakaanisi uwa Wele abe n'alakila.

²⁵Abo abe babaali ni buraambi bwe khuliinda kamabiikhilo abe kakaali aambi ni bilibwa bye Lisaayilo Likhulu, baaba nibo: Mataniya, Bakubukiya, Obadiya, Mesulamu, Talumoni, ni Akubu.

²⁶Bano boosi baakhola bubwakaanisi bwaabwe mu mbuka iya Yoyakimu, umwaana uwa Yeshuwa, uwaba umwaana uwa Yozadaki, aabeelawo. Mu mbuka iyo Nehemiya abe niye gafana, nga Ezira abe ali umusaayi naluundi umuroni.

²⁷Khu shifukhu she khuuwaanayo litikiiyi mu mikhono kya Wele, baabuusa ba Levi khukhwaama buli aandu mu Yuda, baabayila mu Yerusalemu khuutsya khwituba khu mayiiya ako. Beemba kimyeenya kye khuuruuya, nga baraambisa bye khuusakayisa, kamatuungu, ni biiyilili.

²⁸Babeemba kimyeenya bano baababuusa atweela khukhwaama mu shisiintsa she Yerusalemu, ni mu byaalo bibilaangibwa Netofasi,

²⁹ni khukhwaama i Besi Giligali, ni khukhwaama mu shisiintsa she Geba ni Azimafesi. Shino shaba shiryo khulwekhuuba abe babeemba kimyeenya bano bamenya mu byaalo bibiibotookheleele Yerusalemu.

³⁰Nga basaayi ni ba Levi baamalile khukhwipyeluusa, baatsya bapyeluusa babaandu babaaramire, ni biilibwa, ni litikiiyi nalyo.

³¹Lwanyuma ise naareera baraangirisi be mu Yuda, baaniina khu ngaaki khwe litikiiyi. Naabawaambisa khuuraangirira kamatuuli kabili ke babaandu, khuukhuuumbila khu litikiiyi khu ngaaki, nga beemba kimyeenya kikiruuya Wele. Lituuli litweela lyaakhuumba nga litsya khu mukhono kumulayi, nga litsya luwaande lwe Shiilibwa she Kamasisye.

³²Hoshayiya ni shisiintsa shitweela she baraangirisi, baatsya nga baloonda khu lituuli lino.

³³Lwanyuma basaayi bano baloondakho: Azariya, Ezira, Mesulamu,

³⁴Yuda, Benyamini, Shemayiya, ni Yeremiya.

³⁵Basaayi babaaba ni tsikhoombi mwabamo Zekariya, umwaana uwa Yonasani. Bakuuka beewe baaba nibo: Shemayiya, Mataniya, Mikayiya, Zakuri, ni Asafu;

³⁶baalebe ba Zekariya babaaba ni tsikhoombi nibo: Shemayiya, Azareli, Milalayi, Gilalayi, Mayi, Nesaneli, Yuda, ni Hanani. Abe bali ni bibiitsiila khu myeenya byeesi Dawudi, umwakaanisi uwa Wele, aalakila ari bali ni khuuraambisa. Bano boosi baakhuumba nga baaloondile khu Ezira, umuleekeli uwe Kamakaambila ka Musa.

³⁷Nga ni boola khu Shilibwa she Sebele, baaniina kamataala beengila mu shiriimba sha Dawudi, baatsya baabira khu lubili lw'omuyiinga. Beemikha khu shilibwa sheesi balaanga bari she kameetsi, aambi ni litikiiyi liliili i bwaamanyaanga.

³⁸Lituuli lilikhola khabili lyaakhuumbila khu litikiiyi khu ngaaki, nga balola luwaande luluundi. Ise samweene, atweela ni shisiintsa shishiramire she baaraangirisi ba Yuda, khwaabaloondakho. Khwaatsya khwaabira i kumunaala isi balaanga bari Tanuuru, Liitikiiyi Libalaayi.

³⁹Shiilibwa sha Efurayimu, Shiilibwa Shiikhale, Shiilibwa sheesi balaanga bari Nyeeni, Kumunaala Hananeli, ni kumunaala isi balaanga bari Shitoondo, khukhwoolisa Shiilibwa she Kamasheese. Khwaatsya khukhwoolisa ni khweema khu Shilibwa she Khuutseeta.

⁴⁰Nashiryo kamatuuli koombi abe kakaali khukhwiimba nga karuuya Wele, keengila mu Lisaayilo Likhulu, buli babaandu baatsya mu bifwo byaabwe. Ikhaba nase, atweela ni shisiintsa shitweela she baaraangirisi babaaba ni nase;

⁴¹ni basaayi babaaba nga bali ni tsikhoombi nibo: Eliyakimu, Mayaseyiya, Miniyamini, Mikayiya, Eliyonayi, Zekariya, ni Hananiya,

⁴²Mayaseyiya, Shemayiya, Eliyazari, Yehohanani, Malikiya, Elamu, ni Ezeri. Yezarahiya, niye uwaba umuraangirisi uwe babeemba kimyeenya.

⁴³Wele abe waabanyalisile khuuba ni kumwikhoyo kumukali naabi, nashiryo bawaanayo tsisaayilo tsingali khu shifukhu isho, nga beekhoya. Ikhaba bakhasi ni babaana boosi beekhoya. Likono lye kumwikhoyo lilyaba mu Yerusalemu, abe liliwulilikhana khukhwoola aleeyi naabi.

⁴⁴Khu shifukhu sheene isho, aabawo baraangirisi batweela beesi baarobora, baabawa buraambi bwe khuubiikha biwaanwa bye mu Lisaayilo, ni khukhwakaanila bibyaama mu likesa, ni bibyaayo, nga bino baaba babyakaanisileyo isi Wele. Baraangirisi beene bano nibo babaabusaasa biilimwa khukhwaama mu baandu, byeesi Kamakaambila ka Musa kaaloma kari bali ni khuubiwa ba Levi. Buli mutweela mu Yuda waaba musangaafu naabi khulwe buraambi buulayi bweesi basaayi ni ba Levi baakhola.

⁴⁵Nashiryo baakhola bye bubwakaanisi bwaabwe isi Wele, ni bwe khupyeluusa, nga babeemba kimyeenya ni babaliinda khu bilibwa nabo ni baakhola, khuuloondekhana ni likaambila lilyarusibwa Dawudi n'umwaana weewe Solomoni.

⁴⁶Khulwekhuuba, amataayiko, nga Dawudi ni Asafu bashiili baalamu, aabawo umuundu uraangirira bye khukhwiimba kimyeenya kikiiruuya ni khuusiima Wele.

⁴⁷Mu mbuka isi ise ni Zerubabeli khwaba nga khuli baraangirisi, buli mutweela mu Isiraeli aawaanaayo isho abe sheesi akhiile khuuwaanayo buli busheele, nga biweebwa babeemba kimyeenya ni babaaliinda khu Lisaayilo Likhulu. Bano abe baama mu shikuuka she ba Levi. Lwanyuma abe ba Levi bawa basaayi kumukabo kwaabwe, khukhwaama khu sheesi baaba bafunile.