Read lumasaaba Yobu 17 Bible Online

Yobu 17 - lumasaaba bible

Yobu 17

¹Ise kamaani kaase kaatsiile, ise ndi aambi khuufwa; iŋani yanindiliile ise.

²Khu buli luwaande iliyo babaandu babaantsekhelela ise; ise imbarakho busa tsiimoni nga ni baantsibwakala.

³O Wele, iwe n'untsimiilile baandekhuule khukhwaama mwipuusu; mbaawo umuundu ukuundi unyala weemikha khuungaki waambotsela ise ta.

⁴Khukhwaama iwe n'uboweelesile bubwoongo bwaabwe baalekha khubakho ni sheesi bamanya ta, iwe ukhabafukiilisa nibo baafuura ise mu musaango kuno ta.

⁵Umuundu ulyamo uwashe luwomelo bari abewo sheesi afunakho, nyaanga babaana beewe bakhaataambisibwe.

⁶Ari ise nayikela busa shishiindu sheesi babaandu batsekhelela; nga bamboonekho bafuutsa ni kamare khulwe khukhuumbiyiila ise.

⁷Khulwe kumutaambo ari ni tsiimoni tsyase sitsishiibona ta; kamakhono kaase ni biikele byaboombile ari bili busa nga busaantsu.

⁸Babaandu baalayi nga baaboone khuutaambisibwa khweesi ise imbiriremo, beesindukha busa; liirima libawaamba, baakhalila ise kumusaango nga baloma bari ise sinisaaya Wele ta.

⁹Ne shitweela busa uyo uwiyikina Wele, kane elosele khuukhola busa aryo. Naluundi abo babaali baakhosefu beloosela khuuba ni kamaani.

¹⁰Ne abe inywe mweesi mwaakheetsa mwaantsima ise ibweeni, ise singane inyoolemo ikhaaba umuundu umukesi na mutweela ta.

¹¹Biifukhu byeesi ise ndi ni nabyo khu shibala khuno, byaaweeleyo, ni tsinengarengekha tsyase natsyo tsyaakamile; ni kumwooyo kwase kwaaweelemo kumwikhoyo.

¹²Nga shiilo shoolile basaale baase bekholisa bari kuli kumuusi; uri antsye buba nga bwiilabula, beekholisa bari bulikho busya.

¹³Ise nikoomba ndi khali ifwiile intsye imakoombe; intsya naala bulili bwase ibweene iyo.

¹⁴Iŋani ikhekele niyo khuuba paapa uwase, ni tsinyeende tsiikele nitsyo maayi wase ni bakooko baase.

¹⁵Ari, abe ise kumwiyikino kwase kuli waahena? Naanu unyala waabona ari ise ndikho ni kumwiyikino kwoosi?

¹⁶Ari ise inatsya imakoombe ni kumwiyikino kwase? Kane ise intsye mu shibala she baafu ni neebyo byoosi abe byeesi niyikina?