Read lumasaaba Yobu 29 Bible Online

Yobu 29 - lumasaaba bible

Yobu 29

¹Lwanyuma kila Yobu eloosela n'iinganikha yeewe, nga aloma ari:

²Ise nekoomba indi abe uri buulamu bwase bukheelayo bwaaba nga khaale; bwaaba nga mu mbuka yeesi abe Wele ali niye umuliindi wase.

³Abe Wele ali niye buwaanga bubuumulikhila ise buli esi intsya; abe niye amulikhila ise buwaanga nga imbira mu shiilima.

⁴Mu biseela ibyo abe ise ndi buulayi naabi, abe buusaale bwa Wele nibwo bubutseeta muungo mwase.

⁵Mu mbuka iyo abe Umunyali uwa byoosi ali ni nase, naluundi abe babaana baase baayintsibotokhelela.

⁶Mu mbuka yeesi abe ise ingendela busa mu mabeele kakaama mu byaayo byase, ni kimisaala kyase kimizabibu abe kitsowa mu liloba liliili lye lulwaanda busa.

⁷Mu biseela ibyo abe nga ise naatsiile mu mbuusano tsye baasakhalu, ne khala atweela ni nabo mu shiriimba,

⁸abe basoleeli nga bamboonekho baantsiberera aleeyi busa, ni basaakhulu abe beenyukha khu ngaaki khukhuuntsisyamo ise shiriifwa.

⁹Abe nga baraangirisi balikho bakanikha, abe banyoowa baasilamo nga ise noolile.

¹⁰Babaandu be mu shiriimba babaamanyikhaane abe bayuna busa, baarama busa nga sibakanikha ta.

¹¹Abe buli uwumbonakho namwe uwumbulilakho, baanganikhakho biilayi byoonyene.

¹²Khulwekhuuba abe nga umutaambi welootsile, ise imutimiilila; abe baafuubi babaakhali n'uubayeeta ta, ise abe imbayeeta.

¹³Abe ikhaba abo babaali mu mutaambo kwe angaaki kuryeena, boosi baambuyila ise; naluundi abe ise ndimiilila banamulekhwa khuumenya mu lukoosi.

¹⁴Ise abe imenya mu bukhosefu, naluundi bwayintsibotokhelela; buulamu bwase bwoosi abe bukeendela mu bwaŋali bwoonyene.

¹⁵Abe ise niye uraangirira abo babaali baabofu, naluundi abe indimiilila abo babaali baaleme.

¹⁶Abe bataambi beetsa isi ise busa nga babaana ni batsya isi paapa waabwe, naluundi abe indimiilila naabi babeetswa nga bakwiile mu bihangafu.

¹⁷Abe ise isoolanisa abo babaali ni kamaaya isi bashaabwe, nabakhanuulakho abe beesi bebwakaale.

¹⁸Kila ise nambaasa indi kane imenyewo imbuka indeeyi, khukhwoolisa n'ifwiila mu makhono ke be muntsu mwase.

¹⁹Abe indi uwe kamaani nga kuusaala kukwayila tsiindi tsyakwo, khukhwoolisa khu meetsi, nga busheele liime lili khu masaafu kaakwo.

²⁰Abe buli mutweela anganikhakho bibiindu biilayi byoonyene, naluundi abe indi ni kamaani ke khuukhola kimilimo.

²¹Abe nga indi khuuwa kamakhula, babaandu beekhala baliinda, nga barekeeresa ni khukhwimenielesa khuukali.

²²Abe nga ise naakanikhile mbaawo uwiilamo ta; abe biilomo byase bibanoka buulayi nga ifula ni yiikha mu liloba.

²³Abe babaandu baanindiilila ise nga babaaliindiilila ifula; abe buli mutweela antsakaanila nga umulimi ni akaanila iifula.

²⁴Abe ise nga naamuunamuuniile umuundu, s'aafukiilisa ta, khulwekhuuba abe sibashisuubila ta.

²⁵Ise abe imbakhalilawo sheesi bali ni khuukhola, naluundi ise neekhala nga umuwuli waabwe. Abe ise imbaraangirira nga umuyiinga n'aaraangirira liiye lyeewe, naaba busa nga uyo uwoleelesa babaali mu masika.