Read lumasaaba Tsizabuli 101 Bible Online

Tsizabuli 101 - lumasaaba bible

Tsizabuli 101

¹Kane ise ikhwiimbatsakile iwe kumweenya, O Umukasya! Kane niimbe khusiima shiisa shoowo ni bwaŋali bwoowo.

²Ise kane nitsiliilise naabi khukhola ibyo bibyakhila. Ne liina isi iwe kane witsile isi ndi? Kane ise imenyele mu bukwalaafu mu ntsu yase.

³Ise naayikaanila ilala khuukhola shishiindu shoosi shishikhali shilayi ta. Ise naabiyiila buraambi bwaabo babaarura khu Wele, sifukiilila khukhwitubaasa ni nabo ta.

⁴Ise singene imbe ni kumwoyo kwe bumoyaani ta, namwe singene ifukiilile khukholakana ni shiibi shoosi ta.

⁵Ise kane isilise buli muundu yeesi ukane abe nga akyeesa lukaambo khu mwesanwa weewe mu shimoonyo, naluundi singene nikhaliilikhe uyo yeesi uwikana umweene yenyene ta, namwe uwiyiingayiinga ta.

⁶Kane ise imeentse abo babaali babeyikinwa mu shibala khuumenyatsaka ni nase, ni naabo babaakyeendela mu ntsila tsintsalaafu khuuba nibo babaantsakaanisa ise.

⁷Mbaawo na mutweela uuli umulyakhani namwe uuli umubeeyi uulimenya mu ntsu yase ta.

⁸Buli mutikhinyi busheele, kane isilisatsake abo babaali baabi mu shibala, ni khuuwoonela aleeyi abo babaali baboonaki khuurura mu shiriimba sh'Omukasya.