Read lumasaaba Tsizabuli 110 Bible Online

Tsizabuli 110 - lumasaaba bible

Tsizabuli 110

¹Umukasya alomela Umukasya wase ari, “Yikhala khu mukhono kwase kumulayi, nisho shishiili shifwo she shiriifwa, khukhwoolesa nga ise naamalile khuuwula baasiku boowo boosi.”

²Umukasya kane akile buwuli bwoowo buburakikhila mu Sayuuni, bumalatane buli aandu uryo ube umuwuli khu baasiku boowo boosi.

³Shiriifwa she bunyala bwoowo shikhaabonekhele khu shifukhu sheesi iwe ukhaarakikhile khuuwula nga umuyiinga. Iwe ulikwaara bikwaaro bibiili bikhosefu, nio mu mani koowo, iwe waaburukhe nga inyaanga ni yaaburukha kumutikhinyi.

⁴Umukasya waamalile khaale khukhwitsuba, singene ashuusekho shishambaaso sheewe ta, “Iwe uli umusaayi khuumala biilo ni biilo, nga Melekizedeki ni aaba.”

⁵Umukasya ali khu mukhono kwoowo kumulayi, nga nisho shishiili shiriifwa; naluundi khulwe lirima lyeewe, akhaaminiangule bayiinga babaandi.

⁶Akhaakhalile banaambo kumusaango kubafuure, abeere bawewo, aryo etsuse shibala shaabwe shoosi ni kimilaambo.

⁷Umuyiinga alinywa kameetsi khukhwaama mu luutsi lwoosi lweesi aroboole, nga akhola aryo alikho awula mu buli busoolo. Ni khulweebyo, umuyiinga akhaawule mu busoolo bwoosi.