Read lumasaaba Tsizabuli 112 Bible Online

Tsizabuli 112 - lumasaaba bible

Tsizabuli 112

¹Ruuya Umukasya! Umuundu uwisaaya Umukasya naluundi uwikhoyela naabi kamakaambila k'Omukasya, aba ali ni tsikhabi!

²Lisaaye ly'omuundu uyo khu shibala liliba liikali; ni kumuboolo kwaabo babaali bakhosefu bali ni ikhabi.

³Kane bafune buyiindifu babalaahe, naluundi bukhosefu bwaabwe bulibawo biilo ni biilo.

⁴Babesaaya Umukasya baaburukha bakhosela bakhosefu nga buwaanga ni bwaaburukhila mu shilima; bali be bubweela, be shiisa, naluundi bali bakwalaafu.

⁵Umuundu ukholakana ni babaandi ni bubweela nga abekopesa bibiindu, uyo ukhola bibiindu byoosi nga aloondelela bya ŋali, buulamu bumutsiila buulayi.

⁶Khulwekhuuba baakhosefu sibalifunakho bihangafu ta, ni bibiindu biilayi byeesi bakhola sibalibiibilila ta.

⁷Umukhosefu angawulila kamakhuuwa kamabi s'esindukha ta; kumwoyo kweewe kuli kumunyindalifu, khulwekhuuba eyikina Umukasya.

⁸Kumwoyo kweewe kuli kumunyindalifu, s'alikho ni khuurya khwoosi ta, naluundi alimenya khukhwoolesa n'abona nga bafuurire baasiku beewe.

⁹Wele busheele ashebulila baakhosefu, naluundi baruuyibwa naabi, khulwekhuuba baba ni shiisa naluundi bawaanayo bya busa isi bataambi.

¹⁰Uri baboonaki babona shino, lirima lyaabawaamba beelya busa kiminwa, baryo baasumbukha. Baboonaki sibalifunakho shishiindu sheesi bekoomba ta.